Корисниците пресреќни: Ја добија долгоочекуваната нова опција на „Messenger“

„Месинџер“ конечно ја добива корисната функција на враќање на конкретна порака во групни разговори (replay). Со ова се олеснува одговарањето на пораките и следењето на разговорот, особено кога станува збор за поголеми групи.

Ваква опција веќе има на „Вајбер“ и на „Вацап“.

За да одговорите на одредена порака, потребно е подолго да се задржите на неа и од менито што ќе ви се појави да ја одберете стрелката која се појавува по останатите веќе познати реакции. И тоа е сè. Потоа можете да го напишете својот одговор токму на таа порака.

Фејсбук од пред неколку недели направи и уште една нова привлечна опција која ви овозможува полесно да ја користите апликацијата навечер.

Компанијата Фејсбук продолжува да ја развива својата апликација на „Месинџер“, со намера да се фокусира на пишувањето, сега тие го исполнија ветувањето со „ноќната опција“.

„Ноќната опција“ полека станува достапна на корисниците на „Месинџер“, а за да се активира, потребно е на некого или на себе да си пратите иконата полумесечина.

Твитер ја воведува опцијата „Hide Tweet“ – за корисниците тоа е обид за цензура

Твитер подготвува опција која на корисниците ќе им овозможува да ја модерираат расправата под нивната објава. Станува збор за „Hide Tweet“, или опцијата за криење на твитовите на другите корисници кои коментирале.

Според Мишел Јасмин Хак, производствена менаџерка во Твитер, опцијата би придонела за создавање на поквалитетна расправа на профилите на корисниците.

Поточно, корисниците кои споделиле содржина ќе имаат шанса да ги скријат твитовите кои настанале како одговор на таа содржина.

Тоа ќе може да се направи преку опцијата „Hide Tweet“, која корисниците ќе може да ја искористат заедно со веќе постоечките како „Block“, „Mute“ и „Report“. Првите две се однесуваат само на корисникот што ја блокира содржината, додека третата опција може да се пријави единствено содржината која ги крши правилата на Твитер.

По најавата за опцијата, одредени корисници на Твитер го изразија своето незадоволство нагласувајќи дека таа потенцијално би можела да служи како средство за цензура на мислењата. Но, корисниците ќе можат и понатаму да ги гледаат скриените твитови преку посебно мени.

Јавното тестирање на опцијата ќе започне во следните месеци.