Следете не

Занимливости

Денешен Хороскоп за Св.Валентин (14.02.2018)

Објавено пред

на

Изгледот може да лаже на овогодишниов Св. Валентин. Овој романтичен празник е за прославување на радостите на љубовта, но сериозните чувства оваа година се брануваат под површината. Цвеќето, чоколадите и сличните подароци нема да ѝ наштетат на врската, но нема да ги оттргнат грижите и сомнежите за подарувањето на вашето срце.
Венера, планетата на љубовта и манипулативниот Плутон се во таква позиција што може да предизвикаат појава на посесивност и љубомора, поткопување на довербата помеѓу партнерите, како и на вербата во себе.
Најкорисните подароци кои може да ги дадете сега, се искреното изразување на вашите грижи и покажувањето разбирање за стравовите на партнерот. Веројатно ова ќе ги тргне површните насмевки во моментот, но ќе ги продлабочи и зајакне врските во иднина. Погледнете ги предвидувањата за вашиот знак за овој Св. Валентин.

Овен

Оваа година важни се малите нешта затоа што вашата вообичаено страсна владејачка планета Марс е заглавена. Ова може да ве направи носталгични, но подобро ќе ви биде ако се посветите на деталите од сегашноста. Правењето нешто корисно е одличен начин да го прославите овој празник, со Марс во практичната Девица. Наместо да се занесете во јадење и танцување, зошто овој ден да не го посветите на тоа да им послужите на другите? Ова веројатно не звучи романтично, но ја покажува вашата љубезност и сочувство. Помагањето некому како волонтер, пријател или член на семејството ќе ви донесе ниво на задоволство, кое ќе направи да се чувствувате дека навистина ја заслужувате љубовта, овозможувајќи ви послободно да ја дарувате и воспримите.
Бик
Слатката страна на Св. Валентин ѝ прилега на вашата сензуална природа. Слаткиот мирис на цвеќе и вкусот на чоколада ја истакнува нежната страна на вашиот карактер. Сепак, може да има нешто што недостасува оваа година затоа што ви е тешко да се смирите и да уживате во овој специјален ден. Романсата која ја претставува овој ден е завиена во напнатата врска помеѓу љубовната Венера и провокативниот Плутон. Задевање, недоверба, љубомора или сомневање во себе може да ви го помрачат расположението. Ако имате партнер, побарајте тивко, оддалечено место каде ќе може да разговарате за интимни нешта. Ако сте сингл, подобро е да сте сами или со некој кому му верувате, отколку да барате романса под ризични околности.
Близнаци
Св. Валентин за вас може да започне отрезнувачки затоа што Месечината во Скорпија која е одговорна за расположението, се наоѓа во вашата 6-та куќа на прилагодување сè до вечерта, но токму тогаш забавата започнува. Месечевата промена кон дружељубивиот Стрелец  ја осветлува вашата 7-ма куќа на партнери, канејќи ве гласно и силно да се забавувате со некоја авантуристичка индивидуа. Сепак, може да сте со личност која се чувствува малку несигурна, што не му одговара на вашиот дух. Сфаќањето дека другиот можеби не се чувствува толку весело и разиграно како вас е важно доколку сакате да ја стекнете неговата или нејзината доверба. Не сметајте ги за безначајни повредените чувства, иако мислите дека проблемот и не е толку важен.
Рак
Разбудената сентименталност на овој Св. Валентин е помешана со некои компликации. Патувањето започнува со Месечината во страсната скорпија и вашата 5-та куќа на романсата, што звучи како совршена формула за добивање на посакуваната интимност. Сепак, вечерта се случува промена, со влегување на Месечината во грубиот стрелец, која може да биде помалку нежна од потребното. Нечувствителните забелешки може да предизвикаат непријатни чувства. Ако е така, искажете се цврсто, но нежно, наместо да се смешкате додека од внатре вриете. Довербата бара вистина, дури и кога кажаното не се вклопува во идеалниот модел на Св. Валентин со срценца и цветчиња. Соочувањето со реалноста е клучно за љубовта да трае.
Лав
Денот може да ви донесе извесни предизвици, односно да дојде до комплицирање на вашите планови, а емоциите може да ви бидат многу повредени. Љубомората или презирот може да му го одземе сјајот на празникот и славењето на љубовта. За среќа лунарната транзиција во ентузијастичкиот стрелец и вашата 5-та куќа на романсата, во текот на вечерта може да го сврти ветерот во поповолна насока. Игривата и дарежлива природа на вашиот карактер ќе заблеска и ќе ви овозможи да си поминете незаборавно. Сепак, извесна чувствителна личност може да реагира со љубомора, недоверба или едноставно да не биде расположена. Наоѓањето рамнотежа помеѓу радоста која вие ја барате и ранливоста на оваа личност, најлесно може да биде постигнато со љубезност и умерена смисла за хумор.
Девица
На овој празник, обидете се да ги поедноставите работите затоа што страсниот Марс сè уште се движи ретроградно во вашиот знак. Враќањето на место или на активност каде во минатото сте искусиле задоволство, е еден добар начин да ја искористите оваа инаку комплицирана транзиција. Само одржете ги работите едноставни за да го ограничите стресот и да си поминете убаво. Поврзувањето со некој што не сте го виделе некое време е уште еден начин да го прославите овој празник. Можно е да сретнете гласни или некултурни поединци во текот на вечерта. Дадете сè од себе да бидете во духот на забавата и немојте да им дозволите на груби личности да ви го уништат расположението.  Исто така, може да испланирате тивка вечер надвор или да останете дома и да најдете помирни начини на уживање.
Вага
Вашиот вкус за романтика тежнее кон слатката страна, што всушност треба да е поентата на Св. Валентин. Сепак, на овој ден постојат моќни чувства во вашите врски со другите луѓе, кои ја симнуваат фасадата на љубезност за да стигнат до подлабоките лични проблеми. Вашата примамлива владејачка планета Венера, е на пат кон заплеткување со мрачниот Плутон, побудувајќи проблеми со самоконтролата, љубомората и изнесувањето на скриените работи на површина. Страста е дел од пакетот, а ако имате волја да се соочите со непријатните чувства, може да го претворите проблемот во можност да се зближите со некого. Клучот е да бидете искрени кон себе и потоа да ги изразите вашите желби, без да застранувате во презир или во фокусирање на минатото.
Скорпија
Страста пулсира додека барате задоволство на подлабоко ниво од она што ќе го најдете на која било картичка за Св. Валентин. Денот започнува со Месечината во вашиот интензивен знак, подигајќи ги влоговите во играта на љубовта.  Вие не сте за флертување или за играње со луѓе кои не се подготвени да се посветат целосно на романсата. Планетата на љубовта, Венера сега се судира со вашата моќна владејачка планета Плутон, интензивирајќи ги врските со поголема желба, но исто така заканувајќи им се со тајност, љубомора и проблеми со контролата. Оваа атмосфера не е идеална за весели активности, но може да ве поттикне да ги поместите границите со вашиот партнер. Само, направете го тоа нежно за да не отидете предалеку и на крајот да создадете криза.
Стрелец
Одржувањето позитивен став е една од вашите јаки страни и вештина која ќе ви биде потребна овој Св. Валентин. Оптимизмот ќе ви биде неопходен, затоа што имате „сиви чувства“ на денот кога треба да се прославува љубовта. Започнува со Месечината во мистериозната скорпија и вашата таинствена 12-та куќа, што може да не ве доведе во најигривото расположение. Можеби ќе бидете посреќни ако не сте толку активни вечерта или ако поминете време со личност која не очекува многу. Лунарна промена во вашиот знак вообичаено би ја разубавило вечерта, што и во овој случај е возможно. Како и да е, љубовната Венера се судрува со манипулативниот Плутон, а вие не сте некој што сака да биде контролиран. Ако сте незадоволни со вашиот партнер, бидете искрени, но внимателни со вашите зборови.
Јарец
Една од вашите силни страни е тоа што знаете што сакате, но знаењето што и кого не сакате е еднакво важно за овој ден. Секако, празникот треба да претставува славење на љубовта, исполнет со цвеќиња, чоколади и романтика. Но ова не е баш таков ден. Овој Св. Валентин посоодветно е да се зборува за сериозни емоционални проблеми со пријател, отколку да се однесувате како заљубен тинејџер. Добрата вест е што можеби сте подготвени да дискутирате за некои сериозни работи. Ова не е забавно, но може да биде исклучително продуктивно за да се расчистат нерешени прашања кои ве фрустрираат во сегашната врска или во потрагата по нова. Ако и покрај ова, сега одлучите да си „играте“, добро е да знаете дека работите може да станат сериозни, затоа избегнувајте да бидете премногу компетитивни.
Водолија
Идејата за љубовта е прекрасно нешто и нешто во кое можете целосно да верувате. Сепак, овој концепт можеби нема да се отслика во реалноста на годинешниот комплициран празник. Првичниот проблем е тоа што Венера, планетата на љубовта се вплеткува со Плутон, темниот господар на подземјето. Ова може да предизвика некои провокации кои го разбиваат духот на денот. Но наместо да се трудите да пловите над непријатните чувства, соодветно време е да нурнете длабоко во себе и да размислувате за вашите желби. Доколку тие не се исполнети од вашиот сегашен партнер или сте сингл, интимен разговор со некој на кого можете да му верувате, може да ви помогне да тргнете кон остварување на вашите потреби.
Риби
Дури и романтична личност како вас може да забележи дека овој Св. Валентин повеќе е за копањето длабоко во нашата емотивност, отколку за кратки врски во лесен стил. Многу е важно да бидете ценети, со оглед на тоа што Венера е во вашата 2-ра куќа на самопочитта и се судира со проникливиот Плутон.  Вие веројатно не можете да си ги објасните непријатните проблеми, како на пример чувството да се биде непочитуван или игнориран. Не е убаво кога незадоволството ќе излезе на површина, но тоа е многу поздраво отколку да се потиснуваат чувствата. Решението е во признавањето дека заслужувате љубов и внимание без да се борите за тоа и да сфатите дека не сте жртва. Добивањето на тоа што го сакате, започнува со елиминирање на кое било однесување и верувања кои ви стојат на патот, за да се осигурате дека ве третираат фер.

Занимливости

„Зелена комета“ најблиску до Земјата за прв пат по 50,000 години, последен пат била видлива во камена доба

Објавено пред

на

Архива ©porta.mk

Зелената комета ќе биде најблиску до Земјата денес и утре, односно 1 и 2 февруари и ќе прелета низ ноќното небо за прв пат по 50.000 години, а последен пат била видлива на ноќното небо во камена доба.

Кометата, откриена на 2 март 2022 година од страна на астрономите со помош на камерата за широко поле на минливи објекти Цвики во опсерваторијата Паломар во округот Сан Диего, Калифорнија, НАСА ја протолкуваше дека се приближила до Сонцето на 12 јануари.

Наречен „C/2022 E3 (ZTF), тој има орбита околу Сонцето што минува низ надворешниот дострел на Сончевиот систем, поради што патува толку долг пат и зошто му треба толку долго за повторно да помине покрај Земјата. според Планетарното друштво.

Ледениот небесен објект ќе биде најблиску до Земјата меѓу 1 и 2 февруари, на растојание од околу 42 до 44 милиони километри, наведува „EarthSky“.

Ова ледено небесно тело, наречено и „полна уста“, според информациите на НАСА, се доближило најблиску до Сонцето на 12 јануари, пред најблиску до Земјата на 2 февруари.

Во тој момент, според извештајот на Planetary Society, таа ќе биде оддалечена само околу 42 милиони километри од нашата планета.

/euronews.rs

Прочитај повеќе...

Занимливости

Неколку работи кои треба да ги знаеме пред да купуваме леб

Објавено пред

на

Веројатно знаете барем едно лице кое се откажало од јаглени хидрати за да ја изгуби телесната тежина. Но, вие не мора да кажете „не“ на тостови и сендвичи за да видите како вашите бројки на вагата се движат во вистинската насока.

Во реалноста, ако се држите до цели житарици, лебот може да биде здрав дел од урамнотежена исхрана бидејќи има вредни хранливи состојки и може да содржи влакна што можат да бидат добри за вас, пишува WeightWatchers.

Што е толку супер кај целите зрна? Целите зрна имаат повеќе здравствени придобивки: луѓето кои дневно консумираат најмалку три порции житарици од цели зрна имаат помал ризик од дијабетес и срцеви заболувања. Што да барате?

Повеќето продавници за леб во супермаркетите се преполни со различни опции, па затоа е многу важно внимателно да го прочитате пакувањето. Најдобро место за почеток е листата на состојки, каде што основните состојки се наведени според количината од најмногу до најмалку. Всушност, најдобро е да земете леб со цели зрна. Понекогаш е тешко да се одреди, но во идеален случај барајте 16 грама цели зрна кај лебот.

Што да избегнувате? Кога ја читате етикета, избегнувајте леб направен од “бело брашно”, “збогатено бело брашно” или “пченично брашно”. Сите три термини укажуваат на тоа дека зрното е рафинирано, односно дека му се одземени хранливите материи.

Без да го прочитате пакувањето, тешко е сигурно да знаете точно што добивате со пекарскиот леб. Но, постојат неколку правила: Барајте леб од цела пченица. Прашајте дали можете да го фатите лебот пред да го купите и ако почувствувате дека лебот е како воздух, не го купувајте. Општо земено, колку е покрупен лебот, толку е поголема содржината на целото зрно.

/denar

Прочитај повеќе...

Занимливости

Колкави плати земаат професионалните „MotoGP“ возачи, според последните информации за 2022-ра година

Објавено пред

на

Секогаш незгодната тема е платата на MotoGP возачите. Некој би рекол недоволно со оглед на ризикот што го преземаат при секое излегување на патеката. Не размислуваме само за ризикот од смрт, туку и за повредите кои можат засекогаш да ги отстранат од моторните спортови.

Возењето на возачите од мотоспортот обично значи дека тие остануваат без занает во нивните раце. Причината лежи во тоа што речиси сите момчиња и девојчиња од мали нозе се занимаваат со мото спорт, па добар дел од нив не го завршиле целосно образованието.

Лавината околу платите започна кога ДОРНА официјално објави дека годинава ќе се одржат 42 трки, односно по две трки по тркачки викенд. Воведувањето на спринтерски трки го зголемува ризикот за возачите и бара дополнителен напор од нив (да бидат физички поподготвени итн.). Бидејќи ДОРНА е иницијатор на дополнителните трки, тимовите побараа ДОРНА да ги сноси трошоците за зголемување на платите.

Во виорот на овие настани, La Gazzetta dello Sport ги претстави платите што ги добија возачите на MotoGP во 2022 година. Ве молиме имајте предвид дека бројките што ги гледате се веројатно само сумите што возачите ги добиваат од тимовите за кои возат. Вкупната заработка е секако поголема, бидејќи возачите имаат приходи и од спонзори.

Плати на возачите на MotoGP за 2022 година (возач: износ во евра):

Марк Маркез: 12.500.000

Маверик Вињалес: 10.000.000

Фабио Квартаро: 6.000.000

Џоан Мир: 6.000.000

Франческо Бањаја: 5.000.000

Какви суми добиваат Еспаргаро, Морбидели, Жарко и други, погледнете овде.

/nova

Прочитај повеќе...

Facebook

Последни објави

Македонија7 часа

Цената на дизелот од ноќеска се намалува, додека бензините остануваат со иста цена за литар

Цената на дизел горивото ЕУРОДИЗЕЛ (Д-Е V) од ноќеска на полноќ се намалува за 2,5, а на Екстра лесното масло...

Занимливости7 часа

„Зелена комета“ најблиску до Земјата за прв пат по 50,000 години, последен пат била видлива во камена доба

Зелената комета ќе биде најблиску до Земјата денес и утре, односно 1 и 2 февруари и ќе прелета низ ноќното...

Хороскоп23 часа

Месечен Хороскоп (февруари)

ОВЕН Се обидувате да го придружувате партнерот во новите одлуки и да го поддржите во деловните потфати. Нема причина да...

Култура1 ден

Денеска е празник, св. Атанасиј, борецот за вистинското православие

Свети Атанасиј се роди во Александрија. Во младоста стекна солидно образование. Уште како млад, неговата ревност ја забележа архиепископот Александар,...

Магазин1 ден

Bitcoin во јануари порасна за 40 отсто

Големите инвеститори реинвестираат во криптовалути по еден месец на масовен раст на биткоинот од 40 проценти во јануари оваа година....

Видео1 ден

Со хумористично видео, мајка покажа како се менуваат градите за време на бременоста и доењето

За време на бременоста и после породувањето, женското тело поминува низ бројни промени. Стомакот станува поголем, доаѓа до нагло зголемување...

Магазин1 ден

Последната испорака на Boeing 747, првиот џамбо џет, заминува во историјата

По повеќе од пет децении, џамбо-џет „747“ на Boeing заминува во историјата. Последната копија е карго верзијата на овој авион...

Магазин1 ден

Google мора да им обезбеди на корисниците јасни информации за своите услуги

Компанијата прави промени во Google Flights, Google Hotels, Google Store и Google Play. Корисниците треба да бидат подобро информирани Google...

Автомобили1 ден

Електричниот Audi RS6 ќе пристигне следната година

Гласините беа точни, бидејќи во Инголштад потврдија дека следната година ќе пристигне верзијата на Audi RS6 со електричен погон. Шефот...

Хороскоп2 дена

Хороскоп за вторник (31 јануари)

ОВЕН Ќе бидете многу фокусирани на животните промени и желни да ги имплементирате во вашиот живот. Не сметајте премногу на...

НАЈЧИТАНИ