Занимливости
Крвниот притисок е највисок во 8 часот наутро, еве и за другите часови

Експертите тврдат дека периодите во денот имаат големо влијание на нашето здравје. Со изминувањето на секој час, холестеролот, крвниот притисок, телесната температура и хормоните постигнуваат различни нивоа, а секој од тие фактори различно влијае на нашата емоционална, психичка и физичка состојба. Научете како функционира вашиот внатрешен часовник за да знаете што би требало да правите во одреден период од денот, а што да одбегнувате…
6 часот
Според научниците од Универзитетот Раш во Чикаго, најголеми шанси за удар од каков било вид (срцев, мозочен) има во периодот помеѓу 6 часот наутро и пладне.
7 часот
Одбранбениот систем на нашето тело е најранлив во текот на првиот час по будењето. Нивото на антителата кои се наоѓаат во првите редови на нашиот имун систем е најниско во тој период. Освен тоа, нивото на кортизолот, стрес хормон кој го намалува имунитетот, е покачено. Научниците советуваат дека луѓето би требало да одбегнуваат вежбање наутро, бидејќи напорните физички активности во раните утрински часови ја намалуваат отпорноста на вируси и бактерии. За да го зајакнете имунитетот, се препорачува да изедете здрав појадок наутро и да пиете многу течности. На тој начин ќе ја обновите функцијата на црниот дроб кој цела ноќ ги обработувал маснотиите.
8 часот
Шансите да се доживее срцев удар во периодот помеѓу 7 и 9 часот се 70% поголеми во споредба со другите периоди од денот. Тогаш крвниот притисок е највисок, што исто така го зголемува ризикот од срцев удар. Научниците многу прецизно го одредиле најризичниот момент, а тоа е 8 часот и 24 минути.
9 часот
Доколку сакате да забремените, најдобро е да водите љубов во овој период. Бројот на сперматозоидите е најголем наутро. Освен тоа, ова е најдобриот период за повторување на научениот материјал.
10 часот
Помеѓу 10 и 13 часот, нашиот мозок покажува најголема активност. Тогаш се зголемува и нивото на адреналин, па затоа овој период е идеален за извршување комплицирани задачи и донесување важни одлуки, додека, пак, проблемите најчесто се јавуваат помеѓу 15 и 17 часот.
12 часот
Лекарите препорачуваат дека луѓето кои страдаат од остеоартритис би требало да го испијат лекот околу пладне. Болката најмногу се чувствува во текот на попладневните часови и навечер, па затоа пладнето е идеалното време за земање лекови кои ќе почнат да делуваат точно во периодот кога болките ќе станат најсилни.
13 часот
Норвешките научници дознале дека мигрената најчесто се јавува во овој период од денот. Попладневниот пад на производството на хормони доведува и до пад на енергијата и концентрацијата.
14 часот
Нашата енергија е на најниско ниво во 14 часот и 16 минути. Внесувањето мала доза кофеин може да ви помогне полесно да го пребродите попладневниот умор.
15 часот
Луѓето кои се занимаваат со механичка работа што бара многу мала концентрација се најпродуктивни помеѓу 15 и 17 часот. Освен тоа, ова е одлично време за секс, бидејќи овулацијата го достигнува врвот во околу 15 часот.
16 часот
Не е случајност тоа што најголем број од атлетските рекорди се поставени доцна попладне. Тогаш температурата на телото е највисока, а едно 5-годишно истражување докажало дека во тој период белите дробови функционираат на највисоко ниво.
19 часот
Ако пиете лекови за снижување на нивото на холестерол, ова е најдоброто време за тоа, бидејќи во овој период се зголемува производството на холестерол. Идеално би било доколку го испиете лекот помеѓу 18 и 20 часот.
20 часот
Со заоѓањето на сонцето опаѓа и нивото на хормоните, па телото станува почувствително на алергени и на останатите иританти на имуниот систем. Во овој период се зголемени и нападите на астма, а нивната состојба се влошува уште повеќе околу полноќ. Дигестивниот систем се забавува, па затоа треба да одбегнувате тешка и мрсна храна.
21 часот
Мајките кои дојат во овој период произведуваат најхранливо млеко кое е богато со маснотии и му помага на детето, но и на мајката помирно да спијат.
Полноќ
Ризикот од мозочен и срцев удар е намал во периодот помеѓу полноќ и 6 часот наутро, бидејќи крвниот притисок се снижува додека спиеме. Ова е добро време за водење љубов, затоа што либидото е најголемо помеѓу 22 и 1 часот по полноќ.
Доколку сакате да дознаете повеќе за вашиот внатрешен часовник.
Занимливости
Дали сте знаеле дека на жените им е потребен повеќе сон од мажите, еве и зошто..

Американски научници открија дека на жените им е потребен сон повеќе од мажите. Студијата покажа дека на жените им треба повеќе сон за да функционираат нормално во текот на денот. Оваа вест мажите би можеле да ја дочекаат како доказ за некаков вид на нивна супериорност.
Причината како што наведуваат за ваквата состојба е што на женскиот мозок му треба повеќе време да се опорави – затоа што во текот на денот извршува посложени задачи од машкиот мозок.
Тим од универзитетот „Дјук“ открива дека жените на кои хронично им недостасува квалитетен сон, честопати страдаат од депресија и вознемиреност. За разлика од нив, на мажите на кои им е скратен сонот не ги покажуваат овие симптоми.
/denar
Занимливости
Netflix ја прекинува услугата за испорака на ДВД до дома

Netflix ни е познат како стриминг видео услуга, но малкумина знаат дека првично започна како услуга за изнајмување видео ДВД на корисници, преку поштенската услуга. Интересно е што оваа услуга постои до денес. Сепак, компанијата најави дека оваа услуга (конечно) ќе биде прекината на 29 септември, повеќе од 26 години од основањето на компанијата. Корисниците ќе можат да ги вратат изнајмените ДВД-а до 27 октомври.
Во официјалното соопштение што го објави Netflix по тој повод, се наведува дека компанијата отсекогаш сакала на своите претплатници да им ја обезбеди најдобрата услуга. Но, како што се намалува пазарот на ДВД, станува се потешко да се обезбедат наслови на видео и логистика, поради што, за жал, беше одлучено да се прекине оваа услуга.
Netflix е основан во 1997 година како услуга за плаќање по изнајмување, која ја искористи предноста на тогашниот нов и, во споредба со VHS, супериорен медиум за репродукција на видео содржини. Во текот на 1999 година, компанијата се преориентира на модел на претплата, кој се користи и денес. Тој модел им овозможува на корисниците да го дефинираат редоследот по кој се испраќаат дисковите кога ќе станат достапни. Веќе во тоа време беа достапни неколку модели на претплата, што овозможи да се изнајмат неколку филмови во истиот временски период.
Стриминг верзијата на Netflix беше лансирана во 2007 година, како додаток на поштенскиот метод за изнајмување филмови. Малку подоцна, на крајот на првата деценија на овој век, стриминг имаше повеќе претплатници отколку корисници кои добиваа ДВД-а по пошта, а на крајот на 2010 година компанијата понуди посебна услуга за стриминг, целосно независна од претходниот бизнис модел.
Интересно е што овој потег на почетокот беше слабо примен, пред се поради повисоката цена на претплатата на услугата за стриминг. Сепак, со текот на времето, стримингот го презеде и бројот на корисници продолжи да расте до 2022 година, кога Netflix доживеа пад на претплатниците за прв пат во два последователни квартали. Ова резултираше со побрзо откажување на многу серии и најавени филмови. За да ги намали последиците, компанијата презеде различни мерки, а една од нив е најавата за поскапа претплата за корисниците кои ги споделуваат своите лозинки.
Кога станува збор за изнајмување ДВД, единствената голема промена со која се обиде Netflix беше ребрендирањето на услугата во 2011 година. Qwikster требаше да биде самостојна верзија на Netflix и беше планирано да се дозволи изнајмување на видео игри (исто така на ДВД) покрај филмовите. Сепак, по само неколку недели, оваа идеја беше напуштена.
Инаку, Netflix ја даде и информацијата дека од своето основање до претплатниците испратил повеќе од пет милијарди ДВД-а. Претплатниците ќе можат да ја преземат својата историја на изнајмување во PDF формат до 27 октомври, по што тие податоци ќе бидат избришани, заедно со сите лични податоци на корисникот.
Извор: ArsTechnica
Занимливости
Едноставна навика која спречува непријатен здив на утро

Непријатниот утрински здив е многу честа појава, а неговите предизвикувачи се бројни. Причина може да биде лошата исхрана, проблеми со желудникот, расипан заб и сл. Но, тоа може да биде и хронично воспаление на синусите, воспаление на слузокожата кое предизвикува зголемена секреција на слуз во носот.
Слузта преку ноќта се спушта низ грлото и таму се таложи, бидејќи во ноќта не кашламе и не го отстрануваме тој талог на било кој начин, тој почнува да се разградува, што предизвикува непријатен мирис.
Гастроезофагеалниот рефлукс, или враќањето на киселините и храната од желудникот во хранопроводот исто така можат да предизвика непијатен утрински здив.
Доколку спаѓате во групата на лица кои јадат доцна, а имате ослабен желудечен свинктер, содржината од желудникот во текот на ноќта ќе се префрли во хранопроводот, а неговиот непријатен мирис ќе се почувствува и надвор.
Од таа причина, најдобро би било да не јадете најмалку 3 часа пред спиење, секој ден без исклучоци, советува, д-р Ерих Војт.
/денар.мк
-
Временска прогноза2 дена
Попоски повторно со вонредни метео вести за времето, се очекува дожд и грмежи – Ова се последните информации…
-
Кичево2 дена
(ФОТО) „ART Caffe“ – Кичево повеќе од 10 години ваш верен пријател со најубаво кафе и одличен амбиент
-
Хороскоп2 дена
Хороскоп за четврток (8 јуни)
-
Хороскоп15 часа
Хороскоп за петок (9 јуни)
-
Подкаст2 дена
(ВИДЕО) Игорче во „Какаротски муабети“ – „Што ако сум со Даунов синдром, вистина ја зборувам чесно со срце и душа“
-
Мобилни уреди8 часа
Новиот iOS 17 дополнително им го отежнува допишувањето на корисниците на Android
-
Мобилни уреди1 ден
Samsung Galaxy S23 Ultra во САД е сепак најскапиот паметен телефон
-
Магазин4 часа
Поради лажна промоција на криптовалути против YouTube, Twitter, Instagram и TikTok, поднесена е жалба до Европската комисија