Следете не

Култура

Објавени кандидатите за Оскар, еве кој е главен фаворит

Објавено пред

на

Американската филмска академија денеска ги објави номинациите за 90-тото доделување на наградите Оскар.

Како главен фаворит на овогодишната манифестација се наметнува драмата „The Shape of Water“ на Гиљермо дел Торо со рекордни 13 номинации.

Во категоријата за најдобар филм за престижното признание ќе се натпреваруваат девет филмови: „Call Me By Your Name”, „Darkest Hour“, „Dunkirk“, „Get Out”, „Lady Bird“, „Phantom Thread”, „The Post”, „The Shape of Water“ и „Three Billboards Outside Ebbing, Missouri“.

За Оскар ќе се натпреваруваат режисерите: Кристофер Нолан (“Dankirk”), Џордан Пил („Get Out“), Грета Гервиг („Lady Bird“), Пол Томас Андерсон (“Phantom Thread”) и Гиљермо дел Торо за „The Shape of Water“ .

Во конкуренција за престижното признание во категоријата најдобар актер се Тимоти Шаламе за улогата во „Call Me By Your Name”, Даниел Деј Луис („Phantom Thread”), Данијел Калуоја („Get Out”), Гери Олдман („Darkest Hour”), Дензел Вошингтон („Roman J. Israel, Esq”).

Во категоријата најдобра актерка номинирани се: Сели Хокинс („The Shape of Water”), Френсис Мекдорманд („Three Billboards Outside Ebbing, Missouri”), Маргот Роби („I, Tonya”), Серше Ронан („Lady Bird”) и Мерил Стрип („The Post”).

За споредна женска улога се натпреваруваат Мери Џ. Бланџ („Mudbound”), Алисон Џени („I, Tonya”), Лесли Манвил („Phantom Thread”), Лори Меткалф („Lady Bird”) и Октавија Спенсер („The Shape of Water“).

За Оскар за најдобра машка споредна улога претендираат Вилијам Дефо („The Florida Project”), Вуди Харелсон („Three Billboards Outside Ebbing, Missouri”), Рикардо Џенкинс („The Shape of Water”), Кристофер Пламер („All the Money in the World”) и Сем Роквел („Three Billboards Outside Ebbing, Missouri”).

На листата песни, за Оскар номинирани се: „Mighty River” од филмот „Mudbound”, „Mystery of Love” („Call Me By Your Name”), „Remember Me” од анимираниот филм „Koko”, „Stand Up for Something” („Marshall”) и „This is Me” („The Greatest Showman“).

Во категоријата најдобар филм надвор од англиското говорно подрачје, номинирани се чилеанското остварување „A Fantastic Woman” на Себастијан Лелио, „Без љубов” на Андреј Звјагинцев (Русија), „The Insult” на Зијад Довеири (Либан), „За телото и душата“ во режија на Илдико Ењеди (Унгарија) и „Квадрат” на Рубен Естлунд.

Кога е музиката во прашање, номинирани се Ханс Цимер за „Dunkirk”, Џони Гринвуд („Phantom Thread”), Александре („The Shape of Water”) , Џон Вилијамс ( „Star Wars: The Last Jedi“) и Картер Барвел („Three Billboards Outside Ebbing, Missouri”).

Во категоријата за најдобри визуелни ефекти се натпреваруваат филмовите „Blade Runner 2049″, „Guardians of the Galaxy Vol. 2″, „Kong: Skull Island“, „Star Wars: The Last Jedi” и „War for the Planet of the Apes“.

Оскар ќе биде врачен на 26 февруари на церемонијата предводена од комичарот Џими Кимел.

 

Култура

Денес е големиот празник „Петровден“, утре „Павловден“ – ова се народните верувања за празниците, за многу години!

Објавено пред

на

Денеска е Петровден, а утре Павловден, со кој се поврзани многу обичаи. Собор на 12 Апостоли – Павловден. Бидејќи претходниот ден, иако е посветен на двајцата славни Господови апостоли, сепак се вика Петровден, овој ден е одреден да се слави споменот на Светиот апостол Павле – Павловден.

На овој ден именден слават тие што го носат името Павле, Пајо, Павлина и слично, иако и претходниот ден може да се сретне празнување на овие имендени, затоа што претходниот ден се празнува споменот на двајцата апостоли.

Павловден, жените го држат како празник повеќе од Петровден. Во некои места на овој ден не се работи и се пази од пајаци, да не го каснат некого. Се верува дека човек каснат од пајак на овој ден тешко ќе оздрави. Затоа овој ден е познат и како Пајаковден.

Во некои краишта, на пример во гевгелиско, народот сметал дека Павле бил брат на Петар и дека на луѓето им правел разни добри дела. Народот велел дека св. Петар бил богат и сербес, а св. Павле сиромав и добродушен.

Во некои места обичај е пред големиот празник да се палат китки кои се направени од млада кора на дива цреша или бреза. Обично тоа се прави на место каде се собира народ, на плоштади, раскрсници и во тоа учестуваат деца и млади.

Палењето огнови ги симболизира оние времиња кога христоборните цареви ги прогонувале и мачеле христијанитем врзувајќи ги за дрвени столбови, по што ги полевале со смола и ги палеле.

На овој празник не се работи, порано стоката се прскала со вода за да биде здрава цела година, а се плетеле и венци и им се ставале на роговите на животните.

На овој ден не смеат да се сечат јаболки со нож, ниту да се удираат јаболки една од друга. Се верувало дека во спротивно ќе падне силен град. Некои им носат јаболки наутро на соседите, а некои разнесуваат за покојните.

Обичај е да се меси колач со јаболки.

Петровден повеќе се смета за црковен празник, постарите луѓе одат во црквата, а кој постел во Петровденскиот пост се причестува. На овој ден може и да се работи зашто е во време на најголемата жетва, а според верувањето дури и светецот (Св. Петар) тој ден земал срп и жнеел. Некој го држат празник само до пладне, а попладне работат.

Галичник

Во Галичник Петровден се сметал за голем празник, тогаш иделе печалбарите и тогаш се правеле и свадбите. Останало забележано дека некогаш во еден ден имало 50 свадби, а удирањето на тапаните се слушало дури во Албанија.

Прочитај повеќе...

Култура

Денеска е „Иванден“ денот на раѓањето на Св. Јован Крстител, за многу години!

Објавено пред

на

Иванден е еден од големите христијански празници од летниот циклус каде се слави раѓањето на Свети Јован Претеча и Крстител Господов.

Во македонската народна традиција овој празник е поврзан со летниот солстициј, односно со периодот на долгодневицата. Овој празник во годишниот круг празници е симетричен на Божиќ, денот поврзан со зимскиот солстициј, односно со периодот на краткодневицата. Овие два празници ги поврзуваат и повеќе обичаи и верувања поврзани пред се со сонцето.

Во таа насока се и обичаите и верувањата поврзани со огновите. Ритуалите со билките, исто така претставуваат еден од најважните елементи поврзани со Иванден, а тие пак исто така се остаток од старите словенски верувања. Со Иванден се поврзани многу обичаи и верувања но најповеќе се однесуваат на билките и верувањето во нивната магиска моќ. Верувањето пак дека тој ден играло сонцето или дека се превртувало три пати е поврзано со тоа што Иванден се паѓа во најтоплиот период од годината.

Шест месеци пред своето јавување на Пресветата Дева Марија во Назарет, великиот архангел Божји Гавриил му се јавил на првосвештеникот Захариј во ерусалимскиот храм.

Пред да го објави чудесното зачнување на безмажната девица, архангелот го објави чудесното зачнување на една бездетна старица. Захарија не поверувал веднаш во зборовите на Божјиот известител и затоа јазикот му се врзал со немост, па останал нем сѐ до осмиот ден по раѓањето на Јован. Тој ден се собрале роднините на Захарија и Елисавета за обрезание на младенецот за да му биде дадено име.

Па кога го прашале таткото кое име би сакал да му го даде на синот, тој бидејќи нем напишал на табличка: Ј о в а н. Јазикот му се одврзал во тој час и тој почнал да говори.

Домот Захариев бил на височината меѓу Витлеем и Хеброн. Гласот дека на Захарија му се јавил ангелот Божји, дека онемел, а потоа му се одврзал јазикот штом го напишал името Јован, се разнесел по сиот Израил. Овој глас стигнал и до Ирод.

Затоа Ирод, кога испратил да се заколат децата во Витлеем, пратил луѓе и во ридското престојувалиште на семејството Захариево, за да го убијат и Јован.

Од обичаите што се изведуваат на овој ден повпечатливи се оние поврзани со растението папрат.

Имено вечерта спроти празникот се бере папрат, а тоа пак е поврзано со верувањето во неговата апотропејска моќ. Папратот се става на постелата и на него се спие за здравје, а рано наутро на самиот ден Иванден се плетат венци што се ставаат во бавчите за да ги чуваат од разни болести, временски непогоди како и други несреќи.

Прочитај повеќе...

Култура

По повод манастирската слава за Рождеството на Св. Јован Претеча – „Иванден“ во Бигорскиот Манастир ќе се отслужи сеноќно бдение, за многу години!

Објавено пред

на

©Бигорски Манастир

Возљубени верници и почитувачи на Свештената Бигорска Обител и на славниот Претеча, Ве известуваме дека на денот кога го славиме сечесниот празник на Рождеството на нашиот патрон и небесен застапник, светиот и славен Пророк, Претеча и Крстител Господов Јован. Во сабота, на 6 јули, во Свештената Бигорска Обител ќе се отслужи сеноќно бдение, коешто ќе започне во 20:30 часот, а на кое молитвено ќе претстои Старецот и Игумен на Бигорската Обител, Неговото Преосвештенство, Епископот Антаниски г. Партениј.

Во недела наутро, на 7 јули, во 08:45 часот ќе започне архиерејската Божествена Литургија, со којашто ќе чиноначалствува Старецот Епископ г. Партениј.

Славното Бигорско светилиште, кое низ вековите било гордост на нашите предци и столб на нивната православна вера и култура, особено за жителите на овие краишта, и денес со истата ревност продолжува да сведочи за евангелската Вистина и да ги јакне верата и здравите вредности меѓу народот. Затоа да ја покажеме и ние должната почит кон Светиот Јован Крстител и нашата пожртвувана љубов кон неговото вековно Светилиште, стекнувајќи го на тој начин благословот на светиот Претеча.

Ја имаме големата чест и радост, во името на Христовиот Пророк и Крстител, да ги поканиме сите благочестиви Христијани да се присоединат кон неговото големо торжество, бидејќи тој, во денот на своето Рождество е особено благодатно присутен и преку својата славна и чудотворна Бигорска икона и чесните мошти што се пазат во неговиот храм ги слуша и исполнува молитвите на оние коишто со љубов и вера го повикуваат; тоа е денот кога „најголемиот меѓу родените од жена“ ја излева својата од Бога добиена благодат врз сите коишто ревносно го чествуваат неговиот спомен. И кога секој човек неизмерно се радува кога ќе биде посетен од своите драги пријатели на денот на својата свеченост, тогаш колку ли, пак, повеќе Светиите Божји ги милуваат оние кои ги чествуваат! Молитвите на Свети Јован Пророк, Претеча и Крстител, да бидат со сите нас, известуваат во интегрален текст за јавноста од Бигорскиот Манастир.

Прочитај повеќе...

Facebook

Последни објави

Автомобили10 часа

Audi оживеа луд проект од 1930-тите. Возачот е во средината (ФОТО)

Доколку се произведува во своето време, Auto Union Type 52 несомнено би бил најбрзиот автомобил на планетата. Audi сега го...

Lifestyle10 часа

Што ако ве убоди медуза? Мора брзо да реагирате

Уживањето во сонцето и пливањето може да го расипе медуза. Ако се случи да изгорите од медуза, треба да ги...

Магазин11 часа

OpenAI подготвува уште понапреден AI: Еве што може да направи

Тајниот проект го носи кодното име „Strawberry“. Новиот извештај на Ројтерс тврди дека OpenAI развива технологија која ќе донесе напредни...

Lifestyle11 часа

Ова ќе му се случи на вашето тело ако јадете многу праски

oВо екот на тропските денови, луѓето често се дехидрираат, а совршено овошје за тоа е праската. Храната богата со витамин...

Магазин11 часа

Instagram нема да се фокусира на долги содржини

Instagram планира да се држи до кратки видео содржини. Шефот на Instagram најави дека платформата нема да се фокусира на...

Магазин11 часа

Новите Pixel телефони чинат исто колку и iPhone

Google ќе го одржи својот настан на 13 август, каде што се очекува да ја претстави серијата на паметни телефони...

Магазин11 часа

Snapchat ги подобрува безбедносните функции

Snapchat повторно ги зајакнува своите безбедносни функции за да им отежне на странците да контактираат со тинејџерите на апликацијата. Компанијата...

Магазин11 часа

Samsung е првиот технолошки гигант кој лансираше паметен прстен

Дали паметниот прстен ќе цвета со Samsung? Samsung се надева дека ќе ги привлече љубителите на фитнесот и технологијата за...

Магазин11 часа

Не правете го ова додека го полните телефонот

Иако полнењето на паметен телефон е дел од секојдневната рутина за огромното мнозинство луѓе, многумина сè уште прават грешки кои...

Македонија12 часа

ЦУК со информација за пожарите на отворено

Во последното деноноќие и имаше 26 пожари на отворено, а од нив активни утрово се 9 врз коишто утрово се...

НАЈЧИТАНИ