Младата репрезентација на Македонија до 18 години го одигра првиот од двата контролни натпревари против соодветната селекција на Азербејџан.

Во Баку, на гостински терен, избраниците на селекторот Тони Јакимовски одиграа нерешено, без голови.

Македонија и Азербејџан одиграа тврд натпревар, без премногу простор за игра, со внимателна одбрана и без премногу можности за постигнување погодок.

Најзрелите шанси Македонија ги имашре преку Зенделовски во првото полувреме, Ѓоргиевски и Ливарека, но без реализација.

Македонија: Петар Јакимов, Андреј Аризанкоски, Марко Стојилевски, Валон Алији, Адриан Зенделовски, Мартин Ѓоргиевски, Хадис Таири, Зани Назифи, Хакија Цаноски, Абиола Бамијоко, Мухамед Елмас;

Селектор: Тони Јакимовски;

Вториот контролен дуел овие две селекции ќе го одиграат на 27. март во 15. часот.

Фудбалската репрeзентација на Македонија ја победи Малта со 2-1 на арената „Тодор Проески“ и успешно го отвори новиот квалификациски циклус за пласман на ЕВРО 2024 во Германија. По скромниот прв дел, конечно вистинското лице на Македонија во второто полувреме.

Селекторот Благоја Милевски нареди потполна офанзива, а Елиф Елмас во 66.минута донесе водство, по асистенцијата со глава на Бојан Миовски. Шест минути подоцна, Дарко Чурлинов по една соло акција од десната страна, упати удар со левата нога во поблискиот агол и зголеми на 2-0.

Но, Малта не се предаде така лесно. Јаник Јанкам во 86.минута ја затресе мрежата на Столе Димитриевски за 2-1.

Сепак, Македонија успеа да го одржи водството до крајот. Енис Барди во 90.минута ја погоди гредата од слободен удар. Во финишот, селекторот Благоја Милевски доби црвен картон.

Текст: макфудбал.мк

Првиот човек на Фудбалската федерација на Македонија Муамед Сејдини упати моќна порака за македонските репрезентативци.

– Македонската фудбалска репрезентација денес започнува уште еден поход кон големо натпреварување, пласман на Европското Првенство 2024.

На хартија групата изгледа тешка. Но овие момци досега неколкупати докажаа дека знаат и умеат како да се носат со големите светски репрезентации, и оттука ве повикувам сите масовно да ги бодриме и да им бидеме ветер во грб, кон новите успеси за на крај сите заедно да се радуваме.

Желбата, мотивацијата одлучноста кај сите нив е поголема од било кога, со своите настапи и игри уште еднаш да ја израдуваат Македонија со пласман на големо натпреварување.

Напред Македонија!
Ние веруваме!