ЈП „Студенчица“ – Кичево ги информира корисниците на вода за пиење дека утре на ден 18.09.2019 година (среда) во периодот од 09:00 до 12:00 часот ќе се врши чистење на главниот извор „Студенчица“ во самата каптажа.

Поради можната појава на мала заматеност на водата за пиење во тој временски период, потребен е соодветен третман пред консумирање вода како превривање на истата и сл.

На иницијатива на месната заедница на селото Длапкин Дол се гради нова куќа на социјално загрозено семејство од ова село.

Хуманост на дело – Куќа во изградба за социјално загрозено семејство с.Длапкин Дол – Кичево

– Како месна заедница одлучивме да им помогнеме бидејќи живеат во лоши услови. Не сакаме јавно да објавиме за кое семејство се работи, но собравме пари од жителите на селото. Секој даде колку мислеше, но најголем дел од средствата се собрани од печалбарите на нашето село. Помогнаа и многу други хумани луѓе и компании од Кичево и Кичевско. Куќата ќе има три соби, кујна и санитарен јазол. Донации доаѓат скоро секојдневно, вели Ќамил Рушити од раководството на месната заедница.

Тој се надева дека пред зимата ќе успее да се всели ова семејство во новиот дом.

Превземено од Сител Телевизија

Во моментов во село Колибари, Кичевско беснее голем шумски пожар во атарот на селото. Месната заедница од оваа село излезе со апел до селаните особено младите да се приклучат во гаснењето на овој пожар.

– Противпожарната единица од Кичево веќе е на терен и заедно со месното население се борат огнот да го стават под контрола.

Тешкотија преставува непристапниот терен, а таму веќе се и преставниците на шумското претприатие „Лопушник”, преставници на Дитекцијата за  заштита и спасување и преставници на локалната самоуправа. Во прв план ни е да ги заштитиме куќите и да се стави пожарот под контрола, информира Дарко Гргоски од ТППЕ-Кичево.

Според него се очекува наскоро да интервенираат и авионите за гаснење на пожарот.

Извор: Fokus.mk