Тирамису со шербет

23 прегледи

– Сварете 300 мл. кафе во кое ќе додадете рум и 40 гр. шекер, оставете нека се олади.
Пригответе го филот
– Пенесто се матат јајцата со 40 гр. шеќер која ќе ја одземете од вкупната количина која е како што е напишано во состојките – 150 гр.
Додека се матат јајцата, во сад сварете густ шербет од остатокот кој е 110 гр. шеќер залиен со 60 мл. вода, кој ќе се вари. Треба да биде со температура од 121 степен. Доколку имате термометар да мерите, а ако немате тогаш пробајте дали е доволно густ. Кога ќе фатите (иако е топло не е страшно) со два прста да се прави конец или пак ако капнете во ладна вода од шербетот потребно е да се формира во топче како бонбонче, да не се разлие…тогаш е готов.

Кога е готов шербетот веднаш врел истурајте го кај веќе запенетите јајца и постојано со миксерот нека се мати се до оладување на смесата. (Овој начин е исти како кога правиме шам од белки со шербет). Овој начин го користам само заради тоа да не ги ставам живи јајцата во филот.
– Во друг сад изматете го маскарпонето и најпрвин ставете во него помала количина од сработените јајца и изматете со миксерот (за да се изедначи температурата) потоа додадете го остатокот од смесата со јајцата и се добро изматете кратко време – неколку вртења на додатоците од миксерот.

– Добиениот фил поделете го на два дела. Во едниот дел додадете го какаото и сецканиот бадем, а во другиот дел чоколадните капки. Измешајте.
– Земате долгнавеста форма 28х11 см., на дното и страните ставете било која фолија – алу, стреч или постелете со хартија за печење. Земате од пишкотите, потпувајте ги во оладеното кафе и наредете најпрво по дното на модлата, потоа од страните. Истурете го кафениот фил, врз него истурете го белиот фил. При ставањето на филовите ќе мора да внимавате да оставите колку еден прст одпразна модлата за да има место да го затворите колачот.
– Откако сте ставиле двата фила, земајте пак од пишкотите, потопете и наредете ги одозгора со кои што ќе го затворите колачот. Покријте со стреч фолија, одложете во фрижидер (пожелно во замрзнувач) Откако ќе се добро стегне, извадете го колачот, преместете на друг сад така што сега горниот дел ќе доје одоздола. Посипете со какао или декорирајте по ваш избор.. колачот е готов.
Напомена
– Поради тоа што модлата што ја имам е со потесни димензии од дното и како продолжува нагоре е поширока – бискотите прво ги исеков, потоа ги потопував и редев во модлата. Оставив сосема малку од белиот фил пред да ги ставам чоколадните капки и ми послужи да го премачкам колачот, а потоа ставив ленти од хартија за печење врз него, посипав со какао – ги тргнав лентите и се доби една многу неправилна шара, ама нели – шарен е важно…хихи,
Уживајте, колачот е одличен,