Од денес па во следните денови следува период на стабилно, суво и сончево време со мала до умерена, а повремено и локално и позначителна облачност. Ќе дува слаб до умерен ветер од северен правец. Наутро температурите ќе се спуштаат во интервалот од 0 до 9 степени, додека понекаде истите е можно да се спуштат и малку под нулата со што е можна појава на мраз и слана.

Максималните пак ќе се искачуваат во интервалот од 15 до 23 степени, додека од петок па за време на викендот ќе биде нешто потопло со максимални температури кој ќе се искачуваат во интервалот од 20 до 26 степени.

Во Скопје и околината исто така времето ќе биде стабилно, суво и сончево со умерена облачност. Мора да се напомене дека наутро и во Скопје ќе биде доста студено со минимални температури кој ќе се спуштат дури и под 5 степени, додека максималните температури ќе се искачуваат до околу 20 степени, за Еспресо вели метеопрогнозерот Славчо Попоски

На 03.10.2022 во 23.07 часот во ОВР Кичево е пријавено дека пред угостителски објект на булеварот „Ослободување“ во Кичево, физички е нападнат и повреден со остар предмет албанскиот државјанин Џ.В. На нападот му претходела вербална расправија во објектот.

Повредениот е пренесен во комплекс клиники „Мајка Тереза“ во Скопје за укажување на лекарска помош.

Во координација со Јавен обвинител се преземаат мерки за расчистување на случајот по што ќе биде поднесена соодветна пријава, известува портпаролот на СВР Охрид, Стефан Димоски