Кичево
(ДРОН ВИДЕО+ГАЛЕРИЈА) Во Кичево Чесниот Крст во осветените води го пронајде младиот Христијан Митрески, во Другово Влатко Маркоски
Младиот 21 годишен Христијан Митрески го извади крстот од осветените води во базенот на поранешниот Дом на АРМ во Кичево. Најпрво во црковниот храм „Свети Петар и Павле“ беше отслужена утрена богослужба, а потоа поворката се упати на базенот каде што беше завршниот чин. Пред полагањето на крстот беше извршен водосвет на водите во базенот од страна на свештенството од Кичевскиот храм.
Потоа триесетина млади жители на градот се фрлија по крстот, а од осветените води го извади младиот Христијан Митрески.
- Ова ми е втор пат како се фрлам по крстот и еве денес со божја помош ми се посреќи јас да го извлечам од водите на базенот. Ова е мојот најсреќен ден, бидејќи да бидам искрен и не очекував дека мене ќе ми се насмевне среќата и ќе го извадам крстот. И наредните години ќе продолжам да ја негувам оваа традиција и да влегувам во базенот за да го извадам крстот – рече Христијан Митрески во краткото интервју на Зоран Антоски, пресреќен по денешниот настан.
Во Другово Кичевско по втор пат исто така беше најсреќен Влатко Маркоски!
Денешниот настан преку нашиот објектив….
Бог се јави!
Навистина се јави!
Кичево
(ГАЛЕРИЈА) По повод светскиот ден на „Рециклирањето“ вечерва најмилите од ЈОУДГ „Олга Мицеска“ – Кичево со голема радост реализираа „Модна ревија“
Предмалку во НУЦК „Кочо Рацин“ – Кичево заврши гламурозната модна ревија со рециклирани материјали насловена како „Eco Fashion Show“, благодарение на неуморната работа на сите дечиња, воспитувачите, негувателките и целата управа од ЈОУДГ „Олга Мицеска“ – Кичево.
На почеток вечерта ја отвори директорот на градинката Садик Ахмети кој ги поздрави присутните пред се родителите за нивното присуство, како и помагателите на овој настан.
– Ви благодарам на вашето присуство, со вашиот ангажман и поддршка ја докажувате вашата почит према вашите дечиња, на нас работниците и сите влијателни фактори. „Eco Fashion Show“ е во наша организација веќе неколку години, истата ја организараме по повод „18-ти март“ – Светскиот ден на Рециклирањето. Интересот за рециклирање во нашата земја е во постојан пораст, што е добар показател за подигањето на колективната свест на оваа тема, истакна директорот.
Во продолжение ви ја презентираме мега галеријата преку нашиот објектив, доколку сакате фотографија само пишете ни порака на нашата официјална фејсбук страница ТУКА и веднаш ќе ви испратиме
Браво за сите дечиња!
Кичево
Рурална Коалиција: Изработени Локални еколошки акциски планови за општините на територијата на ЛАГ „Треска“
Само 6.25% од општините во Република Македонија ја исполнуваат целосно обврската за изработени и во фаза на имплементација Локални еколошки акциски планови, а само 21,88% делумно ја исполнуваат таа обврска. Тоа беше и главниот поттик да се работи на територијата на општините Кичево, Пласница и Македонски Брод токму во насока на развој на Локални еколошки акциски планови кои што денес беа презентирани пред претставници на сите три општини кои што воедно и ја сочинуваат територијата на Локалната акциска група „Треска“ која што денес меѓудругото ги утврди и приотитетите за работа за 2024 година.
Локалните еколошки акциски планови се работеа со експертска поддршка изминатите неколку месеци, а истите ги содржат мерките за заштита на животната средина на чија што имплементација општините треба да работат до 2027 година. Како главни предизвици за сите три општини во делот на заштитата на животната средина се идентификувани: нарушен квалитет на воздухот од индустриски активности и интензивен сообраќај, отсуство на селекција на цврст отпад, диви депонии, користење на огревно дрво за загревање, нарушен калитет на почва од индустриски активности, прекумерна употреба на агрохемиски средства на земјоделските посеви итн.
Во следниот тригодишен период општините ќе работат на едукација на населението, јакнење на капацитетите на институциите, отстранување на дивите депонии, јакнење на меѓуопштинската соработка, вклучување во процесот на праведна транзиција, како и јакнење на капацитетите на ЛАГ-от во насока на имплементација на изготвените еколошки планови.
Со изготвувањето на ваквите планови се јакне стратешкиот развој на општините опфатени со плановите, а во наредниот период пак ќе се работи на мобилизација на локалното население и реализација на активности кои што ќе придонесат кон директна имплементација на мерките предвидени во ЛЕАП-ите.
Проектот „Локални партнерства за локални климатски акции“ го имплементира Рурална Коалиција како институционален грант, а во рамките на проектот „ГОи во акција за климатските промени“, спроведуван од Еко-свест во партнерство со Македонското здружение на млади правници – МЗМП и Организацијата за промовирање на природните вредности и луѓе – ЦНВП Македонија.
Инаку, оваа содржина е со единствена одговорност и извор на Рурална Коалиција, така што не ги одразува ставовите на Европската Унија или Шведска.
Фотогалерија од настанот:
Кичево
Вчера во близина на кичевското с.Лавчани ТТВ марка „Мерцедес“ додека истоварал градежен материјал се превртел, за среќа нема повредени
На 06.03.2024 година во 13:08 часот, во ОВР Кичево е пријавено дека на мост кај кичевското село Лавчани, товарно возило марка „Мерцедес“, сопственост на градежна фирма од Скопје, при истовар на градежен материјал, се превртел и дека нема повредени лица.
Увид на местото извршија полициски екипи, за медиумите известува портпаролот на СВР Охрид, г-дин Стефан Димоски
-
Хороскоп24 часа
Хороскоп за понеделник (18 март)
-
Хороскоп2 дена
Хороскоп за недела (17 март)
-
Спорт12 часа
(ВИДЕО) Кичевчанецот Драган Силјаноски официјално го презеде кормилото на македонската фудбалска репрезентација до 21 година
-
Магазин1 ден
Следните три хороскопски знаци го немаат зборот „извини“
-
Кичево31 минута
(ГАЛЕРИЈА) По повод светскиот ден на „Рециклирањето“ вечерва најмилите од ЈОУДГ „Олга Мицеска“ – Кичево со голема радост реализираа „Модна ревија“
-
Култура2 дена
Денес е „Прочка“ ова се верувањата и обичаите кои мора да ги направите за овој ден
-
Македонија1 ден
На подрачјето од СВР Охрид ноќеска биле извршени засилени сообраќајни контроли за алкохол, изречени се низа санкции
-
Автомобили1 ден
Кинеска автомобилска компанија бележи продажен пораст на возила во февруари