Свет
ЗАБРЕМЕНИЛА И НИКОГАШ НЕ ОТИШЛА НА ЛЕКАР: Родила бебе какво се раѓа еднаш во 625 милиони! (ВИДЕО)

До сега, покрај малата Вероника, забележани се само 12 такви случаи во светот…
Во Сибир неодамна беше забележан случај на вонматерична ектопична бременост, која секогаш завршува со инициран абортус, но овој пат бебето некако успеа да преживее. Украинска бегалка од провинцијата Донбас (31) успеа да изведе таква бременост без ниту едно испитување или посета на доктор.
Бебето е добро и се вика Вероника. Името значи “победа” што девојчето целосно го заработи, бидејќи само едно од 625 милиони бебиња успева да ја преживее оваа бременост.
Најчесто вонматеричите бремености се случуваат од вештачко оплодување, но ова бебе е зачнато природно. Се разви во матката, а таквите бремености најчесто се завршуваат со абортус.
До сега, покрај малата Вероника, забележани се само 12 вакви случаи во светот.
А тоа не е сè!
Мајката и таткото на малата Вероника одлучиле дека таа нема да се роди во болница. Бидејќи целата бременост беше во ред, тие сакаа да се породи дома. На почетокот, сè беше добро. Таа чувствуваше се посилни и почести контракции, се подготвуваше за породување, а потоа контракции нагло престанаа.
Тогаш одлучија да побрзаат во болница каде ја оперираше тим од дури 10 лекари. Операцијата беше сложена и многу ризична. Но, двете заедно победија сè.
– Сфативме дека операцијата беше успешна кога бебето почна да плаче – вели д-р Марат Зазиев, еден од докторите кои ја родиле.
И мајката и ќерката сега се безбедни и здрави.
Според руските медиуми, лекарите сега ја истражуваат причината за природна бременост која доведе до развој на бебе надвор од матката, а нејзиниот случај ќе продолжи да се разгледува и од научните и од медицинските кругови.
Свет
Тужба: TikTok и шпионирање на демонстрантите во Кина

ByteDance, компанијата која е сопственик на TikTok, и помогна на Кина да ги шпионира демонстрантите, според тужбата поднесена од поранешниот извршен директор на компанијата во САД.
Во тужбата што ја поднел против неговата поранешна компанија, Џинтао Ју тврди дека ByteDance, која ја поседува апликацијата TikTok, и помогнала на Кина да ги шпионира демонстрантите и активистите за граѓански права во Хонг Конг. Наводно тоа го направила дозволувајќи им на членовите на кинеската Комунистичка партија (ККП) да пристапат до корисничките податоци на демонстрантите, пишува BBC News.
Тој тврди и дека не биле шпионирани само учесниците на демонстрациите, туку и корисниците кои објавувале содржини поврзани со протестите. Покрај тоа, членовите на ККП наводно имале пристап до податоците на американските корисници.
Портпаролот на ByteDance ги отфрли овие наводи како неосновани.
Како ByteDance наводно и помогнал на Кина во шпионирањето?
Наводно, ByteDance им дал на членовите на одборот на ККП пристап до ингеренциите за „супер кориснички“, познати и како „божји корисници“, што им овозможило да ги идентификуваат и лоцираат демонстрантите, активистите за права и поддржувачите на демонстрациите во Хонг Конг од 2014 до 2018 година.
Во тужбата, Ју тврди дека членовите на одборот не биле вработени во ByteDance, туку всушност дошле во канцелариите на компанијата во Пекинг. Тој факт, пишува тој, бил општо познат меѓу високите директори на компанијата. Тој беше вработен во компанијата приближно една година, почнувајќи од летото 2017 година.
Актуелниот портпарол на компанијата ги негира неговите наводи и вели дека фирмата „енергично планира да се спротивстави на неоснованите тврдења“. Во својот одговор за BBC, тој истакнува дека е интересно што Ју овие тврдења ги изнесува и пет години по престанокот на работниот однос и ги припишува на целта да привлече внимание.
Тужбата доаѓа во време кога апликацијата TikTok се соочува со интензивна контрола и забрани ширум светот. Некои држави им забранија на вработените во владините структури да ја користат апликацијата на официјални телефони, додека американската сојузна држава Монтана стана првата држава што донесе целосна забрана за користење на оваа платформа. Сите забрани доаѓаат поради сомневање за неовластено собирање на кориснички податоци.
Свет
САД бараат повлекување на 67 милиони воздушни перничиња

Американската Национална управа за безбедност на сообраќајот на патиштата бара повлекување на 67 милиони воздушни перничиња од возилата бидејќи верува дека има безбедносен проблем.
Сепак, добавувачот на автомобили ARC Automotive го одби барањето на американското регулаторно тело, според документите објавени во петокот.
Во возилата на компаниите General Motors, Stellantis, BMW, Hyundai и Kia Motors се поставени воздушни перничиња „ARC“.
Во петокот, Џенерал Моторс се согласи да повлече речиси милион возила со воздушни перничиња ARC по инцидентот со воздушните перничиња во март, кој повреди возач.
Извор: Rtv
Свет
(ВИДЕО) Експлозија во центарот на Милано, горат повеќе возила

Неколку возила се запалија во центарот на Милано, Италија, откако експлодираше комбе со боци со кислород. Едно лице е повредено, а пожарот зафатил неколку возила и околни објекти.
Италијанскиот весник „Ла Република“ објави дека комбето превезувало 20 боци со кислород, секоја со волумен од 32 литри, кога тие експлодирале, предизвикувајќи домино ефект. Комбето било паркирано на раскрсницата.
SkyTG24 емитуваше снимка од миланската област Порта Романа, на која се гледаат високи облаци од црн чад и пожарникари на местото на настанот.
Scene of explosion in Milan, Italypic.twitter.com/94aJPjaymD
— The Spectator Index (@spectatorindex) May 11, 2023
Најмалку пет автомобили и четири мопеди се зафатени во пламен, пренесува Sky News.
Во експлозијата е повреден возачот на комбето, му изгорела раката. Полицијата го опколи местото на настанот.
La Repubblica наведува дека првичната експлозија најверојатно започнала од моторот на комбето и дека пожарот поради присуството на боца со кислород се проширил побрзо отколку што возачот успеал да го изгаси.
Евакуирани се блиското училиште и домот за стари лица.
-
Временска прогноза2 дена
Попоски повторно со вонредни метео вести за времето, се очекува дожд и грмежи – Ова се последните информации…
-
Кичево2 дена
(ФОТО) „ART Caffe“ – Кичево повеќе од 10 години ваш верен пријател со најубаво кафе и одличен амбиент
-
Хороскоп2 дена
Хороскоп за четврток (8 јуни)
-
Хороскоп14 часа
Хороскоп за петок (9 јуни)
-
Подкаст2 дена
(ВИДЕО) Игорче во „Какаротски муабети“ – „Што ако сум со Даунов синдром, вистина ја зборувам чесно со срце и душа“
-
Мобилни уреди7 часа
Новиот iOS 17 дополнително им го отежнува допишувањето на корисниците на Android
-
Мобилни уреди1 ден
Samsung Galaxy S23 Ultra во САД е сепак најскапиот паметен телефон
-
Спорт7 часа
„Сер Боби“ уште еднаш ги пофали своите момчиња, каде овој пат покажаа професионален пристап и голем ентузијазам