Следете не

Занимливости

Колку се остава бакшиш во земјите ширум светот?

Објавено пред

на

Во македонските кафулиња, ресторани и дискотеки, бакшишот не е вклучен во фискалната сметка. На таксист или на собар во хотел пак, некој да му остави бакшиш, е стварно ретка појава. Вработените во услужните дејности се оставени на милост или немилост од страна на муштериите, молејќи се во себе „дај Боже денес да добијам поголем бакшиш, за да ми падне в џеб некој денар плус“. Ова е жалосен податок со оглед на тоа што кај нас оваа работа ја работат навистина огромен број млади, а и повозрасни луѓе.

Во многу земји ширум светот (освен некои од азиските), бакшишот морате да го дадете бидејќи е вкалкулиран во самата сметка, а некаде се остава и додатно доколку сте многу задоволни од услугата. Да се надеваме дека навиките во културата еден ден ќе се променат и кај нас.

Во меѓувреме келнери: ставете широка насмевка на вашите лица додека послужувате, а вие муштериите, не бидете толку скржави, 20-30 денари нема да ве осиромашат, а на вработениот ќе му го направите работниот ден прекрасен! Погледнете каква култура постои во земјите ширум светот, во врска со оваа работа.

Велика Британија

Во повеќето делови од земјата услугата е вклучена во сметката, а доколку не е, тогаш се очекува дека гостите сами ќе се сетат дека е културно да остават. Доколку на сметката пишува дека бакшишот е опционален, тогаш од вас ќе зависи дали сакате да оставите бакшиш или не. Давањето бакшиш во пабовите, не е вообичаена пракса. Бакшишот изнесува 10-15% од вкупната цена.

Швајцарија

Иако на повеќето услужни места во цената е вклучен 15% бакшиш, оставањето додатен помал бакшиш, е исто така пракса во помодерните ресторани. Сè зависи од тоа колку сте задоволни од услугата на келнерот. Доколку се прашувате како треба да постапите, подобро оставете плус пари или прашајте некој мештанин за совет.

САД

Во Соединетите Американски Држави давањето бакшиш на луѓето кои работат во услужните дејности, е најнормална појава. Сите угостители, такси возачи, фризери и хотелиери, очекуваат да им оставите бакшиш за добро завршената работа. Тој се движи 15-20% од вкупната сума на сметката.

Канада

Исто како што е во САД, така и во Канада, бакшишот не е вклучен, но се подразбира освен доколку не си задоволен од услугата. Според тоа, бакшиш се очекува да оставите кога ќе излезете да јадете надвор или кога некој вработен во услужна дејност ќе ви заврши некаква работа. Тој изнесува 15-20%.

Франција

Французите кога јадат оброк во некој локал, најчесто оставаат 10% бакшиш од вкупниот износ на сметката. Ова е додатен бакшиш од оној стандардниот, кој го добивате вкалкулиран во самата сметка. Од друга страна, угостителите не го очекуваат тој додатен бакшиш, освен доколку муштеријата не реши сам да остави, бидејќи бил презадоволен од услугата која ја добил.

Мексико

Во оваа земја, вработените во услужните дејности преферираат да им оставите бакшиш во кеш (а не со кредитна картичка), а не им е проблем и доколку ги почестите со долари. Бакшишот се движи 10-15%.

Бразил

Во рестораните, бакшиш од 10% е најчесто вкалкулиран во самата сметка. Исто така, најчесто не очекуваат од вас да оставите додатно бакшиш по ваша желба.

Аргентина

Во рестораните каде што бакшишот не е вклучен во сметката, ако оставите околу 10% од вкупната сума, вработениот навистина ќе го цени тоа. Не се препорачува да оставате бакшиш во долари. За хотелски портир, „ќе поминете“ и со само 10 песоси.

Турција

Во рестораните се цени доколку оставите бакшиш барем 10% од износот на сметката. Кај нив се прифаќа бакшишот само во кеш, а можете да оставите лири, долари или евра.

Италија

Оставањето бакшиш околу 10% од сумата која ја плаќате е вообичаена работа, но не повеќе. Интересно, но доколку се возите на гондола, не постои точно определено колку бакшиш да оставите. Најмногу се цени доколку оставите евра.

Кина

Правилото во Кина е дека не постојат бакшиши. Доколку сакате некому да оставите бакшиш, тогаш тоа направете го за некој кој ќе ви направи некоја ретка или луксузна услуга.

Јапонија

Во Јапонија, во принцип не се остава бакшиш, освен за некои специјални услуги. Најдобро е бакшишот да го оставите во јени.

Занимливости

Јапонскиот робот „Archax“, направен по моделот на популарните „Transformers“, е ставен на аукција

Објавено пред

на

ФОТО: screenshot/youtube

Минатата година во јуни, јапонската компанија Tsubame Industries го заврши производството на робот по име Archax, направен по моделот на популарната серија Transformers. Сега истиот робот е на аукција на веб-страницата SBX Cars.

Во моментот на пишување, аукцијата ја погледнале речиси 19.000 луѓе и досега се дадени четири понуди. Првичната понуда беше 23.000 долари, вториот понудувач ја зголеми на 25.000 долари, третиот на 199.000 долари, а сега таа бројка скокна на 333.333 долари.

Аукцијата завршува на 19 јули во 03:00 часот, но цената е малку изненадувачка, бидејќи компанијата, како што пренесува Reuters, планирала да продаде пет роботи по цена од по три милиони долари, што е значително повисока цена во споредба со тековната аукција.

Се ракува со џојстик, внатре во кабината има четири екрани, преку кои може да се набљудува движењето и околината, а за сето тоа се заслужни девет камери кои овозможуваат поглед на просторот од 360 степени. Изграден од метал и пластика, Archax може да ги крева рацете, да мавта и да се префрли од режим на возило во режим на робот и обратно.

Има четири ногарки со гуми, слични на оние што ги користат виљушкарите. Може да се управува со предните ногарки, додека е со погон на задните тркала. Доаѓа во пет бои: сина, бела, црвена, зелена и виолетова.

Генералниот директор на компанијата што го произведе овој прототип, Рио Јошида изјави дека сака да направи нешто ново и различно.

„Исто така, Јапонија е многу силна во анимација, игри и роботика, како и автомобили, па мислев дека би било одлично ако можам да создадам производ што ги има сите овие елементи во себе – тоа е Јапонија“, изјави тој за Ројтерс.

Прочитај повеќе...

Занимливости

SpaceX Starship, првото враќање од вселената

Објавено пред

на

Се планираше Starship да го совлада враќањето од вселената уште порано, но тоа се случи дури сега. Леталото веќе натера многумина да размислуваат за патување до Марс, а последниот лет докажува дека ракетите за повеќекратна употреба се повеќе од само имагинација.

Уште во 2019 година, Илон Маск зборуваше за плановите за „поход“ на Марс, не само за патување до Црвената планета, туку и за активности што ќе доведат до првите одржливи населби. Така, во рамките на овие долгорочни планови, луѓето би станале меѓупланетарен вид, и тоа не за сто или двесте години, туку, како што Маск тврди веќе некое време, многу порано.

Лансирањето на еден Ѕвезден брод чини околу два милиони долари, а за тераформирање на Марс ќе биде потребно многу повеќе од еден Ѕвезден брод. Маск вели дека за успех на проектот ќе бидат потребни најмалку илјада авиони кои ќе се користат за транспорт на товар, градежни материјали и екипаж, а целиот процес, како што се проценува, ќе трае најмалку 20 години.

За воопшто да се размислува за населби на Марс, потребно е барем едно летало со екипаж да стигне до оваа планета. SpaceX на 6 јуни докажа дека Starship може да се врати на Земјата за повторно да се користи. За прв пат сите делови на ракетата висока 121 метар го преживеаја лансирањето, како и спуштањето во Индискиот Океан.

Starship е најголемото и најмоќното вселенско летало некогаш изградено. Тоа е клучот за иднината на компанијата SpaceX, а успехот е од интерес и за агенцијата НАСА, бидејќи леталото е замислено како дел од новата мисија Артемис на Месечината. Ќе има уште пробни летови пред човечкиот екипаж да тргне на пат, а се проценува дека тоа би можело да се случи на крајот на оваа деценија.

„Starship“ досега е лансиран вкупно четири пати, а овој лет е најуспешен. Се уште не се знае кога ќе се случи петтиот, експертите тврдат дека нема да чекаме долго.

Извор: Ars Technica

Прочитај повеќе...

Занимливости

(ВИДЕО) Дукати го претстави новиот модел „Монстер“ во чест на легендарниот Аиртон Сена

Објавено пред

на

ФОТО: screenshot/youtube

Најновата „играчка“ на легендарниот Аиртон Сена доаѓа од Ducati, која го претстави специјалното издание Monster. Мотоциклот има шарена графика инспирирана од кацигата на Сена. Како резултат на тоа, моделот го имитира бразилското знаме и има мешавина од жолта, зелена и сина боја.

Специјалниот Monster е опремен со елементи од јаглеродни влакна, алуминиумски потпирачи за нозе и специјални алуминиумски тркала. Ним им се спојува сино седиште, уникатна плочка и приспособена анимација за подигање за екранот од 4,3 инчи.

Моќта доаѓа од познатиот двоцилиндричен мотор Testastretta со 82 kW/111 КС. Велосипедот има и целосно прилагодлива суспензија Ohlins и систем за сопирање Brembo со жолти клешти.

Производството е ограничено на 341 единица (3 за три светски титули и 41 за бројот на победи на Сена во Формула 1), а цените започнуваат од 25.000 долари.

Извор: autoblog.rs

Прочитај повеќе...

Facebook

Последни објави

Хороскоп3 часа

Хороскоп за сабота (27 јули)

ОВЕН Оние од вас кои планираат пократко патување денес можеби ќе бидат задоволни, особено ако се работи за семејна посета....

Балкан6 часа

Во Србија граѓаните ќе предложуваат локации за „радар“ за зголемена сообраќајна контрола

Управата за сообраќајна полиција на МВР на Србија, по повод меѓународната акција за зголемена сообраќајна контрола насочена кон откривање и...

Хороскоп1 ден

Хороскоп за петок (26 јули)

ОВЕН Ве очекува подобрување на полето на заработка. Може да се надевате на пресврти на ова поле. Можна е прилика...

Технологија1 ден

Apple би можел да примени технологија која му овозможува на „iPhone“ внатрешна меморија од 2TB?

Тајванската компанија за истражување на пазарот TrendForce оваа недела изјави дека очекува Apple да започне со производство на iPhone-и кои...

Македонија1 ден

МВР истакна важно соопштение по повод чествување на 2-ри август во Крушево

Министерството за внатрешни работи по повод прославата на државниот празник 2-ри Август, кој традиционално се одбележува во Крушево ги известува...

Спорт2 дена

Закажано извлекувањето на паровите за новата сезона 24/25 од првата македонска фудбалска лига

ФФМ предмалку ја информираше јавноста дека, Комисијата за натпреварување во понеделник, на 29-ти јули, во просториите на „Куќата на фудбалот”,...

Временска прогноза2 дена

Денес и утре посвежо особено на утро, еве какво време ни претстои

Денес и утре (петок) посвежо, особено наутро, повремено со засилен ветер од северен правец (до околу 60 км/час) Следува постепена...

Хороскоп2 дена

Хороскоп за четврток (25 јули)

ОВЕН Некој на работа врши притисок врз вас и приморани сте некои работи да ги завршите побрзо отколку што очекувавте....

Кичево2 дена

„ГАП Осигурување“ за вашите потреби сега со нова филијала во Кичево

Осигурителното Брокерско Друштво ГАП Осигурување, официјално започна со работа во јануари 2024 година. Акционерите, воедно и визионери кои своето долгогодишно...

Спорт2 дена

Вранештица: Утре продолжуваат натпреварите на турнирот во мал фудбал, ајде на вкусна скара и пијалок, во прилог официјален распоред на мечеви сѐ до недела!

После неколку денови заслужена пауза, турнирот во мал фудбал во с.Вранештица продолжува. Во рамките на утрешниот ден четврток / 25.07...

НАЈЧИТАНИ