Спорт

Буфон објави дека го напушта Јувентус

Објавено пред

4 години

на

мај 17, 2018

Од

Порта.мк

Џанлуиџи Буфон, легендата на светскиот фудбал, објави дека по 17 години ќе го напушти Јувентус. Својата одлука, Буфон, ја соопшти на прес конференција во друштво на претседателот на Јувентус, Андреа Ањели.

Буфон рекол дека саботниот натпревар против Верона ќе му биде последен во дресот на Јувентус, но не и во неговата кариера.

„В сабота ќе го одиграм последниот натпревар за Јувентус и на тој начин ќе ја завршам оваа сјајна авантура, со две титули и со целосна поддршка од раководството“, рекол легендарниот голман.

Буфон, 17 години го носи дресот на Јувентус, тој во Торино пристигна од Парма. Со „старата дама“, освоил девет шампионски титули во Серија А, една во Серија Б, четири во Купот на Италија и пет во Суперкупот. Бил светски шампион со италијанската репрезентација, но никогаш не успеал да ја освои Лигата на шампионите.

Џиџи го бранел голот на Јувентус на 655 натпревари, а исто така е клупски рекордер според бројот на минутите минати на теренот. Буфон го бранел голот на „старата дама“ 41.956 минути.

„Многу ми е драго што дојдоа толку луѓе да ме видат. Секогаш сум се обидувал да бидам чесен и искрен, секогаш сум се борел против дволичноста. Многу сум емотивен, но денес тука дојдов среќен и целосно исполнет. Секогаш сум се обидувал да го давам најдоброто од себе“, рекол 40-годишниот голман.

Тој потврдил дека заминувањето од Јувентус нема да значи и крај на неговата кариера, што ги поттикна шпекулациите дека Буфон би можел да се пресели во Англија.

„Пред две недели моето пензионирање беше очигледно се додека пред неколку дена не добив интересни понуди, на теренот и надвор од него. Најважно е дека тие што беа надвор од теренот беа од страна на претседателот Ањели. Откако ќе го одиграм последниот меч в сабота ќе ми бидат потребни два-три дена добро да размислам, но сигурен сум дека моето срце ќе ја донесе конечната одлука“, изјавил Буфон.

Тагови:

Следно

Зидан со прва изјава по оставката: Вака е најдобро за сите

Не пропуштај

Кралот Кантона се враќа на „Олд Трафорд“ (ВИДЕО)

Спорт

Судиска анализа од бараж натпреварите одиграни во неделата

Објавено пред

11 часа

на

мај 25, 2022

Од

Порта.мк

Судиска комисија ги разгледа спорните моменти од бараж натпреварите за ПРВА МФЛ 22/23 година и ги донесе следните заклучоци:

На натпреварот ФК Скопје – ФК Беласица, одигран на 22.05.2022 година, анализирани се ситуациите 39, 45+2 и 56 минута.

Главен судија: Стојан Трпчевски; Помошни судии: Драган Трпчевски и Душко Панов;

39. минута: ДОБРА ПРОЦЕНКА НА ГЛАВНИОТ СУДИЈА (не досуден удар од 11 метри)

Во шеснаесетникот на Беласица, играч од нападот на Скопје беше во посед на топката, на него стартуваше играч од одбраната на Беласица и дојде до минимален контакт во пределот на ногата. Исправна одлука на главниот судија играта да продолжи, контактот беше минимален и недоволен за да се досуди удар од 11 метри. Во оваа ситуација имаше одлична комуникација помеѓу главниот судија и вториот помошен судија

40+2 минута: ДОБРА ПРОЦЕНКА НА ГЛАВНИОТ СУДИЈА (не досуден удар од 11 метри)

Во шеснаесетникот на Беласица и странично од голот, играч од нападот на Скопје ја имаше во посед топката и шутна кон голот, пред него имаше играч од одбраната на Беласица со рацете споени до тело и топката го удри играчот во раката која беше до телото. Исправна одлука на главниот судија играта да продолжи, немаше елементи за да се додуди удар од 11 метри, бидејки раката беше споена до телото во моментот кога го удри топката.

56. минута: ДОБРА ПРОЦЕНКА НА ПРВИОТ ПОМОШЕН СУДИЈА (досудено офсајд позиција)

Играч на Скопје беше во напад, додаде топка до свој соиграч кој во моментот на додавање беше понапред од претпоследниот играч од одбраната на Беласица и постигна гол. Исправна одлука на првиот помошен судија голот да не го признае и да досуди офсајд позиција, бидејки при примање на топката играчот на Скопје се наоѓаше пред претпоследниот играч од одбраната на Беласица.

На натпреварот ФК Тиквеш – ФК Воска одигран на 22.05.04.2022 година, немаше предизвикувачки ситуации за судиска анализа.

Како судиска комисија сакаме да им честитаме за одличната арбитража на судиските тимови од бараж натпреварите.

Исто така, честитки и до цела судиска четворка за одличното судење на финалето на Купот на Македонија помеѓу ФК Македонија – ФК Силекс кој се одигра на 20.05.2022 година.

Што се однесува до репрезентативните натпревари, нашата репрезентацијата на Македонија до 17 години ќе одигра два контролни меча на гостински терен против селекцијата на Австрија.

Првиот контролен натпревар е закажан на 25. мај со почеток од 18. часот. Два дена подоцна на програмата е втората контролна пресметка со почеток од 11. часот.

Селекторот на младата репрезентација на Македонија до 17 години, Тони Јакимовски, се одлучи да ги повика следните фудбалери:

Петар Јакимов (Работнички), Диел Доко (Њу Старс), Андреј Аризанкоски (Победа), Даниел Марковски (Хелсинборг, Шведска), Даниел Марковски (Вардар), Давид Даилоски (Нец Нијемиген, Холандија), Абиола Бамијоко (ППЈ, Финска), Хадис Таири (Велешта), Касим Јакупи (Вил, Швајцарија), Давор Серафимов (Вардар), Амир Нухија (Шкендија), Мартин Ѓорѓиевски (Академија Пандев), Ѓорги Дошев (Вардар), Дестан Адили (Работнички), Зани Назифи (Шкендија), Лорик Мухтари (Хамбург, Германија), Кире Стојанов (Академија Пандев), Теодор Николовски (Работнички), Никола Стојков (Работнички), Никола Величковски (Вардар), Фикрет Ливарека (Скопје);

Прочитај повеќе...

Спорт

„Сер Боби“ ги објави предводниците за натпреварите против репрезентациите во сегментот „Ц“ од новото издание на Лига на нации

Објавено пред

2 дена

на

мај 23, 2022

Од

Порта.мк

Селекторот на македонската А репрезентација, Благоја Милевски го објави списокот со фудбалери за натпреварите против Бугарија (2. јуни), Гибралтар (5. јуни), Грузија (9. јуни) и Гибралтар (12. јуни) од групата 4 во Ц сегментот од новото издание на Лига на нации.

Двете воведни пресметки ги играме на гостински терен во бугарски Разград и Гибралтар. Домашните натпревари против Грузија и Гибралтар се закажани на Националната арена “Тодор Проески” во Скопје.

На списокот на селекторот Милевски се наоѓаат 28 фудбалери:

ГОЛМАНИ: Столе ДИМИТРИЕВСКИ (Рајо Ваљекано, Шпанија), Дамјан ШИШКОВСКИ (Докса, Кипар), Кристијан НАУМОВСКИ (Шкупи), Дени ИЛИЕВ (Тренцин, СЛОВАЧКА);

ОДБРАНА: Стефан РИСТОВСКИ (Динамо Загреб, Хрватска), Дарко ВЕЛКОВСКИ (Ријека, Хрватска), Висар МУСЛИУ (Инглоштат, Германија), Кире РИСТЕВСКИ (АЕЛ Лимасол, Кипар), Езѓан АЛИОСКИ (Ал Ахли, Саудиска Арабија), Тодор ТОДОРОВСКИ (Серед, Словачка), Стефан АШКОВСКИ (Сепси, Романија), Никола СЕРАФИМОВ (Залаегерсег, Унгарија), Ѓоко ЗАЈКОВ (Славија Софија, Бугарија), Бојан ДИМОСКИ (Академија Пандев);

СРЕДЕН РЕД: Елиф ЕЛМАС (Наполи, Италија), Енис БАРДИ (Леванте, Шпанија), Стефан СПИРОВСКИ (МТК, Унгарија), Енис ФАЗЛАГИЌ (Висла Краков, Полска), Томче ГРОЗДАНОВСКИ (Злате Моравце, Словачка), Ердал РАКИП (Малме, Шведска), Бобан НИКОЛОВ (Шериф Тираспол, Молдавија), Давид БАБУНСКИ (Дебрецин, Унгарија);

НАПАД: Милан РИСТОВСКИ (Спартак Трнава, Словачка), Бојан МИОВСКИ (МТК, Унгарија), Дарко ЧУРЛИНОВ (Шалке 04, Германија), Александар ТРАЈКОВСКИ (Ал Фејха, Саудиска Арабија), Ваљон ЕТЕМИ (Истанбулспор, Турција), Дориан БАБУНСКИ (Дебрецин, Унгарија);

Благоја МИЛЕВСКИ – селектор на македонската А репрезентација:

“Базата на тимот веќе ја имаме со фудбалерите кои ги одиграа натпреварите за пласман на Светското првенство, но нашата цел е тројцата нови фудбалери во составот Димоски, Гроздановски и Фазлагиќ да донесат одредено освежување во репрезентацијата.
Шанса за потврда на својот потенцијал и квалитет ќе добијат сите и низ подготовките и натпреварите, помладите фудбалери треба да покажат дека можат да бидат важен дел од репрезентацијата во нашите натпревари од квалификациите за Европското првенство чија ждрепка е закажана во октомври.
Јас се надевам на многу позитивни работи во периодот што ни следува, иако распоредот ни наметнува четири меча, а фудбалерите завршија со клупски активности. Дел од нив како последица од напорната сезона и бројот на одиграни натпревари нама да бидат во комбинација за настап за натпреварите кои ни следуваат, а ќе видиме каква е ситуацијата со дел од играчите кои имаат повреда и дали ќе бидат во можност да настапат”.

Прочитај повеќе...

Спорт

Златниот симбол и оригинален трофеј од FIFA World Cup™ денеска беше официјално презентиран во Скопје

Објавено пред

4 дена

на

мај 21, 2022

Од

Порта.мк

Трофејот пристигна во Скопје како дел од турата на FIFA World Cup™ трофејот организирана од Coca-Cola. Златниот симбол на светското фудбалско единство пристигна заедно со амбасадорот на турнејата на трофејот, бразилската фудбалска икона Жилберто Силва.

Дом на оригиналниот FIFA World Cup™ трофеј денес беше Пивара Скопје, официјалниот претставник на The Coca-Cola Company во нашата земја. Трофејот беше откриен во историски момент од страна на г. Стево Пендаровски – Претседател на Република Македонија и фудбалската легенда Жилберто Силва, во присуство на г. Ламбро Патче – Директор за корпоративни политики и одржливост, г. Муaмед Сејдини – Претседател на ФФМ, г. Лука Сантандреа, генерален менаџер на франшиза на the Coca-Cola Company, како и во присуство на претставници на медиумите од целата земја.

Овогодишната турнеја FIFA World Cup™ трофејот организирана од Coca-Cola досега пропатува повеќе од 750.000 километри и е дел од кампањата на Светското првенство на ФИФА што ќе се одржи во Катар во 2022 година. Овогодишната глобална турнеја на трофејот ќе патува во 51 земја, вклучувајќи го и нашиот главен град – Скопје, овозможувајќи им на македонските фудбалски обожаватели да уживаат во фудбалската магија.

Официјалните изјави може да ги проследите ТУКА