Денеска времето ќе биде сончево и топло за овој период од годината. Ќе дува слаб до умерен северозападен ветер, апо котлините поради појавата на температурна инверзија ќе има заматеност на атмосферата или појава на слаба магла.

Дневните температури ќе бидат во Скопје 13 Целзиусови степени, Крива Паланка 12, Мврово 10, Берово 14, Кичево 10, Охрид 9, Битола 14, Дојран 18…

И утре ќе се задржи сончево време со натпросечни дневни температури. По котлините ќе има магла.

Во четврток облачноста ќе се зголеми, а услови за врнежи ќе има само во крајните западни подрачја.

Под влијание на влажен бран во петок ќе биде облачно со врнежи од дожд, а на планините од снег. Повеќе врнежи се очекуваат во западните делови. Ќе дува засилен ветер, претпладне од јужен, а попладне од северозападен правец, што до крајот на денот ќе услови заладување и спуштање на снежната граница до околу 600 м.н.в., прогнозира УХМР Македонија.