Кичево Случувања

Изложба на фотографии „Облици“ на Ненад Пивко

Во Среда (31.01.2018г.) во Ликовната галеријата на Центарот за култура „Кочо Рацин“ ќе се одржи изложба на фотографии „Облици“ на Ненад Пивко со почеток од 19:00 часот. Ненад Пивко роден 16.05.1989 г. во Суботица, Р.Србија. Средно образование завршува во ОЕМУЦ ,,Св. Наум Охридски’’- Охрид. Дипломирал на катедрата за археологија при Универзитет ,,Св. Кирил и Методиј’’ Скопје, 2015 година, во класата на професорот Драги Митрески и Марјан Јованов на тема: Накит кај Македонците во класичниот период. Во текот на студиите се стекна со стручна работа на терен, при извршување на археолошката задача. Покрај тоа учествува на повеќе уметнички трибини во склоп со театарот и визуелните уметности во Скопје. Учество во групна изложба ,,Креативна генерација’’ 2015/16 г.- Ликовен клуб при НУЦК „Кочо Рацин“ -Кичево. Член е на планинарско- еколошкото друштво „Ендорфин“ – Кичево од 2015 година, а исто така учествувал во повеќе претстави во Аматерскиот театар при НУЦК „Кочо Рацин„ –Кичево. Љубовта кон фотографијата се раѓа при искачување на планините во Р.Македонија. Во моментот работи и живее во Кичево.
 
 
 
Close