Во близина на железничката станица Кичево започна четвртиот овој пат пролетен панаѓур, за прв пат оваа 2018-та година.
На панаѓурот се нуди се и сешто, од дребулии, алати, текстил, зимска гардероба, обувки, кожна галантерија и друго.
Излагачи на овој панаѓур се трговци од целата земја и според нивните проценки учеството на панаѓурот се покажало како добар потег.
И граѓаните на Кичево се презадоволни што по многу пониски цени можат да се снабдат со многу работи за лична потреба и за домаќинство.
– Нашиот град важи за еден од најскапите во земјава и ова е можност по далеку пониски цени да се снабдиме со облека, обувки, алат и се што ни треба во домаќинството.
Овие панаѓури ќе помогнат и нашите трговци во градот да ги корегираат продажните цени – рекоа повеќемина граѓани кои ги сретнавме на есенскиот панаѓур.
