Македонија
НАМЕСТО ПРОЛЕТ, СНЕГ И ЗИМСКИ ТЕМЕПРАТУРИ: Рано изутринава нови наноси на снег, Метеоларам издаде жолто предупредување
![](https://porta.mk/wp-content/uploads/2018/01/night-snow.jpg)
Врнежи од снег ја зафатија Македонија рано изутринава околу 03.00 часот по полноќ, со снежни наноси кои нанесоа околу 10цм нова снежна покривка за само неколку часа во Маврово и на Попова Шапка
Снег паѓа и во западниот дел на Македонија, а бела покрива го покри и Скопје.
Температурата во главниот град се движи околу 0 степени целзиусови, со силина на ветрот од максимални 6 км/час.
Европскиот Метеоаларм издаде и жолто предупредување за Македонија, со назнака за внимание од појава на мраз на патиштата, но и засилен ветер и зголемени врнежи од снег.
Според Акуведер.ком, до петок се очекува на планините да наврне околу 40цм снежен нанос.
АМСМ препорачува внимателно возење, прилагодена брзина на движење и почитување на поставената сообраќајна сигнализација. Во клисурите и засеците можна е појава на одрони, особено на патните правци: Кочани – Македонска Каменица – Делчево, Виница – Берово, Гостивар – Стража, Маврово – Дебар – Струга, Демир Капија – Удово, Катланово – Велес, Крушево – Демир Хисар и Ресен – Буково.
АМСМ исто така известува:
ЗАБРАНА ЗА СООБРАЌАЈ НА ТЕШКИ ТОВАРНИ ВОЗИЛА:На 22.03.2018 година од 05:30 часот сообраќајот на магистралниот пат „Гостивар – Кичево“ и обратно, преку планинскиот превој Стража во двата правци е воведена забрана за ТМВ.
СОСТОЈБА: Сообраќајот на државните патишта се одвива без забрани, по влажни коловози. Слаб снег провејува низ Македонија кој не се задржува на коловозот.
Македонија
МВР истакна важно соопштение по повод чествување на 2-ри август во Крушево
![](https://porta.mk/wp-content/uploads/2024/07/fb_img_1721923959742.jpg)
Министерството за внатрешни работи по повод прославата на државниот празник 2-ри Август, кој традиционално се одбележува во Крушево ги известува граѓаните дека поради изведување на градежни работи за санација на регионалниот пат Р-1306, делница: Прилеп – Крушево, поради што истиот е затворен за сообраќај во делот од село Горно Коњари до село Кривогаштани, за доаѓање на манифестација во Крушево на ден 01 и 02.08.2024 година треба да се користат патните правци: Прилеп – Битола – по регионален пат Р1305 до Демир Хисар кон Крушево, и Кичево по регионален пат Р1305 до клучка Сладуево (Демир Хисар) по регионален пат Р1306 до Крушево, известуваат од МВР.
Македонија
Од ноќеска нова намалена цена на горивата
![](https://porta.mk/wp-content/uploads/2020/10/lukoil-kicevo2020_portamk.jpeg)
Малопродажните цени на бензините ЕУРОСУПЕР БС-95 и ЕУРОСУПЕР БС-98 и на ЕУРОДИЗЕЛ (ДЕ V), се намалуваат за 1,50 ден/лит, во однос на малопродажните цени утврдени со одлуката за утврдување на највисоки малопродажни цени на нафтените деривати и горива за транспорт од 15.07.2024 година и со тоа малопродажната цена на ЕУРОСУПЕР БС-95 изнесува 81,50 ден/лит, малопродажната цена на ЕУРОСУПЕР БС-98 изнесува 83,50 ден/лит, додека малопродажната цена на ЕУРОДИЗЕЛ (Д-Е V) изнесува 74,00 ден/лит.
Малопродажната цена на Екстра лесното масло за домаќинство на (ЕЛ-1), се намалува за 1,00 ден/лит, во однос на малопродажната цена утврдена со одлуката за утврдување на највисоки малопродажни цени на нафтените деривати и горива за транспорт од 15.07.2024 година и со тоа, малопродажната цена на Екстра лесното масло за домаќинство на (ЕЛ-1) изнесува 72,50 ден/лит.
Македонија
МВР: Граѓаните да не наседнуваат на измами со лажни сообраќајки, веднаш да пријават во полиција
![](https://porta.mk/wp-content/uploads/2020/03/mvr_yeti.jpg)
На подрачјето на СВР Скопје изминатиов период регистрирани се повеќе кривични дела „измама“, кои се извршени врз повозрасни лица. Сторителите ги доведуваат во заблуда лицата на тој начин што им се јавуваат телефонски и им се претставуваат како службени лица, најчесто полициски службеници и од нив бараат финансиски средства за ослободување од кривичен прогон на нивни деца или внуци кои, наводно, непосредно пред јавувањето направиле сообраќајна несреќа со смртни последици. Измамниците ги контактираат жртвите најчесто на фиксен телефон, но има случаи каде што се контактирани и преку мобилен телефон со скриен број, а за да бидат поуверливи во позадина се слуша женски глас кој бара помош.
Министерството за внатрешни работи и СВР Скопје ги известува граѓаните дека се преземаат мерки и активности за расчистување на досега пријавените кривични дела и воедно апелираме до граѓани да не наседнуваат на ваквиот вид на измами, а доколку бидат контактирани веднаш да пријават во полиција, истакнаа од МВР.
-
Хороскоп1 ден
Хороскоп за петок (26 јули)
-
Хороскоп2 часа
Хороскоп за сабота (27 јули)
-
Временска прогноза2 дена
Денес и утре посвежо особено на утро, еве какво време ни претстои
-
Македонија1 ден
МВР истакна важно соопштение по повод чествување на 2-ри август во Крушево
-
Спорт1 ден
Закажано извлекувањето на паровите за новата сезона 24/25 од првата македонска фудбалска лига
-
Балкан6 часа
Во Србија граѓаните ќе предложуваат локации за „радар“ за зголемена сообраќајна контрола
-
Технологија1 ден
Apple би можел да примени технологија која му овозможува на „iPhone“ внатрешна меморија од 2TB?