Кичево
Меморијален планинарски марш „Цвеќе за Рацин“
Планинарските друштва ПСД„ Бистра“и ПЕД„ Ендорфини“ од Кичево, утре го организираат 22. Меморијален планинарски марш „Цвеќе за Рацин“, со кој ќе се одбележи 75-годишнината од смртта на големиот поет и револуционер, Коста Солев Рацин, на планината Лопушник.
Маршот ќе започне во 7,30 часот од селото Извор од каде најпрво патеката води по колски пат сè до ливадата кај Долни Лопушник, од тука учесниците на маршот ќе се движат по козја патека низ букова шума и повторно пред врвот Стог, се искачуваат по колски пат сè од самото пристигање на врвот.
На овој Меморијален марш се очекува да земат учество над 100 планинари, а покрај членовите на двете планинарски друштва од Кичево, ќе земат учество и планинари од родниот град Велес, Скопје и Прилеп.
-Во недела по 22-ри пат го организираме Меморијалниот планинарски марш „Цвеќе за Рацин“ , по повод 75 годишнината од смртта на големиот македонски деец и револуционер Коста Солев Рацин. Маршот ќе започне од селото Извор а во двата правци учесниците на маршот ќе поминат околу 25 километри.
Учесниците на маршот треба со себе да понесат соодветна облека, обувки, храна и вода. Препорака до сите учесници на маршот е да ги следат упатствата на водичите, кои имаат право на промена на термините и редоследот на искачувањето во зависност од временските и условите на теренот. Покрај членовите од планинарските друштва од нашиот град, на овој марш ќе земат учество и планинари од родниот град Велес и Прилеп кои ќе ја поминат истата патека како и локалните друштва, додека планинарите од Скопје планираат искачувањето на врвот Стог на 1.576 метри, да го изведат по друга патека, поточно нивното искачување да започне од кај каптажата во село Добреноец-истакна Сашо Божиноски,претседател на ПСД„ Бистра“ Кичево.
Инаку на минатогодишниот Меморијален планинарски марш, заедно со кичевските планинари учествуваше и познатата планинарка од Скопје , Калина Велеска, која во февруари настрада на Кајмакчалан.
Натпис и Фото: Зоран Антоски / Нова Македонија
Кичево
Во сабота по повод празникот на „Лазаревото Воскресение“ (Лазарева Сабота) во Кичево ќе се одржи свечена поворка со традиционални каланди
Возљубени наши пријатели, на наша чест, преку нашиот медиум ве информираме дека на ден 27.04.2024г. (сабота), по повод празникот на „Лазаревото Воскресение“ (Лазарева Сабота) во нашиот град Кичево ќе се одржи свечена поворка за објава на Лазаревото Воскресение, а воедно и подготовка за претстојните празници на Влегувањето Христово во Ерусалим (Цветници) и најголемиот христијански празник на Воскресението Христово (Пасха).
Свечената Литија ќе започне од градскиот плоштад, во 11:00ч. и ќе се движи преку Булеварот „Ослободување“, до храмот на светите апостоли „Петар и Павле“, проследена од псалти, музичари на традиционални музички инструменти и верниот народ.
Ве покануваме сите кои сакаат да земат учество да се вклучат да ја возобновиме оваа древна традиција на радост заради Воскресението Лазарево и нетрпеливо очекување на Христовото Воскресение свечено носејќи врбови гранчиња испратени со традиционални пенија, т.н. каланди.
Датум: 27.04.2024г.
Почеток: 11:00ч на градскиот плоштад во Кичево.
Ве очекуваме низ дружба и песна да го прославиме овој серадосен настан!
Еве како си поминавме пред 1 година, кликнете ТУКА
Кичево
Жена жител на Куманово доживеала сообраќајна несреќа на патот Охрид-Кичево, се здобила со тешки телесни повреди откако возилото удрило во бетонска преграда
На 23.04.2024 во 21.20 часот во СВР Охрид било пријавено дека на магистралниот пат Охрид-Кичево, патничко возило „фолксваген голф“ со кумановски регистарски ознаки, управувано од И.А.(60) од Куманово, удрило во бетонска преграда од коловозот. Во несреќата со тешки телесни повреди се здобила неговата сопатничка М.Ш.(36) од Куманово, констатирани во Медицински центар Кичево.
Извршен бил увид од увидна екипа од ОВР Кичево, за медиумите информираат од МВР.
Кичево
Кичевчани дел од најпознатата „ATM Chiptuning Performance“ тјунинг куќа, најдоброто решение за вашиот автомобил, сега достапно и кај нас!..
Веќе нешто повеќе од една година ултра популарниот „ATM Chiptuning Performance“, инаку светски позната тјунинг куќа која е синоним за квалитет и експертиза, во својот тим има млади и талентирани луѓе, сертифицирани професионалци кои 2023-та година ја одбележаа со над 500 тјунирани возила. За среќа на сите љубители на модифицираните возила, тие се од нашиот град Кичево, односно Илија Божиноски и неговиот партнер Костадин Крстески со нивната „Car Coding Pro“ под закрила на „ATM Chiptuning Performance“ од Црна Гора се веќе дел од големото „ATM“ семејство.
Оваа реномирана куќа обезбедувајќи врвни услуги во софтверска модификација на автомобили носи нова перспектива и иновативен пристап во тјунинг индустријата. Нивната работа одразува високо ниво на стручност и посветеност.
„Car Coding Pro“ ви ги нуди сите специјализирани софтверски модификации како што е „Chiptuning“ (Stage 1/Stage 2/Stage 3), обезбедувајќи на возилата зголемена моќност на моторот и намалена потрошувачка на гориво. Со овие искусни експерти, ветуваат целосна трансформација на вашиот автомобил.
Покрај тоа, „Car Coding Pro“ преку „ATM“ ви нуди решенија за вообичаените проблеми на поновите возила, како што се „EGR OFF, DPF OFF, AdBlue OFF“ и други.
Рејтингот на ваков модел на модифицирање на вашето возило, кажуваат и бројните задоволни клиенти кои непристрасно возат возила кои достигнуваат извонредни резултати со услугите на оваа тјунинг компанија. Нивната прецизност и внимание на деталите ги прават едни од најдобрите во автомобилската/софтверската индустрија.
Закажете термин на 071/331-894 или 071/506-400 и контактирајте ги за повеќе информации, додека со сите новости може да бидете во тек доколку ги заследите на нивните социјални мрежи на фејсбук ТУКА и инстаграм ТУКА
Мал дел од задоволните клиенти:
-
Хороскоп2 дена
Хороскоп за среда (24 април)
-
Хороскоп19 часа
Хороскоп за четврток (25 април)
-
Кичево6 часа
Во сабота по повод празникот на „Лазаревото Воскресение“ (Лазарева Сабота) во Кичево ќе се одржи свечена поворка со традиционални каланди
-
Кичево1 ден
Жена жител на Куманово доживеала сообраќајна несреќа на патот Охрид-Кичево, се здобила со тешки телесни повреди откако возилото удрило во бетонска преграда
-
Временска прогноза1 ден
Времето утре ќе биде променливо облачно со повремени локални врнежи од дожд
-
Спорт1 ден
Ѓоковиќ: Српскиот „ас“ силно го посакува 25-иот „Грен слем“ и мисли само на победа, ништо друго.
-
Свет1 ден
Кина докажа зошто Конгресот сака да го забрани „TikTok“
-
Автомобили7 часа
Кои автомобили се најевтини за одржување во САД?