Тој претходно изјави дека актуелниот нацрт-закон на ЕУ за вештачка интелигенција „премногу ја регулира оваа сфера“.

Шефот на компанијата OpenAI која го произведе генеративниот систем за вештачка интелигенција ChatGPT денеска објави дека неговата компанија не планира да ја напушти Европа.

– Со нетрпение очекуваме да можеме да продолжиме со нашата работа во Европа и секако не планираме да заминеме одовде – твитна првиот човек на OpenAI Сем Алтман.

Алтман на тој начин се поправи, бидејќи во средата не ја отфрли можноста неговата компанија да ја напушти Европа доколку не може да се усогласи со најавената регулатива на ЕУ за вештачка интелигенција (АИ).

https://twitter.com/sama/status/1661975237280567297

Во таа прилика тој изјави дека актуелниот нацрт-закон на ЕУ за вештачка интелигенција „премногу ја регулира оваа сфера“, и дека слушнал дека ќе биде повлечен.

Изјавата на Алтман за можно напуштање на Европа беше критикувана од шефот на индустријата на ЕУ, Тиери Бретон, како и од некои други законодавци на Европската унија, потсетува британската агенција.

Внатрешно наречен Project Q, уредот доаѓа со 8-инчен HD екран и сите копчиња што ќе ги најдете на безжичниот контролер DualSense

Sony официјално потврди дека работи на PlayStation пренослив уред кој ќе го олесни играњето игри на PS5. Project Q е, како што изјави шефот на PlayStation, Џим Рајан, „Уред дизајниран да емитува која било игра од вашата конзола PS5 користејќи далечинско играње преку Wi-Fi“.

Внатрешно наречен Project Q, уредот доаѓа со 8-инчен HD екран и сите копчиња што ќе ги најдете на безжичниот контролер DualSense.

Ќе има LCD екран кој поддржува играње до 1080p и 60fps преку Wi-Fi, а ќе има и адаптивни тригери и хаптички feedback кои имаат DualSense, пренесува Tportal. Преносливата конзола Q треба да пристигне подоцна оваа година, иако Sony не соопшти точно кога и колку би можел да чини новиот уред.

Според ситните букви на дното на презентацијата на Sony, игрите што ги играте на Q мора да се инсталираат на самата конзола PlayStation 5, што значи дека не е самостојна пренослива конзола како Steam Deck или Nintendo Switch.

https://twitter.com/PlayStation/status/1661483440116727810

Со овој хардвер, Sony се обидува да одговори на трендот на растечка популарност на преносливите конзоли. На крајот на краиштата, Nintendo забележа огромен успех со Switch, а платформите како Steam Deck и Asus ROG Ally овозможуваат да се играат наслови за кои е потребен понапреден хардвер од наследниот Switch.

Ако сакате да пробате Remote Play за пренос на игри од вашиот PS5, не мора да чекате за преносливиот уред на Sony. Оваа услуга е поддржана од повеќето уреди на iPhone, Android, Windows и Mac.

/Telegraf

Следниот телефон на Samsung Fan Edition веќе некое време се шпекулира. Тоа ќе биде Samsung Galaxy S23 FE, а сега пристигнуваат нови информации за него, кои укажуваат на неговото претстојно лансирање.

Samsung досега претстави две генерации FE модели – Samsung Galaxy S20 FE и Samsung Galaxy S21 FE. Компанијата го прескокна Galaxy S22 FE, па Galaxy S23 FE ќе пристигне оваа година.

Според најновите извештаи, продажбата на серијата Samsung Galaxy S23 значително опадна овој месец, а се шпекулира дека продажбата за целиот втор квартал би можела да биде за 20% помала во споредба со продажбата на серијата Galaxy S22 во вториот квартал од минатата година . Оваа ситуација може да го принуди Samsung да го забрза претставувањето на телефонот Galaxy S23 FE.

Најновиот извештај покажува дека Galaxy S23 FE ќе биде лансиран пред преклопливите телефони Galaxy Z Fold 5 и Galaxy Z Flip 5, иако тоа не беше првичниот план на јужнокорејската компанија. Двата телефони се очекува да бидат претставени во јули или август, што значи дека Galaxy S23 FE би можел да пристигне веќе следниот месец или во јули.

Во однос на спецификациите, овој телефон ќе пристигне со сензор за главна камера од 50 MP, а GalaxyClub известува дека ова би можело да биде истиот сензор од 50MP што го имаат Samsung Galaxy S22 и Samsung Galaxy S23.

Телефонот треба да пристигне во две опции за меморија – 6 GB или 8 GB RAM и две опции за внатрешна меморија – 128 GB и 256 GB. Претходно беше откриено дека овој телефон би требало да се напојува исклучиво од Exynos 2200 на Samsung, што би било разлика од претходниот FE модел кој пристигна во две верзии – едната со Exynos и другата со Snapdragon процесор.