Свет
Почина Силвестер Сталоне: Лажната вест која денес ги окупира социјалните мрежи!

Денес на социјалните мрежи со брзина на светлината се рашири веста за тоа дека почина холивудската ѕвезда Силвестер Сталоне. Наводно тој боледувал од рак на простата и бил пронајден мртов во својот дом.
Изрази на сочувство, неверување и пораки за збогување со актерот ги преполнија социјалните мрежи, исто како и пред осумнаесет месеци, кога актерот за прв пат беше ,,погребан’’ од одредени портали.
Сепак, како што пренесува британски ,,The Sun’’ Сталоне е жив, а авторот на веста, одреден портал, веќе ги погребал и Николас Кејџ, Анџелина Џоли, Џим Кери и многу други. Во изминатиов период и Балканот беше зафатен од лажни вести за наводна смрт на познати музичари.
Така, неодамна го погребаа Оливер Драгојевиќ, Аца Лукас, Цеца Ражнатовиќ и многу други популарни ликови. Овојпат, како што пренесува британскиот медиум, Сталоне решил да не изглегува во јавност и да докажува дека е жив.
Свет
Хакери украле податоци на милијарда кинески граѓани

Хакерски напади на сите страни. Звучи сензационално, па дури и малку нереално, но тоа е токму реалноста. Само неколку дена откако хакерската група Ransom House упадна во системот на AMD поради лоши лозинки на нивните вработени (123456, навистина), полицискиот оддел на кинескиот град Шангај неодамна беше хакиран и во таа прилика беше украдена огромна количина на податоци. , пишува Блумберг.
Детали за нападот
Хакерска група која сè уште не е именувана (може да е поединец, но се сомневаме) пред неколку дена ја нападна базата на податоци на полицискиот оддел во градот Шангај. Засега нема јасни информации за тоа како хакерите успеале успешно да се пробијат во оваа база на податоци. Неофицијалните извештаи сугерираат дека нападот бил извршен со упад во компанија наречена Алијун, која е специјализирана за „cloud computing“ и на чии сервери наводно се наоѓала оваа база на податоци.
Што беше украдено?
Според моментално достапните информации, украдени се доверливите податоци на повеќе од една милијарда жители на Кина. Во моментов тоа се 23 терабајти податоци кои оваа хакерска група се обидува да ги продаде за 10 биткоин монети, што моментално изнесува околу 200.000 долари. Како пример за вистинитоста на нивното тврдење, првично беа приложени податоци за 250.000 граѓани, а сега се појавија дополнителни информации за уште 500.000 граѓани.
За какви податоци станува збор? Базата на податоци содржи сè: од лични податоци како адреса, место на раѓање, единствен матичен број до број на мобилен телефон. Интересно е што овој податок содржи и информации за кривично гонење поврзани со кинески државјани од 1995 година.
Цензура
И како инаку би реагирала кинеската влада на ваков проблем ако не со цензура? Имено, на кинеските социјални мрежи Weibo и WeChat се забранети и цензурирани цензурирани објави поврзани со оваа тема, како и сите оние со зборови кои укажуваат на упад во базата на податоци. Приказната сепак стигна до јавноста, а се уште нема информации за официјалниот одговор на кинеската влада на овој настан.
Извор: Benchmark
Свет
Сателитот на НАСА ја напушти орбитата на Земјата и се упати кон Месечината

Сателит не поголем од микробранова печка денеска успешно ја напушти орбитата на Земјата и се упати кон Месечината, што е најновиот чекор во планот на НАСА повторно да слета астронаути на површината на Месечината.
Ракетната лабораторија (Rocket) го лансираше сателитот Капстон (Capstone) пред шест дена од полуостровот Махиа во Нов Зеланд во една од своите мали ракети и ќе бидат потребни четири месеци за да стигне до Месечината.
Основачот на компанијата Питер Бек изјави дека не може со зборови да ја опише својата возбуда за проектот.
„Тоа беше проект за кој ни беа потребни две, две и пол години и е неверојатно, неверојатно тешко да се изведе“, рече тој.
Доколку остатокот од мисијата биде успешен, сателитот ќе испраќа важни информации за неколку месеци кога ќе оди во нова орбита околу Месечината, која се нарекува праволиниска орбита, во која досега не се движел ниту еден сателит.
На крајот, НАСА планира да постави вселенска станица наречена Gateway во орбитата, од која астронаутите ќе можат да слетаат на површината на Месечината како дел од програмата Артемис.
Свет
Биста на младиот Наполеон на аукција во Лондон

Бистата на младиот Наполеон Бонапарта ќе биде понудена на продажба од аукциската куќа Сотби во вторник на 5 јули во Лондон.
Сотби ја проценува работата помеѓу 120.000 и 180.000 фунти (138.000 и 208.000 евра).
„Бистата ја купи нејзиниот сегашен сопственик во 2020 година, а едноставно беше опишана како биста на анонимно лице“, наведе аукциската куќа, додавајќи дека наодите на експертот утврдиле дека се работи за Наполеон на 28-годишна возраст.
Белата мермерна биста со црн мермерен столб е дело на Џузепе Франки, неокласичен скулптор.
„Идентитетот и на скулпторот и на моделот сега може да се потврди благодарение на истражувањето спроведено од Оливие Ил, професор по историска социологија и почесен директор на Институтот за политички студии во Гренобл и еден од експертите од тој период“, кажа Сотби.
Според научникот, Бонапарта ја нарачал бистата за време на вечерата со Френки во мај 1797 година во Милано, неколку дена по падот на Венецијанската Република.
Младиот генерал ќе ја види скулптурата во ноември 1797 година во Женева, град припоен од Франција во април 1798 година. Делото ќе остане таму 20 години.
Во август 1818 година, таа несакана биста на соборениот император, затворена на островот Света Елена, била купена по ниска цена од Британец кој ја префрлил скулптурата во Велика Британија.
Извор: 021
-
Кичево2 дена
Неколку кичевски населби утре ќе бидат со времен прекин на електрична енергија поради работа на ЕВН Кичево
-
Култура9 часа
Утре е „Иванден“, празникот за лекување болести и за добивање потомство, за многу години да е!
-
Магазин2 дена
iPhone 14 ќе руши различни рекорди, еден од нив е цената
-
Автомобили17 часа
Автомобилите на Tesla конечно се подготвени за македонските патишта, ја добија опцијата за откривање дупки
-
Хроника17 часа
Во близина на авто-камп Струга во охридско езеро, било забележано удавено лице
-
Македонија2 дена
Ноќеска бил пријавен украинец кој во охридски хотел агресивно се однесувал према вработените
-
Хороскоп7 часа
Хороскоп за четврток (7 јули)
-
Временска прогноза2 дена
На почеток од денот многу топло, додека во попладневните часови пороен дожд. Нови врнежи и пониски температури доаѓаат викендов..