Lifestyle
Родители! Правила за воспитување на вашето дете, колку сте полоши – тоа не е решение!

Рускиот психолог Јулија Гипенрејтер својот живот го посветила на проучување на односот помеѓу родителите и децата. Нејзините книги за воспитување на децата се преведени на многу светски јазици, а ние ви ги пренесуваме некои од најинтересните тврдења што ги изнесува Гипенрејтер во своите дела.
1. Непослушност – единствената работа што може да ја развие детето кога неправилно му се обраќаме. Значи, секојпат кога детето е непослушно и безобразно, пред да се одлучите да го казните прашајте се што сте направиле погрешно.
2. „Проблематични“, „тешки“, „немирни“ деца и деца „со комплекси“, „неконцентрирани“, секогаш се резултат на погрешно утврдени односи во семејството.
3. Кога безусловно го сакате своето дете, не значи дека го сакате затоа што е убаво, паметно, способно, успешно, затоа што помага дома и така натаму… туку заради тоа што е такво какво што е.
4. Колку сте полоши со детето, толку полошо станува тоа. Зошто е тоа така? Затоа што воспитувањето на детето не е дресура. Родителите не треба да развиваат условни рефлекси кај децата.
5. Колку почесто родителите се груби кон детето, го отфрлаат и критикуваат, толку поскоро тоа ќе дојде до заклучокот: „Не ме сакаат“.
6. Дисциплина – не пред, туку откако ќе воспоставите добри односи со детето. Не можете да дисциплинирате дете со кое не сте воспоставиле комуникација.
7. Не му помагајте на детето, освен ако самото не побара помош. Кога не се мешате, вие всушност му укажувате дека тоа што го прави го прави како што треба. Помогнете му само доколку наиде на сериозна пречка која не може да ја надмине. Тогаш не е добро да не се вмешате, бидејќи тоа може да донесе штета.
8. Ако на детето му е тешко и сака да ја прифати вашата помош, задолжително треба да му помогнете. Притоа, направете го тоа што не може само да го направи. Како што ќе ги развива своите способности, полека сѐ препуштете му нему.
9. Личноста и способностите на детето се развиваат само кога е ангажирано во некоја активност која му е интересна и која сака да ја прави.
10. Тинејџерската доба е слична на сипаниците – постои во повеќе облици, полесни или потешки, но секако мора да се „прележи“. Но, тешко на родителите кои во овој период влегуваат во сериозен конфликт со своите деца!
11. Дозволете му на детето да ги почувствува негативните последици од своите постапки (или пропусти). Дури тогаш ќе порасне и ќе стане „свесно“.
12. Сееш навика, жнееш навика – береш карактер, сееш карактер – береш судбина!
13. Можете да изразувате незадоволство од поединечни постапки на детето, но не и на детето во целост. Можете да ги осудувате потфатите на детето, но не и неговите чувства. Незадоволството од потфатите на детето не би требало да биде систематично, во спортивно ќе се претворат во неуспех.
14. Непосакуваното однесување на детето е нормална реакција на ненормалните услови на живот.
15. Строгата мајка е емотивно отуѓена од детето, така чувствува детето.
16. Дозволете му на детето да има приватност. Не се мешајте во сѐ постојано. Немојте да му држите предавања.
17. Со своите постапки влијаете врз однесувањето на детето.
18. Самоспознавање и самообразование – тоа е првата должност на родителите и наставниците, а не само воспитувањето на децата. Во спротивно детето станува преоптоварено со проблемите на родителите.
19. Секогаш кога детето е вознемирено, навредено, повредено, засрамено, уплашено, кога некој бил груб кон него или неправедно го третирал, дури и ако сте преморени, првото нешто што треба да го направите е да дознаете што му е и да го сослушате.
20. Не го барајте од детето невозможното или тоа што тешко се постигнува. Наместо тоа, проверете што можете да промените во опкружувањето.
Lifestyle
12 карактеристики на незрели луѓе! Ако забележите дека некој се однесува вака, знајте со кого си имате работа!

Одбивањето да се прифати одговорноста и агресијата кон критиките се само дел од показателите за незрело однесување.
Луѓето се различни и во текот на вашиот живот ќе имате можност да запознаете различни типови на личности. Меѓутоа, ако забележите одредено однесување кое ви се чини дека не е во согласност со нивната возраст или ситуација, можно е да се работи за незрели луѓе.
Психотерапевтот Марко Јовашевиќ ги откри 12-те особини кои ја карактеризираат незрелата личност:
Тие одбиваат да преземат одговорност за своето однесување.
Кога се нерасположени, не се однесуваат љубезно со другите.
Тие реагираат агресивно на критиките.
Тие не ја гледаат поентата во подлабока анализа на сопственото однесување.
Тие нема да ги споделат своите проблеми со вас, туку со други луѓе.
Демантираат дека кажале некои работи.
Тие се убедени дека никогаш не грешат.
Нивните совети се претежно полни со гнев, нездрави и непожелни.
Ве убедуваат дека треба да се извините, дури и кога не се во право.
Кога ќе направите грешка, тие реагираат бурно и агресивно.
Ве убедуваат и ве тераат да не ги сакате луѓето кои не ги сакаат.
Скоро секој разговор што го водат е на тема омаловажување на други луѓе или озборување.
Lifestyle
За полесно да помине времето: Ако ви претстои првиот авионски лет, еве што треба да знаете

Без оглед на ситуацијата, веруваме дека ќе ги најдете советите кои можат да ви го направат поудобно времето на аеродромот. Ви ги пренесуваме во следните редови.
Цените на аеродромот не се наивни. За да избегнете да плаќате три пати повеќе за обична кеса со чипс или бисквити, најдоброто нешто што можете да направите е да го носите она што сакате да го јадете од дома.
Спакувајте празно шише со вода
Секогаш е препорачливо со себе да носите празно шише со вода, кое обезбедувањето нема да ви го земе и кое можете да го наполните со вода во бањата на аеродромот кога ќе почувствувате жед.
Пријавете се за вашиот лет однапред
За да не чекате предолга редица на аеродромот, погрижете се да се пријавите за вашиот лет онлајн 24 часа однапред. Згора на тоа, некои авиокомпании наплаќаат дополнително за пријавување во живо, што е дополнителна мотивација за да го направите тоа од дома.
Облечете се во слоеви
Целосно неповрзано со временските услови, треба да се облекувате слоевито кога планирате лет. Аеродромот може да биде толку ладен среде лето што ќе зажалите што ќе облечете само тенок фустан. Истото важи и за зимските услови. Облекувањето во слоеви ќе ве спаси од несакани настинки.
Носете пренослив полнач со вас
Понекогаш навистина може да се случи да чекате со часови на аеродром. Во тој случај, телефонот ќе ви биде начин да го пополните тоа време. Но, многу лесно може да се случи батеријата да ви откаже во најлош можен момент. Во овој поглед, мудро е да носите пренослив полнач со себе ако се покаже дека сите приклучоци на аеродромот се зафатени.
Спакувајте го вашиот лаптоп на лесно достапно место
Кога летате, ќе треба да ја отстраните целата електроника за проверка од обезбедувањето, поради што е важно да ги имате на дофат. Навистина лоша идеја е да го ставите вашиот лаптоп на дното на рачната торба бидејќи ќе мора да ги извадите сите работи од него додека другите патници гледаат.
Фотографирајте го вашето паркинг место на аеродромот
Изгледа прилично смешно, но дали сакате да талкате низ паркингот барајќи го вашиот автомобил кога ќе се вратите од патот, бидејќи сте заборавиле каде сте паркирале. Фотографија од паркинг место во телефонот е вашиот најдобар пријател.
Lifestyle
Кои намирници се препорачливи за жените доилки

Една од важните работи за доилките е да пијат доволнa количинa на течности како што се: Вода, јогурт и млеко, лесни билни чаеви, супи, свежо цедени сокови.
Алкохолните напитоци треба да се изостават, а кафето и чаевите од видот на црн и зелен чај, да се сведат на минимум. Се препорачува внес на 3 порции млечни производи во текот на денот и тоа посебно збогатени со витаминот Д (1 порација = 250 мл млеко или јогурт = 80 грама немасно сирење = 50 гр кашкавал)
Треба да консумираат разновидно овошје и зеленчук во најразлични бои, а да ги избегнуваат намирниците кои предизвикуваат надуеност: грав, леќа, соја, кикирики.
Јаткастите плодови (ореви, лешници, бадеми) и семките (ленено, сончоглед, семки од тиква) да се консумираат секојдневно.
Треба да се внесуваат доволни количини на месо и риба, особено сардина.
Секојдневно треба да се користат намирниците кои се извор на јаглени хидрати: леб, тестенини, ориз, компир. Но, потребно е да се избегнува храна која содржи транс масти како масни пецива, кекси, грицки, соленки.
Повеќето лекови преминуваат во млекото, па задолжително пред пиењето на било каков лек консултирајте се со лекар.
/денар
-
Хороскоп22 часа
Хороскоп за вторник (31 јануари)
-
Хороскоп2 дена
Хороскоп за понеделник (30 јануари)
-
Lifestyle1 ден
12 карактеристики на незрели луѓе! Ако забележите дека некој се однесува вака, знајте со кого си имате работа!
-
Временска прогноза23 часа
Снег послабо и за месец февруари, сув студ и силен ветер се она што треба сигурно да се очекува, ова се деталите…
-
Видео1 ден
Фармерот и магарето имаат посебен однос, видеото е прегледано 4 милиони пати
-
Автомобили1 ден
Изгледа дека електричните автомобили не се толку исплатливи
-
Магазин1 ден
Ова се најнестабилните апликации за iPhone и Android
-
Магазин1 ден
Продажбата на телефони во Кина е на историски најниско ниво