Многу нешта можат да се слушнат за газираната вода, како тоа била лоша по здравјето или не? Пронајдовме некое истражување каде во прилог се претставени повеќе митови, но ова се вистинитите одговори

МИТ: Меурчињата не не хидрираат

Нејзините меурчиња потекнуваат од јаглерод-диоксид и според зборовите на д-р. Сузан Џаргин од Универзитетот во Јужна Каролина, меурчињата од минералната вода не ја спречуваат хидратација на телото. Дури, едно истражување од истиот универзитет покажало дека после интензивен тренинг, газираната вода ја надополнува изгубената течност на ист начин како и негазираната вода.

МИТ: Лоша е за забите и коските

Јаглеродната киселина, која настанува со растворање на јаглерод-диоксид, може да ја оштети забната глеѓ доколку се внесува во огромни количини. Значи, се додека не испиете цел пакет кисела вода дневно, безбедни сте. Истото важи и за коските.

МИТ: Дебелее

Вистина е дека сите тие меурчиња предизвикаат надуеност, но тоа е привремено и на долгорочно ниво дури и позитивно. Научниците утврдиле дека газираната вода може повеќе да ве засити од обичната вода, особено на празен стомак. Колку повеќе се чувствувате сити, помалку ќе грицкате. Но, избегнувате газирана вода со вкусови и вештачки засладувачи.

МИТ: Предизвикува киселина

Научниците го разоткрија митот дека сета таа шумлива вода предизвикува киселина. Ако сте склони на киселини треба да ја избегнувате храната која ја предизвикува киселината, а не минералната вода. Но, ако веќе страдате од киселина во желудникот, имате чир или слично, меурчињата можат да ја влошат состојбата.

Извор: денар.мк

Новото истражување го смета загадувањето за потенцијален двигател на опаѓање на косата. Тоа што особено е важно го открива потенцијален механизам кој може да објасни како загадувањето на воздухот го предизвикува опаѓањето на косата. Губењето на косата ги погодува две третини од мажите помлади од 35 години. После 50-годишна возраст, речиси 85 проценти од мажите губат значителна количина на коса. Жените, исто така се соочуваат со овој проблем, но во помала мера.

Причините за губење на косата се нејасни. Иако истражувачите веруваат дека гените играат клучна улога, останува значителен број на непознати фактори од околината, кои исто така може да го зголемат ризикот од губење на коса.

Хиук Чул Квон од Future Science Research Centre, од Република Кореја, е главен автор на студијата претставена од тимот на 28-от Конгрес на Европската академија за дерматологија и венерологија (EADV), кој се одржа уште во 2019-та година од 9 до 13 октомври во Мадрид.

Загадувањето го намалува нивото на важни протеини

Нов труд, насловен „Влијанието на честичките на кожните папили кај луѓето“, се осврна на ефектот на таканаречени честички на клетките во дното на фоликулите на косата. Овие клетки се нарекуваат дермални папиларни клетки на човечки фоликули (HFDPC).

– „Честички – загадувачи“ е термин кој опишува мешавина од цврсти честички и ситни капки течности, изработени од разни хемикалии, кои луѓето можат да ги вдишат. Некои од овие честички претставуваат сериозен ризик по здравјето.

Во новото истражување, Квон и неговите колеги се изложени на HFDPC честички од прашина и дизел.

По 24 часа, тимот извршил анализи за да го испита нивото од неколку протеини по изложеноста на честичките. Анализата открила дека изложеноста на загадувачи на воздухот го спуштила нивото на бета-катенинот, протеин клучен за раст на косата.

Покрај тоа, честичките од прашина и дизел го намалуваат нивото на други протеини кои го одредуваат растот и задржувањето на косата. Тие протеини биле циклин Д1, циклин Е и ЦДК2 и колку повеќе биле загадени од истражувачите, толку повеќе нивото на овие протеини се намалувало.

– Иако врската помеѓу загадувањето на воздухот и сериозните болести како што се карциномот, хроничното опструктивно белодробно заболување и кардиоваскуларните заболувања е добро утврдена, направени се малку истражувања за ефектот на честичките врз човечката кожа и косата. Нашето истражување го објаснува начинот на дејствување на загадувачите во воздухот врз HFDPC, покажувајќи како најчестите загадувачи на воздухот доведуваат до опаѓање на косата – вели Квон.

/denar.mk

Витаминот А е нутритиент од круцијално значење за здрави очи, како и за убава и млада кожа. Истражувањата, исто така откриле дека овој витамин помага во спречување на нарушувања во меморијата. Меѓутоа, неодамна се покажа дека постои и поврзаност помеѓу консумирање на храна богата со витамин А и намален ризик од карцином на кожата.

Витаминот А се наоѓа во форма на ретинол во намирници од животинско потекло како што се јајца, пилешко, мисирка, црниот дроб на говедско месо, како и во форма на бета-каротин и бета-криптоксансин во намирници со растително потекло (моркови, сладок компир, тиква, брокула, кељ, спанаќ, кајсии).

Научниците, имено според податоците на 75.170 жени (стари во просек 50,4 години) и 48.400 мажи (стари во просек 54,3 години) кои се собирани во текот на 26 години, утврдиле дека лицата кои консумираат големи количини на витамин А преку својата исхарна имаат и намален ризик од карцином на кожата.