Кичево
Синохидро ќе добие ли три години за довршување на автопатот Кичево-Охрид?

Анекс договорот е во финална фаза и очекувам во наредните денови да направиме конечен договор, изјави министерот за транспорт и врски Горан Сугарески.
Во финална фаза е анекс договорот со кинеската компанија Синохидро за продолжување на рокот за изградба на автопатот Кичево-Охрид, што истекува за неколку денови. Се проценува дека ќе бидат договорени дополнителни 36 месеци.
– Континуирано имаме средби со кинеската компанија со цел да го договориме анекс договорот што се однесува на продолжување на рокот на изградба на автопатот Кичево-Охрид. Мислам дека сме во финална фаза и очекувам во наредните денови да направиме конечен договор, што преку предлог закон ќе оди на одобрување во Собранието, изјави министерот за транспорт и врски Горан Сугарески одговорајќи на новинарски прашања на одбележувањето на 50 години на Друштвото за патишта, а на кое фокусот беше ставен на Коридорот 8.
Министерот информира дека во рамки на Коридорот 8 е предвидена и доизградба на патниот правец до Ќафасан, на границата со Албанија, во финална изработка и почнување изградба е и патот Кичево-Гостивар и експресниот пат од Ранковце до Крива Паланка и патниот правец од Крива Паланка до граничниот премин Деве Баир со Бугарија.
Директорот на ЈП за државни патишта Зоран Китанов истакна дека според проценките ќе бидат потребни околу 36 месеци за доизградба на автопатот Кичево – Охрид.
– Наша цел, е вели, да го завршиме и ќе го завршиме, но да се потрудиме сите заедно да ги избегнеме проблемите што не тиштат со изградба на постоечките патишта од Коридорот, истакна Китанов.
Додаде дека за најмногу три до четири години ќе биде завршен Коридорот 8 во делот од Куманово до граничниот премин кон Бугарија.
– Завршено е тендерирањето и склучен е договорот со италијанската компанија Терена за делот кон Крива Паланка, а, исто така, е завршено тендерирањето и е во фаза на склучување на договорот со изведувачот што ќе почне да го реализира, посочи Китанов.
Информира дека во еден дел во завршна фаза од овој Коридор е проектирањето и делот од Гостивар до Кичево и сега останува да почне проектирањето за другиот дел од Букојчани до Гостивар.
Претседателот на Друштвото на патишта на Македонија, Горан Мијоски, потенцира дека Коридорот 8 е изграден и може да се патува по него без проблеми, но оти треба да се зборува за едно повисоко ниво на услуга што значи експресни патишта и автопатишта, што ќе овозможи побезбеден и поудобен сообраќај.
Додаде дека Македонија во моментов има над 300 километри автопатишта и вкупно 14.000 километри различни изградени патишта.
/vesti.mk
Кичево
Во Кичево стартува „Мобилна амбуланта“ со гинеколози кои ќе вршат бесплатни гинеколошки прегледи кај жените, ова се сите информации..

Во Кичево започнува со работа мобилна амбуланта во која се нудат бесплатни гинеколошки прегледи за жените кои живеат на територијата на општината, со цел превенција од рак на грлото на матката.
Сите жени на територија на Општина Кичево, кои сакаат да извршат бесплатен гинеколошки преглед, вклучувајќи и „ПАП“ тест, да се обратат или да се пријават на тел бр. 045/225-324 директно во Општинската организација на „Црвен Крст“ – Кичево за закажување на термин.
Мобилната амбуланта започнува со работа во месец Мај, а пријавените дополнително ќе бидат известени за датум и време на одржување на прегледите.
Со работата на мобилната амбуланта треба да се зголеми бројот на жени од ранливите групи и од руралните оддалечени места кои ќе направат бесплатени гинеколошки прегледи, подигнувајќи ја свеста за важноста од родовите скрининзи. Прегледите се најдобра заштита од рак на грлото на матката!
Контролите ги вршат гинеколози од Универзитетската клиника за гинекологија и акушерство во повеќе болница во државата.
Работата на мобилните амбуланти е овозможена со поддршка на „Министерството за здравство, Македонската асоцијација на гинеколози и опстетичари-МАГО, Македонското лекарско друштво, Црвениот Крст и УНФПА – Фондот за население на Обединетите нации“, се вели во интегралното соопштение на „Црвен Крст“ – Кичево
Кичево
По повод 30 години „АТВА Маркети“ широк асортиман на производи со намалени цени

По повод 30 години постоење на АТВА МАРКЕТИ, најдобриот кичевски бренд ги изнедува своите верни потрошувачи со асортиман на производи по намалени цени.
Роденденската понуда трае од 25.05 до 27.05
Кичево
Опожарениот автобус на „Пресека“ бил без патници, шоферот сам го пријавил пожарот

Опожарениот автобус за кој предмалку објавивме за среќа бил без патници, додека настанатиот пожар го пријавил шоферот, за Порта.мк извести дежурната екипа на ЦУК – Кичево.
ТППЕ веќе го стави пожарот во мирување, Полициски екипи се исто така на терен, така што сообраќајот кај с.Извор сега се одвива нормално.
Несреќата се случила нешто по 21 часот , кога од непознати причини автобусот на компанијата Галеб се запалил.
Повеќе информации од СВР Охрид очекуваме во текот на утрешниот ден.
-
Хороскоп1 ден
Хороскоп за сабота (27 мај)
-
Кичево1 ден
Во Кичево стартува „Мобилна амбуланта“ со гинеколози кои ќе вршат бесплатни гинеколошки прегледи кај жените, ова се сите информации..
-
Хороскоп9 часа
Хороскоп за недела (28 мај)
-
Временска прогноза14 часа
Временска прогноза за следните 10 дена, за стабилно време ќе почекаме..
-
Lifestyle2 дена
Која крвна група најмногу ја сакаат комарците?
-
Магазин2 дена
Телефонот што многумина го чекаат би можел да пристигне порано – еве зошто
-
Спорт14 часа
ФК „Вардар Неготино“ утре на градски во Кичево спрема навивачка инвазија
-
Lifestyle22 часа
Ние сме во опасност: Зголемувањето на температурите може да доведе до катастрофа