Хроника
Убиецот од Младеновац бил син на офицер од српска армија, пукал и во група деца..

Полицијата се уште трага по масовниот убиец од околината на Младеновац. Се сомнева дека Урош Б.(21) од тој град во крвавиот поход во Дубона, Шепшин и Мали Орашје убил најмалку осум лица, а ранил 13, а потоа избегал.
Жителите на Дубона во интервју за српски Курир велат дека се шокирани од она што се случило на нивно и на други места.
Велат и дека се шокирани од фактот што осомничениот за невидено злосторство секогаш изгледал како добро дете и дека немаат поим што може да биде мотивот за ваквиот грозоморен чин.
– Почна да убива прво од Дубона. Убиениот полицаец прво се обидел да го спречи. Прво го убил, а потоа продолжил, колку што знам. Наводно, тој прв се закачил со него – вели жител на Дубона.
Тој додава дека Урош е син на офицер на српската армија кој работи во Генералштабот во Белград.
– Не беше проблематичен, секогаш изгледаше како мирно и добро дете. Татко му дојде овде за Велигден и купи свиња – вели соговорникот за српскиот медиум.
Според она што го дознале, Урош ги убил и своите најблиски роднини, наводно еден од неговите браќа, неговата снаа и 12-13-годишното момче неговиот внук.
– Во три села направи крваво пукање, покрај Дубона бил и во Шепшин и Мали Орашје. Во Мали Орашје пукал во група од околу 20 деца. Застанал, излегол од автомобилот и пукал во нив – вели соговорникот на српски Курир.
– Таткото и братот излегле на улица и кога му кажале на таткото што се случува, тој колабирал од шок – изјавија очевидци за Курир.
Остануваме онлајн, да ги следиме случувањата и грозоморниот чин кој ја снајде соседна Србија!
Извор: kurir.rs
Хроника
МВР со детали за страотната сообраќајка кај Охрид, загина жител на општина Желино

На 31.05.2023 во 18.00 часот во СВР Охрид било пријавено дека на магистралниот пат Охрид-Кичево, во близина на село Издеглавје, се случила сообраќајна несреќа помеѓу товарно моторно возило „фиат дукато“ со струшки регистарски ознаки, управувано од В.С.(37) од Вевчани и патничко возило „фолксваген туран“ со тетовски регистарски ознаки, управувано од М.Ј. (60) од селото Палатица, општина Желино.
Притоа, од здобиените повреди на местото починал возачот на патничкото возило М.Ј., а смрт констатирал лекар од Итна медицинска помош.
Возачот В.С. и сопатничката во патничкото возило, Н.Б.(47) од тетовското село Голема Речица се здобиле со тешки телесни повреди, додека Х.Б.(21) од село Голема Речица, сопатник во возилото „фолксваген“ се здобил со телесни повреди констатирани во болницата „Св.Еразмо“ во Охрид.
Увид на местото извршила екипа од СВР Охрид, а по наредба на Јавен обвинител врз телото на починатиот ќе биде извршена обдукција, за јавноста известува МВР.
Хроника
Трагична сообраќајка попладнево на патот Охрид-Кичево, едно лице го загубило животот, а има и повредени

Портпаролот на СВР Охрид, Стефан Димоски потврдува дека имаат пријава за сообраќајна несреќа, но повеќе информации во овој момент не може да соопшти.
Според информациите едно лице го загубило животот, а повеќе се повредени во сообраќајна несреќа која попладнево се случила на патот Охрид-Кичево во близина на с. Ново Село (Дебрца) каде учествувале три патнички моторни возила.
– Случена е сообраќајна несреќа, увидот се уште трае. Повеќе информации за сообраќајната несреќа во текот на утрешнот ден, за медиумите вели Димоски од СВР Охрид.
Хроника
Замина доајенот на дувачките инструменти, големиот Ферус Мустафов

Почина доајенот на дувачките инструменти Ферус Мустафов. Мустафов е роден 1950 год во Штип во ромско семејство на музичари и е син на Илми Јашаров
Веста за неговата смрт ја потврдила сопругата Јелена во разговор со „ММС“, која откри дека погребот ќе биде во Штип.
Починал минатата ноќ, а лошите вести ни ги кажаа утрово. Скршени сме од болка, сите се надевавме дека ќе оздрави.
Пред некој ден ни кажаа дека е подобар и затоа се надевавме дека ќе биде сè во ред, откри неговата сопруга за „ММС“
Неговата професионална кариера започнала на седумнаесетгодишна возраст, додека студирал виолина и кларинет во локална музичка академија.
По кратко боледување денес замина во вечноста уште еден голем уметник, нека почива во мир!
-
Кичево1 ден
Во Кичево вчера санкционирани рекорден број на возачи кои возеле пребрзо
-
Хороскоп1 ден
Хороскоп за вторник (6 јуни)
-
Временска прогноза7 часа
Викендот пред нас нови најави за нестабилност на времето, се чини така останува да биде до крајот на месецот…
-
Хороскоп2 часа
Хороскоп за среда (7 јуни)
-
Спорт7 часа
Влезниците за фудбалскиот меч на гостински терен помеѓу Англија и Македонија можат да се купуваат до 15. јуни, ова се информациите
-
Автомобили2 дена
Возите Bugatti и почна да врне? Нема проблем (ВИДЕО)
-
Гејминг2 дена
Take-Two ја најавува GTA VI за 2024 година
-
Магазин2 дена
Microsoft отстранува важна функција од Windows