Временска прогноза Случувања

Викенд прогноза: Нестабилно со засилен ветер и дожд

Попладне и кон крајот на денот ќе биде нестабилно на места со пороен дожд, грмежи и засилен ветер. Локално ќе има услови за ситен град и интензивен пороен дожд. Кон крајот на денот ќе започне да дува засилен до силен северозападен ветер, особено долж Повардарието.

Утре ќе има повремен локален дожд и услови за ретка појава на грмежи. Ќе дува засилен северен ветер кој ќе предизвика значителен пад на температурата за околу 10-ина степени.

В недела се очекува повремен локален дожд, особено во јужните делови на земјава.

Од понеделник до среда ќе има промена на временската состојба, така што времето ќе биде облачно и посвежо со пообилни врнежи од дожд, особено повеќе ќе бидат застапени во западните делови на земјава.