Без категорија
За сите кои сакаат да станат астронаути во НАСА – еве кои се условите
Иако НАСА нам, тука, ни делува далечна како Месечината или некоја од планетите во Сончевиот систем, сепак, никогаш и за никој не е недостижно да стане дел од нивниот астронаутски и научен тим, бидејќи за нив не се битни ниту потеклото, ниту било кој друг ирелевантен фактор кој не се коси со нивните стандарди. За нив се битни предиспозициите и секако – условите кои тие ги предодредуваат.
Постојат многу митови за тоа кои квалификации мора да ги имате за да станете астронаут во НАСА. Иако интелигенцијата, снаодливоста и одличниот вид се добредојдени, сепак, нивното значење во голема мера е преувеличено.
Зборот „астронаут“ доаѓа од старогрчкиот збор ἄστροv (астрон) или ѕвезда и ναύτης (наутес) или морнар, па ако и вие сакате да пловите меѓу ѕвездите, погледнете што е потребно.
Митовите велат дека сите астронаути воедно се и пилоти, но вистината е дека искуството во пилотирањето е голем плус во пријавата, но во никој случај не е услов што мора да биде исполнет.
Преовладува мислењето и дека астронаутите мора да имаат совршен вид, но вистината е дека тоа може да се постигне и со ласерска корективна операција. Единствен услов е да има поминато една година од операцијата до пријавата за работа.
Исто така, мит е дека сите астронаути треба да имаат докторат. За да добијат работа во НАСА, потребно е да имаат додипломски од некои науки од STEM. Секој дополнителен академски степен се смета за бонус, но и годините на работа и искуство можат да го заменат мастер-студиите или докторатот.
Пред пријавата треба да се погрижите да имате и три години работно искуство и да имате добра физичка кондиција (соодветна за вашата возраст).
Дезинформација е дека астронаутите мора да бидат војници, а не мора да се на одредена возраст. Просечниот астронаут има 34 години, но аплицираат професионалци од 26 години нагоре.
Доколку навистина сакате да , размислете за следното:
Немате проблем животниот простор да го делите со многу цимери, понекогаш лошо да јадете и да лебдите во нулта гравитација. Доколку ви се допаѓа идејата за постојани поправки, одгледување цвеќе во вселената, научни експерименти и постојано „зјапање“ во Земјата, тогаш ова е работа за вас.
Идеално би било и да сакате наука и технологија, а пред сè универзумот. Одлично би било и ако не се плашите од висина и од вонземјани.
Без категорија
Нова луда закана од YouTube: „Ако блокирате реклами, плеерот ќе биде оневозможен“ (ФОТО)
Новата закана на YouTube е дел од продолжувањето на неговата агресивна кампања против блокаторите на реклами и предупредува некои корисници дека плеерот престанува да работи по три блокирани видеа.
Популарната платформа повторно експериментира со кампања против блокирање реклами за да ги принуди корисниците да се префрлат на платената услуга „YouTube Premium“. Некои корисници пријавиле дека додека го користеле, добиле закана од YouTube во скокачки прозорец со предупредување дека плеерот ќе биде блокиран по три видеа ако продолжат да користат блокатори на реклами.
YouTube will now block users from watching videos after they watch 3 videos with their ad blocker enabled. pic.twitter.com/beXsoecju2
— Information Worldwide (@InfoEarthwide) July 1, 2023
Исто како и во претходното тестирање за забрана за блокирање реклами, скокачкиот прозорец понуди „објаснување“ што требаше да го оправда потегот. Имено, платформата посочува дека рекламите ја прават услугата достапна за милијарди корисници ширум светот, а со платената верзија, рекламите исчезнуваат додека креаторите на содржини продолжуваат да заработуваат.
Претходните скокачки прозорци само ги предупредуваа корисниците дека екстензии на веб-прелистувачи за блокирање реклами не се дозволени на платформата и дека се против условите за користење. Меѓутоа, бидејќи не многу луѓе го пријавиле проблемот, се чинеше дека експериментот можеби нема да започне.
Без категорија
Колку чини производството на iPhone 14 Pro Max?
Сите знаеме колку iPhone 14 се продава за различни варијанти на телефони на Apple, но сигурно често сте се прашувале колкава е нивната цена на производство. Кога станува збор за моделот iPhone 14 Pro Max, Counterpoint Research ни го дава одговорот на тоа прашање. Според податоците собрани од нивна страна, вкупната цена на компонентите што го сочинуваат телефонот, во верзијата со 128 GB простор за податоци чини 464 долари.
Според Counterpoint Research, споменатата цена на чинење на делови за iPhone 14 Pro Max е за 3,4 проценти повисока од деловите инсталирани во iPhone 13 Pro Max. Разликата во цената е затоа што новата верзија користи понапредна (поскапа) главна камера со резолуција од 48 MP, како и нов дисплеј. Од друга страна, некои други компоненти поевтинија, со најголем пад, поради масовното производство, на компонентите поврзани со 5G технологијата (13 проценти). Инаку, чипот A16 Bionic е за 11 долари поскап од чипот A15 Bionic, а неговата цена сочинува околу 20 отсто од вкупната цена на сите компоненти во телефонот iPhone 14 Pro Max.
Секако, за да се добие конечната цена на производството, потребно е да се додадат трошоците за работа на склопување на телефонот, трошоците за пакување и дистрибуција до продавниците. Дополнително, во цената на чинење треба да бидат вклучени и активностите за истражување, развој, продажба и маркетинг на Apple. И покрај малку повисоката цена на компонентите, iPhone 14 Pro Max чини исто како и iPhone 13 Max (кога беше пуштен во продажба). А еден од најголемите „скокови“ на трошоците за производство се случи помеѓу производството на сериите телефони iPhone 11 и iPhone 12. Тогаш цените на компонентите пораснаа за цели 26 отсто, пред се поради инсталирањето на тогаш новите (и прескапи) 5G модеми.
Извор: 9to5mac
Без категорија
Кичевскиот оператор „Cable Call“ распишува оглас за работа, аплицирај и стани дел од успешен тим!
Кабелскиот TV оператор, телефонија и интернет „Cable Call“ кој поседува иновативно портфолио на услуги за приватни и деловни корисници поради проширување на својата работна дејност за претстојниот период има потреба од теренски работници (монтер) за кичевскиот регион.
„Cable Call“ нуди одлучни услови за тимска работа, навремена плата, осигурување на работникот од моментот на започнување со работната дејност.
Сите заинтересирани може да испратат „CV“ преку електронска форма на [email protected], да контактираат на тел. бр 078/410-393 или да ја посетат канцеларијата на „Cable Call“ на адреса ул. Бул. Ослободување бр. 60 – Лок./4 Кичево.
-
Кичево2 дена
Во сабота по повод празникот на „Лазаревото Воскресение“ (Лазарева Сабота) во Кичево ќе се одржи свечена поворка со традиционални каланди
-
Хороскоп1 ден
Хороскоп за петок (26 април)
-
Хороскоп4 часа
Хороскоп за сабота (27 април)
-
Автомобили2 дена
Електрични возила и губење на вредноста
-
Магазин2 дена
Qualcomm го предизвикува Intel: претстави нови Snapdragon чипови за пазарот на компјутери
-
Социјални мрежи5 часа
Врховниот суд и даде рок на социјалната мрежа „Х“ (твитер) да се изјасни зошто не ги почитува пресудите
-
Автомобили2 дена
Кои автомобили се најевтини за одржување во САД?
-
Спорт2 часа
Пламенот на Олимписките игри кои летово ќе се одржат во Париз, официјално предаден на организаторите на игрите