Свет Случувања

Африка се дели на два дела, побрзо од очекувањата! (ВИДЕО)

Источна Африка се одвојува од остатокот од континентот во рамките на геолошкото случување со кое за милион година тој континент може да остане без својот “рог”. Сепак уште сега оваа природна појава предизвикува големи проблеми.

Геолошкиот процеп на источната страна на континентот, кој еден ден ќе биде исполнет со океан, се шири многу побрзо отколку научниците што претпоставувале.

Поради таа причина патот во Кенија, Маи Махиу се срушил откако под него се појавила пукнатина, изјавила Кенијската национална управа за патишта за Daily Nation.

Во процепот навлегла вода, а тоа дополнително го влошило проблемот со создавање на нови пукнатини во земјиштето.

“Големиот процеп ја раздвојува Африка на две плочи. Заклучивме дека сомалската плоча се одвојува од остатокот од континентот со брзина од околу 2,5 сантиметри годишно. Доколку овој тренд продолжи, сомалската плоча ќе пордолжи да се одвојува од нубијската, а тоа може дополнително да ја влоши инфраструктурата и безбедноста на жителите” кажал геологот Дејвид Адеде

Научниците ќе продолжат со проучување на оваа појава за да може да ја советуваат владата во врска со најбезбедните места за градење патишта и куќи.