Балкан

Кичевчанец со своја промоција „Минијатурен казан“ на Балканско Првенство во Белград

Објавено пред

4 години

на

април 16, 2018

Од

Порта.мк

На неодамна завршениот меѓународен фестивал на храна што се одржа во Белград, на кој беа присутни претставници од повеќето земји од регионот, нашата земја ја претставуваа членови на Националната федерација на фармери. Кичевскиот иноватор Коста Галиман на овој фестивал го промовира уникатниот модел минијатурен казан, со зафатнина од 4 литри, од кој може да се добие дестилат во секакви услови и на најразлични места. Тој пред присутните гости од цел Балкан имаше јавна презентација и демонстрација како функционира овој уникатен модел, првпат виден на Балканот. – Можам да бидам презадоволен од комплиментите што ги добив од присутните на фестивалот за храна во Белград за мојот уникатен модел минијатурен казан, со зафатнина од 4 литри, бидејќи еминентни посетители на фестивалот потврдија дека првпат имаат можност да видат ваков модел и пројавија интерес да го промовираат и во своите земји.

Бидејќи овој минијатурен казан е уникат, наскоро ќе го патентирам и ќе го заштитам како сопствен изум – рече неговиот мајстор. Покрај на фестивалот, тој имаше презентација и во еден од култните белградски хотели „Метропол“, каде што пред елитни гости го претстави својот изум.

– За време на фестивалот за храна имав прекрасна можност пред голем број експерти во хотелот „Метропол“ да извршам презентација како од овој мини-казан се добива првокласен дестилат. Токму затоа казанот го наполнивме со 4 литри наливно вино и по еден час добивме дестилат (ракија) со јачина од 55 степени, во количество од 1,5 литар. На присутните им предочив дека во секакви услови може да се произведе посакуваниот дестилат, а за загревање ни треба единствено една мала плинска боца, која може да ни послужи за три полнења на овој казан. За него не е потребна електрична струја ниту дрва, не ја загадува човековата околина и може да се постави каде што ќе посакате – додаде кичевскиот иноватор, кој планира дополнително да ги промовира и малку поголемите казани, од 12 и 14 литри, кои и досега се присутни кај повеќе наши гастарбајтери во Европа и во Америка.

Покрај минијатурниот казан, кичевскиот мајстор на овој фестивал го претстави и котлето за рибја чорба или гулаш, многу барано во подунавските земји, каде што познатите аласи на Дунав приготвуваат ваков специјалитет. Тој најави скорашна посета на повеќе европски телевизиски куќи, така што неговиот иновативен модел ќе доживее и планетарна промоција.

Извор: Зоран Антоски /Нова Македонија

Тагови:

Следно

Еве какво време не очекува до Четврток, а од Петок повторно сонце

Не пропуштај

Повремен дожд и температура до 22 степена

Балкан

На денешен ден пред 42 години почина Јосип Броз Тито претседателот на Социјалистичка Федеративна Република Југославија

Објавено пред

3 недели

на

мај 4, 2022

Од

Порта.мк

На денешен ден пред 42 години, во Љубљана почина доживотниот претседател на Социјалистичка Федеративна Република Југославија, Јосип Броз Тито.

Јосип Броз Тито почина на 4 мај 1980 година во 15 часот и 5 минути во Клиничкиот центар во Љубљана, три дена пред неговиот 88 роденден.

Тито во јануари бил примен во болница поради проблеми со циркулацијата, а пред смртта му била ампутирана ногата, со што не сакал да се согласи се додека бил свесен. Тој е во вештачка кома од средината на февруари.

Веста за смртта на Тито на Југословените им ја соопштил спикерот на белградската телевизија Миодраг Здравковиќ.

– „Почина другарот Тито. Ова вечерва им го соопшти Централниот комитет на Сојузот на комунистите на Југославија и Претседателството на Социјалистичка Федеративна Република Југославија на работничката класа, работниците и граѓаните, народите и националностите на СФРЈ Југославија“, гласеше веста. Со посмртните останки на Тито, тој следниот ден со Blue Train пристигна од Љубљана, преку Загреб, во Белград.

Три дена подоцна, на погребот дојдоа 700.000 луѓе. Присутни беа 209 државни делегации од 128 земји. Тоа беше најпосетуваниот погреб на државник во 20 век.

31 претседател, 22 премиери, четворица кралеви, шест принцови и 11 претседатели на национални парламенти му оддадоа последна почит на основачот на Движењето на неврзаните. Од поделениот свет од Студената војна, државници од двата табора пристигнаа во Белград.

На погребот присуствуваа и Маргарет Тачер, американскиот потпретседател Валтер Мондејл, Индира Ганди, Хосни Мубарак, Садам Хусеин, Леонид Брежњев, Николај Чаушеску, шведскиот крал Карл XVI Густаф …

Тито е погребан во Куќата на цвеќето на Дедиње, каде покрај него почива неговата сопруга Јованка од 2013 година. Неговиот гроб, заедно со блискиот Музеј на Југославија, сè уште е дестинација за бројни туристи, посетители и обожаватели од поранешните југословенски републики и од целиот свет.

Јосип Броз Тито е роден во Кумровец во тогашна Австро-Унгарија на 7 мај 1892 година. Во тоа време станал најмладиот наредник во австроунгарската војска, а за време на Првата светска војна бил ранет и заробен од Русите, па завршил во работни логори во Русија.

По Октомвриската револуција, во 1920 година се враќа во новоформираното Кралство на Србите, Хрватите и Словенците и се приклучува на Комунистичката партија во Загреб.

По избувнувањето на Втората светска војна, тој станал водач на Движењето на партизанскиот отпор, а по неговото завршување и водач на Југославија, во која е воспоставен нов општествено-политички поредок.

Беше премиер од 29 ноември 1945 година, а по 1953 година претседател на Сојузниот извршен совет и претседател на Републиката. Кога една година подоцна се разделија тие две функции, тој остана до крајот на животот претседател на Републиката, а од 1974 година беше и претседател на Претседателството на СФРЈ.

Имаше чин Маршал на Југославија и функција врховен командант на ЈНА. Тој е еден од основачите на Движењето на неврзаните, на кое извесен период беше и генерален секретар

ФОТО: printscreen/video
Извор: b92.net

Прочитај повеќе...

Балкан

Се укинуваат сите Ковид-19 ограничувања за влез во Србија и Хрватска

Објавено пред

3 недели

на

мај 2, 2022

Од

Порта.мк

Укинати се сите ограничувања за Ковид-19 за влез во Хрватска и Србија. Одлуката за привремено ограничување на граничните премини, која важеше до 30 април, не е продолжена, што значи дека ограничувањата за влез во Хрватска се укинати, потврдија од хрватското МВР.

– „Влезот во Република Хрватска е дозволен под услов условите за влез кои важеле пред епидемијата COVID-19, односно под условите пропишани со Законот за границите на Шенген, Законот за странци итн. (без исполнување на епидемиолошки услови)“. пренесуваат од Хина.

Последната одлука за времено ограничување на премините на граничните премини беше на сила од 9 април. Според неа, на патниците од ЕУ повеќе не им биле потребни сертификати за КОВИД за да влезат во Хрватска, додека државјаните на трети земји морале да ги исполнат епидемиолошките барања.

Слободен влез и во Србија, соопшти Владата на Србија, така што од вторник, 3 мај, престануваат да важат сите контролни мерки и ограничувања за влез во Србија, поврзани со коронавирусот, како за странските, така и за домашните граѓани.

Од полноќ, српските државјани, но и странските државјани нема да имаат потреба од негативен ПЦР тест, брз антиген тест, доказ за болест или потврда за вакцинација, без разлика од која земја доаѓаат во Србија, пренесува ФоНет. .

Одлуката за слободен влез на српски и странски државјани во земјата е донесена врз основа на моменталната епидемиолошка состојба во земјата и е во согласност со одлуките на повеќето земји во Европа и регионот.

Од Владата велат дека надлежните институции ќе продолжат од час во час да го следат развојот на епидемиската состојба во Србија и дека за тоа навремено ќе ја информираат јавноста.

Прочитај повеќе...

Балкан

Тлото во БиХ не мирува, предмалку нов земјотрес го разбуди регионот

Објавено пред

1 месец

на

април 24, 2022

Од

Порта.мк

Предмалку повторно нов земјотрес на босанското тло ги вознемири граѓаните. Имено според Европско-медитеранскиот сеизмолошки центар во 06:27 часот регистрираше земјотрес со јачина од 5,5 степени според Рихтеровата скала на 9 километри од местото Љубиње

🔔#Earthquake (#zemljotres) M5.6 occurred 9 km NE of #Ljubinje (Bosnia & Herzegovina) 5 min ago (local time 06:27:53). More info at:
📱https://t.co/LBaVNedgF9
🌐https://t.co/Qwspvh6OQr
🖥https://t.co/Ym7LhFanhK pic.twitter.com/FjQlCNsMyF

— EMSC (@LastQuake) April 24, 2022

When you feel an #earthquake, and report the shaking and damage level at your location, we can create an intensity curve like this one👇Be aware though❗The intensity decreases if we get far away from the #earthquake (no matter its magnitude). pic.twitter.com/CXSWluPfWy

— EMSC (@LastQuake) April 24, 2022