Lifestyle
Научниците откриваат: Зошто е добро да се биде тврдоглав?

Сите се надеваме дека ќе имаме долг живот, но не знаеме од што точно зависи долгиот животен век. Научниците веруваат дека клучен елемент на долговечноста е една карактерна особина која обично ја сметаме за негативна, а тоа е тврдоглавоста.
Верувале или не, токму оваа карактерна црта ќе ви помогне да развиете позитивен став, упорност, кариера и хобија, како и одлучност за да живеете на начин кој е најдобар за вашето психофизичко здравје.
Резултатите од ова интересно истражување, спроведено на Универзитетите во Рим и Сан Диего, покажале дека љубовта во семејството и силните религиски уверувања се позитивни предуслов за долг живот и добро ментално здравје.
Во истражувањето учествувале испитаници од 9 села во областа на јужна Италија и се открило дека најстарите членови од семејството се во многу подобра психичка состојба за разлика од помладите членови од семејството. Авторката на истражувањето, Ана Скелцо, изјавила дека овие луѓе и понатаму ги извршуваат нивните обврски поврзани со земјоделство и имаат смисла и цел во животот.
Тие не се предаваат толку лесно, тврдоглави се и имаат извонредна контрола врз својот живот. Тие не се грижеле за туѓото мислење и се прилагодувале на животните промени многу подобро од останатите. Поради сето ова, несомнено е дека тврдоглавите луѓе ќе доживеат длабока старост.
Сепак, тврдоглавоста нема да ви биде доволна за да доживеете длабока старост.
Lifestyle
12 карактеристики на незрели луѓе! Ако забележите дека некој се однесува вака, знајте со кого си имате работа!

Одбивањето да се прифати одговорноста и агресијата кон критиките се само дел од показателите за незрело однесување.
Луѓето се различни и во текот на вашиот живот ќе имате можност да запознаете различни типови на личности. Меѓутоа, ако забележите одредено однесување кое ви се чини дека не е во согласност со нивната возраст или ситуација, можно е да се работи за незрели луѓе.
Психотерапевтот Марко Јовашевиќ ги откри 12-те особини кои ја карактеризираат незрелата личност:
Тие одбиваат да преземат одговорност за своето однесување.
Кога се нерасположени, не се однесуваат љубезно со другите.
Тие реагираат агресивно на критиките.
Тие не ја гледаат поентата во подлабока анализа на сопственото однесување.
Тие нема да ги споделат своите проблеми со вас, туку со други луѓе.
Демантираат дека кажале некои работи.
Тие се убедени дека никогаш не грешат.
Нивните совети се претежно полни со гнев, нездрави и непожелни.
Ве убедуваат дека треба да се извините, дури и кога не се во право.
Кога ќе направите грешка, тие реагираат бурно и агресивно.
Ве убедуваат и ве тераат да не ги сакате луѓето кои не ги сакаат.
Скоро секој разговор што го водат е на тема омаловажување на други луѓе или озборување.
Lifestyle
За полесно да помине времето: Ако ви претстои првиот авионски лет, еве што треба да знаете

Без оглед на ситуацијата, веруваме дека ќе ги најдете советите кои можат да ви го направат поудобно времето на аеродромот. Ви ги пренесуваме во следните редови.
Цените на аеродромот не се наивни. За да избегнете да плаќате три пати повеќе за обична кеса со чипс или бисквити, најдоброто нешто што можете да направите е да го носите она што сакате да го јадете од дома.
Спакувајте празно шише со вода
Секогаш е препорачливо со себе да носите празно шише со вода, кое обезбедувањето нема да ви го земе и кое можете да го наполните со вода во бањата на аеродромот кога ќе почувствувате жед.
Пријавете се за вашиот лет однапред
За да не чекате предолга редица на аеродромот, погрижете се да се пријавите за вашиот лет онлајн 24 часа однапред. Згора на тоа, некои авиокомпании наплаќаат дополнително за пријавување во живо, што е дополнителна мотивација за да го направите тоа од дома.
Облечете се во слоеви
Целосно неповрзано со временските услови, треба да се облекувате слоевито кога планирате лет. Аеродромот може да биде толку ладен среде лето што ќе зажалите што ќе облечете само тенок фустан. Истото важи и за зимските услови. Облекувањето во слоеви ќе ве спаси од несакани настинки.
Носете пренослив полнач со вас
Понекогаш навистина може да се случи да чекате со часови на аеродром. Во тој случај, телефонот ќе ви биде начин да го пополните тоа време. Но, многу лесно може да се случи батеријата да ви откаже во најлош можен момент. Во овој поглед, мудро е да носите пренослив полнач со себе ако се покаже дека сите приклучоци на аеродромот се зафатени.
Спакувајте го вашиот лаптоп на лесно достапно место
Кога летате, ќе треба да ја отстраните целата електроника за проверка од обезбедувањето, поради што е важно да ги имате на дофат. Навистина лоша идеја е да го ставите вашиот лаптоп на дното на рачната торба бидејќи ќе мора да ги извадите сите работи од него додека другите патници гледаат.
Фотографирајте го вашето паркинг место на аеродромот
Изгледа прилично смешно, но дали сакате да талкате низ паркингот барајќи го вашиот автомобил кога ќе се вратите од патот, бидејќи сте заборавиле каде сте паркирале. Фотографија од паркинг место во телефонот е вашиот најдобар пријател.
Lifestyle
Кои намирници се препорачливи за жените доилки

Една од важните работи за доилките е да пијат доволнa количинa на течности како што се: Вода, јогурт и млеко, лесни билни чаеви, супи, свежо цедени сокови.
Алкохолните напитоци треба да се изостават, а кафето и чаевите од видот на црн и зелен чај, да се сведат на минимум. Се препорачува внес на 3 порции млечни производи во текот на денот и тоа посебно збогатени со витаминот Д (1 порација = 250 мл млеко или јогурт = 80 грама немасно сирење = 50 гр кашкавал)
Треба да консумираат разновидно овошје и зеленчук во најразлични бои, а да ги избегнуваат намирниците кои предизвикуваат надуеност: грав, леќа, соја, кикирики.
Јаткастите плодови (ореви, лешници, бадеми) и семките (ленено, сончоглед, семки од тиква) да се консумираат секојдневно.
Треба да се внесуваат доволни количини на месо и риба, особено сардина.
Секојдневно треба да се користат намирниците кои се извор на јаглени хидрати: леб, тестенини, ориз, компир. Но, потребно е да се избегнува храна која содржи транс масти како масни пецива, кекси, грицки, соленки.
Повеќето лекови преминуваат во млекото, па задолжително пред пиењето на било каков лек консултирајте се со лекар.
/денар
-
Хороскоп18 часа
Хороскоп за понеделник (30 јануари)
-
Хороскоп2 дена
Хороскоп за недела (29 јануари)
-
Автомобили21 час
Истакнат списокот на автомобили од кој сопствениците биле најмногу задоволни, „Dacia“ високо на врвот…
-
Lifestyle6 часа
12 карактеристики на незрели луѓе! Ако забележите дека некој се однесува вака, знајте со кого си имате работа!
-
Македонија1 ден
Викендов во акциска на СВР Охрид санкционирани 10 возачи кои возеле под дејство на алкохол
-
Здравје и убавина1 ден
Оваа намирница е една од најздравите во светот, таа го чисти организмот од отрови и масти..
-
Занимливости2 дена
Колкави плати земаат професионалните „MotoGP“ возачи, според последните информации за 2022-ра година
-
Мобилни уреди1 ден
Новото чудовиште од Samsung, серијата Galaxy S23 ќе го добие првиот модел на издржливо стакло „Gorilla Glass Victus“