“Ако некој побара соба за себе во “Lastel”, му објаснуваме дека подобро е да не биде во состојба за да го примиме” кажува сопственикот на необичниот хотел.
Зградата со цветни прозорци во Јокохама, предградие на Токио е најнеобичниот хотел во светот. Имено, во него ги примаат само оние кои ја испуштиле душата!
Хотелот Lastel располага со 18 ладилници за тело, а цената за еден ден изнесува 157 долари (12.000 јени).
Пријателите и роднините кои сакаат да му дадат последен поздрав на починатиот, можат да дојдат и тоа да го направат во Lastel.
Во Јокохама за кремирање се чека по четири дена, па затоа хотелите како Lastel се многу барани.
“Во спротивно, луѓето ќе мораат да ги чуваат телата на починатите дома, каде што нема доволно простор ни услови” кажува Терамура сопственикот на хотелот.
Во Јапонија стапката на смртност е многу висока, минатата година починале 1,2 милиони луѓе, а годишната стапка на смртност изнесува 0,95%, додека во САД изнесува 0,84%.
Во просек секоја година умираат 23.000 луѓе повеќе од претходната, а спрема проценките во 2040 година ќе починат 1,66 милиони луѓе.
Поради тоа и погребната индустрија е во пораст. Годишно за погребални услуги во Јапонија се троши околу 21 милијарда долари, односно двојно повеќе отколку Американците годишно што трошат за погреби.
