Занимливости
Дневен Хороскоп (7.5) Понеделник

ОВЕН
Денес ќе морате брзо да реагирате и да донесете одлука која нема да биде едноставна. Досега се двоумевте што да правите и тоа ви одземаше многу време. Амбицијата повторно ви се враќа и ќе имате желба да покажете колку сте способни. Внимавајте да не се прецените и да пропуштите вистинска шанса. Со партнерот се разидувате во мислењата и можна е расправија. Овој пат нема да ви преостане ништо друго освен да попуштите.
БИК
Имате желба за напредување, но ќе морате да вложите дополнителен напор за да не остане само желба. Денес е можен мал прилив кој ќе ве изненади. Сумата нема да биде доволна награда за вложениот труд и ќе морате да размислите во кој правец да тргнете за да ги задоволите своите финансиски потреби.
Доколку сте сами, можен е нов почеток со личност која ја познавате преку работа или преку пријатели. Личноста е многу забавна и во нејзино друштво ќе се чувствувате пријатно и опуштено.
БЛИЗНАЦИ
Бидете внимателни и избирајте зборови кога влегувате во дијалог со колегите. Не сте подготвени да ги сослушате критиките на соработниците. Нивните ставови ве иритираат, особено ставовите на оние што се помлади од вас. Ќе морате да сфатите дека не сте секогаш во право.
Доколку денес сретнете некој кој штотуку излегол од долга и компликувана врска, обидете се да го заобиколите и да не се вовлекувате во таа приказна. Воопшто не сте свесни дека можете да бидете емотивно повредени.
РАК
Од една страна сакате да се докажете, но од друга страна имате потреба да застанете и да размислите како да ги спроведете плановите во дело. И покрај бројните можности што ви се нудат, нешто ве кочи во нивната реализација.
Можеби се работи за недостаток на валидни информации кои ќе ви помогнат во работата. Партнерот има потреба за слобода и се однесува како да се буди од некој сон. Не бидете сомничави и не размислувајте многу, едноставно прифатете го.
ЛАВ
На работното место се чувствувате заробени и имате потреба да се ослободите од притисоците. Можно е да добиете шанса за напредување, но тоа би ви одземало многу од слободното време.
Во моментов единствено што ве интересира е да си го најдете мирот и никој да не ви кажува како треба да се однесувате. Емоциите ви се стабилизираат и имате потреба од забава. Доколку сте сами, денес е можно познанство со една сериозна личност.
ДЕВИЦА
Попустливоста заврши и опкружувањето ќе може да почувствува дека станувате неумоливи. Единствено што ви пречи во моментов е недостатокот на концентрација. Подготвени сте за нови почетоци, но се уште не знаете кое решение е најдобро за вас.
Потребен ви е некој на кој ќе можете да се потпрете и можеби токму поради тоа ќе се обидете да обновите една стара врска. Бидете претпазливи и не очекувајте премногу. Може да бидете разочарани.
ВАГА
Чувствувате дека ќе морате да застанете и да одморите за да соберете енергија да се извлечете од бездната во која паѓате. Денес бидете внимателни доколку треба да потпишувате некој документ.
Ако имате некои работи во врска со суд или со адвокати, најдобро е да ги одложите. Не играјте си со чувствата на партнерот. Работите за кратко време ќе се сменат и може да осетите како изгледа да бидете отфрлени. Доколку сте сами, денес преку социјалните мрежи ќе имате разговор кој многу ќе ве заинтересира.
СКОРПИЈА
Денес преку пријатели ќе добиете шанса за нови почетоци. Можеби ќе треба да вложите малку повеќе труд, но вие имате потреба да се докажете и тоа нема да ви пречи.
Партнерот се труди да направи атмосфера во домот, но вие како да не го забележувате тоа. Обземени сте со себе и со своите потреби. Ако сте сами, денес на едно дружење ќе сретнете еден стар пријател. Можно е пријателството да се претвори во емотивна врска.
СТРЕЛЕЦ
На моменти ви е тешко, но не смеете да дозволите нешто да ве обесхрабри. Разговорот со една помлада личност ќе ви даде некоја нова надеж. Она што сега ќе почнете да го создавате ќе има големо влијание врз вашата иднина и затоа не смеете да запрете.
Партнерот се однесува ирационално и во овој момент воопшто не ви е од помош. Тој се однесува како да не е присутен и тоа многу ве иритира. Доколку сте сами, можен е нов почеток со личност која ја познавате преку работа или преку пријатели.
ЈАРЕЦ
Вие точно знаете што треба да правите и затоа придржувајте се кон тоа. Обидете се да го контролирате внатрешното незадоволство и не дозволувајте да се забележи. Вашите непријатели го демнат секој ваш чекор и многу ќе бидат среќни кога ќе забележат дека ви го нарушиле мирот.
Доколку сте сами, постои можност да заинтересирате една личност родена во воздушен знак. Не сфаќајте ги работите премногу сериозно. Прифатете го дружењето и дозволете си да ви се случи нешто убаво.
ВОДОЛИЈА
Бидете внимателни и не ги доверувајте вашите планови на луѓе во кои немате потполна доверба. Доколку зборувате повеќе од што е потребно, може да се случи идејата што ја имате да ја спроведе некој друг.
Партнерот се обидува да соработува, но вие не сте подготвени за тоа. Имате свои идеи кои ве водат и немате намера да ги делите со никого. Ако сте сами, имате многу прилики за флертување со спротивниот пол, но една случајна средба ќе ве измести од комфорната зона и ќе ве натера да размислувате на поинаков начин.
РИБИ
Вредни сте и многу креативни и време е тоа да се забележи. Денес ќе добиете шанса за соработка која одамна ја очекувате. Бидете трпеливи и не се вознемирувајте ако не биде онака како што сте замислиле.
Времето ќе покаже дека мала измена во планот ќе биде подобра за вас. Премногу ги идеализирате потенцијалните партнери и непотребно се оптоварувате со секоја личност што ќе покаже интересирање за вас. Опуштете се и дозволете некои работи да ви се случат без да ги планирате.
Занимливости
Дали сте знаеле дека на жените им е потребен повеќе сон од мажите, еве и зошто..

Американски научници открија дека на жените им е потребен сон повеќе од мажите. Студијата покажа дека на жените им треба повеќе сон за да функционираат нормално во текот на денот. Оваа вест мажите би можеле да ја дочекаат како доказ за некаков вид на нивна супериорност.
Причината како што наведуваат за ваквата состојба е што на женскиот мозок му треба повеќе време да се опорави – затоа што во текот на денот извршува посложени задачи од машкиот мозок.
Тим од универзитетот „Дјук“ открива дека жените на кои хронично им недостасува квалитетен сон, честопати страдаат од депресија и вознемиреност. За разлика од нив, на мажите на кои им е скратен сонот не ги покажуваат овие симптоми.
/denar
Занимливости
Netflix ја прекинува услугата за испорака на ДВД до дома

Netflix ни е познат како стриминг видео услуга, но малкумина знаат дека првично започна како услуга за изнајмување видео ДВД на корисници, преку поштенската услуга. Интересно е што оваа услуга постои до денес. Сепак, компанијата најави дека оваа услуга (конечно) ќе биде прекината на 29 септември, повеќе од 26 години од основањето на компанијата. Корисниците ќе можат да ги вратат изнајмените ДВД-а до 27 октомври.
Во официјалното соопштение што го објави Netflix по тој повод, се наведува дека компанијата отсекогаш сакала на своите претплатници да им ја обезбеди најдобрата услуга. Но, како што се намалува пазарот на ДВД, станува се потешко да се обезбедат наслови на видео и логистика, поради што, за жал, беше одлучено да се прекине оваа услуга.
Netflix е основан во 1997 година како услуга за плаќање по изнајмување, која ја искористи предноста на тогашниот нов и, во споредба со VHS, супериорен медиум за репродукција на видео содржини. Во текот на 1999 година, компанијата се преориентира на модел на претплата, кој се користи и денес. Тој модел им овозможува на корисниците да го дефинираат редоследот по кој се испраќаат дисковите кога ќе станат достапни. Веќе во тоа време беа достапни неколку модели на претплата, што овозможи да се изнајмат неколку филмови во истиот временски период.
Стриминг верзијата на Netflix беше лансирана во 2007 година, како додаток на поштенскиот метод за изнајмување филмови. Малку подоцна, на крајот на првата деценија на овој век, стриминг имаше повеќе претплатници отколку корисници кои добиваа ДВД-а по пошта, а на крајот на 2010 година компанијата понуди посебна услуга за стриминг, целосно независна од претходниот бизнис модел.
Интересно е што овој потег на почетокот беше слабо примен, пред се поради повисоката цена на претплатата на услугата за стриминг. Сепак, со текот на времето, стримингот го презеде и бројот на корисници продолжи да расте до 2022 година, кога Netflix доживеа пад на претплатниците за прв пат во два последователни квартали. Ова резултираше со побрзо откажување на многу серии и најавени филмови. За да ги намали последиците, компанијата презеде различни мерки, а една од нив е најавата за поскапа претплата за корисниците кои ги споделуваат своите лозинки.
Кога станува збор за изнајмување ДВД, единствената голема промена со која се обиде Netflix беше ребрендирањето на услугата во 2011 година. Qwikster требаше да биде самостојна верзија на Netflix и беше планирано да се дозволи изнајмување на видео игри (исто така на ДВД) покрај филмовите. Сепак, по само неколку недели, оваа идеја беше напуштена.
Инаку, Netflix ја даде и информацијата дека од своето основање до претплатниците испратил повеќе од пет милијарди ДВД-а. Претплатниците ќе можат да ја преземат својата историја на изнајмување во PDF формат до 27 октомври, по што тие податоци ќе бидат избришани, заедно со сите лични податоци на корисникот.
Извор: ArsTechnica
Занимливости
Едноставна навика која спречува непријатен здив на утро

Непријатниот утрински здив е многу честа појава, а неговите предизвикувачи се бројни. Причина може да биде лошата исхрана, проблеми со желудникот, расипан заб и сл. Но, тоа може да биде и хронично воспаление на синусите, воспаление на слузокожата кое предизвикува зголемена секреција на слуз во носот.
Слузта преку ноќта се спушта низ грлото и таму се таложи, бидејќи во ноќта не кашламе и не го отстрануваме тој талог на било кој начин, тој почнува да се разградува, што предизвикува непријатен мирис.
Гастроезофагеалниот рефлукс, или враќањето на киселините и храната од желудникот во хранопроводот исто така можат да предизвика непијатен утрински здив.
Доколку спаѓате во групата на лица кои јадат доцна, а имате ослабен желудечен свинктер, содржината од желудникот во текот на ноќта ќе се префрли во хранопроводот, а неговиот непријатен мирис ќе се почувствува и надвор.
Од таа причина, најдобро би било да не јадете најмалку 3 часа пред спиење, секој ден без исклучоци, советува, д-р Ерих Војт.
/денар.мк
-
Хороскоп1 ден
Хороскоп за сабота (27 мај)
-
Кичево1 ден
Во Кичево стартува „Мобилна амбуланта“ со гинеколози кои ќе вршат бесплатни гинеколошки прегледи кај жените, ова се сите информации..
-
Временска прогноза2 дена
Какво време нè очекува денес и периодот пред нас?
-
Временска прогноза7 часа
Временска прогноза за следните 10 дена, за стабилно време ќе почекаме..
-
Lifestyle2 дена
Која крвна група најмногу ја сакаат комарците?
-
Хороскоп2 часа
Хороскоп за недела (28 мај)
-
Магазин2 дена
Телефонот што многумина го чекаат би можел да пристигне порано – еве зошто
-
Спорт7 часа
ФК „Вардар Неготино“ утре на градски во Кичево спрема навивачка инвазија