Дома Случувања Македонија Презентација на студија за заштита на деца од насилство

Презентација на студија за заштита на деца од насилство

52 прегледи

Студија за проценка на институционалните механизми за превенција, идентификување, пријавување, упатување и заштита на деца од насилство ќе биде промовирана денеска во Скопје.

Целта на студијата е подобро да се разбере обемот на проблемот со насилство врз децата, да се утврдат системските пропусти на ниво на создавање политики и програми и нивно спроведување и да се дадат препораки кои ќе помогнат за долгорочно планирање за превенција и заштита на децата од насилство.

На промоцијата, како што е најавено, воведни обраќања треба да имаат министерката за труд и социјална политика Мила Царовска, министерот за здравство Венко Филипче, министерката за образование и наука Рената Дескоска, министерот за внатрешни работи Оливер Спасовски, раководителот на секторот за соработка при Делегацијата на Европската унија Никола Бертолини и претставникот на УНИЦЕФ Бенџамин Перкс.

Студијата ја спроведе Националната мрежа против насилство врз жените и семејно насилство, во партнерство со Канцеларијата на УНИЦЕФ ја спроведе студијата за идентификување и проценка на институционалните механизми за превенција, идентификување, пријавување, упатување и заштита во случаи на насилство врз деца.

Спроведувањето на студијата беше финансиски поддржано од Европската Унија, а кофинансирано од УНИЦЕФ, во рамките на регионалниот проект за заштита на децата од насилство и инклузија на децата со попреченост. (МИА)

Close