Следете не

Култура

Славни филмски јунаци: 5 филма за животни кои мора да ги погледнете (ВИДЕО)

Објавено пред

на

И животните можат да станат славни, особено во денешно време. Постојат многу познати животни кои се прославија со помош на социјалните мрежи. Сепак, пред интернет да стане тоа што е денес, животните славата ја добиваа поради филмовите.

Филмските јунаци најчесто се кучиња, мајмуни, коњи, глувци, делфини, волци, китови и тигри. Сепак ова се петте филмови за животни кои едноставно мора да ги погледнете.

1.Бејб

Ова е филм за прасе кое многу сака да стане куче чувар, а го „глумеа“ дури 48 прасиња зашто многу бргу ја прераснуваа својата улога. Шминкерите им правеа фризури и образи за да бидат што е можно послични. Во филмот учествувале дури 56 тренери на животни, а работеле со повеќе од 1000 животни. Оваа топла приказна е совршена за цело семејство.

2.Леси се враќа дома

Леси е најпознатото куче во светот на филмот. Играниот филм кој е снимен во 1943. година е направен според истоимената книга на британската писателка Ерика Најта. Главниот јунак, кучето шкотски овчар по името Лесо е продадена на богати аристократи поради тоа што нејзините сопственици се симорашни. Таа сепак сака да се врати на поранешниот сопственик и најдобрата пријателка поради што оди на долго и опасно патување.

3.Стјуарт Литл

Стјуарт е глувче со големо срце кое е вдомено во семејството Литл. Стјуарт тргнува на авантура со различни ликови, вклучувајќи и непријателот, домашна мачка, но и неговиот најдобар пријател, малото дете во семејството.

4.Бетовен

Главниот јунак на овој филм е бернандинец. Бетовен случајно испаѓа од камион на крадци кои заедно со неколку кученца го крадат од продавница за миленици. Потоа тој се прикрадува во куќата на семејството Њутон, чии деца сакаат миленик, но таткото тоа не им го дозволува. Тој одлучува да попушти под притисокот и Бетовен наскоро им го превртува животот на целото семејство.

5.Мојот пријател Вили

Вили е кит орка затворен во мал базен во еден севернопацифички забавен парик. Тој ноќе пушта тажни крици и ги упатува кон своето семејство кое весело игра во блискиот залив. Тоа неговото семејство не може да го сфати, единствено детето Џеси кој во паркот одработува казна, ја забележува неговата тага и плачење. Ова е филм и за постари и за помлади зашто во него може да се научат многу лекции за пријателството, семејството и слободата.

Култура

Денеска е Крстовден, од народните верувања се вели дека денот и ноќта се крстосуваат, а температурата почнува да се намалува

Објавено пред

на

Во народните верувања, на денот кој се нарекува Крстовден, се смета дека сите молитви ќе се остварат.

На Крстовден се прави аџилак пред Светиот крст. По страдањата и распнувањето на Спасителот крстот станува жртвен знак на спасението и откуп на гревот. Крстот отелотворува жртвенa љубов, победата над злото, припадноста кон христијанството.

Според народните верувања од Крстовден почнува есента. Се вели дека денот и ноќта се крстосуваат, а температурата почнува да се намалува.

Од Крстовден почнува гроздоберот, а првото откинато грозје мора да се однесе во црквата, за да се освети. Почнува и сеидбата на зимските житни култури.

На Крстовден највозрасните жени во домот е потребно да испечат специјален обреден леб, украсен со голем крст на средината. Лебот се раздава, кога целото семејство е на масата и се вели Крстец крст да боли мене, крст да не боли. Се смета дека со овие зборови луѓето се штитат од болки во грбот за време на работа.

На Крстовден се почитува и строг пост – не треба да се јаде ништо црвено како пиперки, домати, ’родокви, црвени јаболка и друго. На трпезата освен обреден леб задолжително треба да присуствува печена тиква и грозје. Во народните верувања се вели дека сите молитви ќе бидат слушнати на овој ден.

Се проценува дека во ноќта спроти Крстовден, Господ слегува на земјата и ја исполнува секоја посакана желба. Ова верување има најголема сила во Крстови Гора.

Прочитај повеќе...

Култура

Крстовден единствениот празник што започнал да се прославува истовремено со случувањата на самиот настан

Објавено пред

на

Крстовден, или Воздвижението на Чесниот Крст, како празник се јавува со самото пронаоѓање на Светиот и Животворен Христов Крст, којшто бил пронајден од страна на светата царица Елена, мајката на светиот цар Константин Велики. Тој можеби е и единствениот празник што започнал да се прославува истовремено со случувањата на самиот настан на којшто е посветен овој празник.

Се знае дека, откако се случиле оние најголеми настани во историјата на човештвото – Распнувањето, Погребението, Воскресението и Вознесението Христово, се изгубил Крстот на кој беше распнат Спасителот на светот. За тоа најголемо влијание имало уништувањето на Ерусалим од страна на римската војска во 70 година по Христа, а на некои од местата на Христовиот живот биле изградени пагански храмови.

Историската и црковна литература содржи три различни верзии за настанот поврзан со наоѓањето на Крстот Господов. Така Руфин, еден од црковните историчари, го сведочи следново: „Елена, мајката на Константин, жена со беспрекорна вера и религиозна душа, неспоредлива по благородништвото, чиј син навистина беше Константин, поттикната, како што велат, од Божественото видение, отишла во Ерусалим и таму, кај локалните жители, разбрала за она место каде што на Крстот било распнато светото Христово тело. Меѓутоа, потрагата била отежната поради тоа што во времето гонителите на местото ја подигнале статуата на Венера, така што ако некој од христијаните сакал да му се помоли на Христа на тоа место, да изгледа дека ѝ се моли на Венера. И поради тоа, таму веќе посетеноста била ретка и речиси било заборавено. Но, кога (како што рековме погоре) религиозната жена побрзала кон местото, означено со небесен знак, отстранувајќи од него сè нечисто и злобно, во длабочините под ѓубрето нашла нечисти три крста кои лежеле на тоа место. Сепак, радоста од наоѓањето на наодите, ја нарушила надворешната еднаквост на крстовите. Иако таму била пронајдена и табличката, на која Пилат напишал натпис на грчки, латински и еврејски јазик, сепак немало јасно укажување за Господовиот Крст. Затоа, на човечката несигурност ѝ требаше Божјо сведоштво. Се случило во градот, недалеку од ова место, да има една благородна жена, изморена од тешка болест и веќе на умирање. Епископ во тоа време на црквата, во тој град, бил Макариј. Кога ја виде кралицата како неодлучно стои, како и сите присутни, рече: Донесете ги овде сите крстови што се најдоа, а оној што го носеше Господ, ќе ни го открие Бог. И влегувајќи заедно со царицата, како и со луѓето [во куќата], кај скоро умрената, клекнал и Му принел молитва на Бога“. Кога зборува за сето ова Руфин, ја пишува молитвата и продолжува со следново кажување: „И кога го кажа ова [молитвата], најпрво го приложи првиот крст од нив, но ништо не постигна. Го приложи вториот, па исто така ништо не се случи. Кога го постави третиот [крст], жената наеднаш отворајќи ги очите се крена, и кога ѝ се врати нејзината телесна сила, стана посвежа отколку кога лежела болна. И сите во куќата се згужваа и почнаа да ја фалат Божјата семоќност. Така, откако доби очигледни докази, царицата, според дадениот завет, со царска ревност изградила неверојатен храм на тоа место каде што го нашла Крстот.“

Тоа е целосниот текст во историјата на Руфин Аквилејски, а останатите две верзии се слични, од кои едната вели дека пронаоѓањето се случило околу 100 години порано и се вели дека Крстот го пронашла Протоника, сопругата на императорот Клавдиј II (269-270), а потоа е скриен и повторно откриен во IV век. Третата верзија е од Сиријски текстови, слично како и втората и се кажува како светата царица Елена се обидела да ја дознае локацијата на Светиот Крст од Ерусалимските Јудејци и на крајот, еден постар Евреин по име Јуда, кој на почетокот не сакал да зборува, откако бил измачен го посочил местото, поточно храмот на Венера. Откако царицата наредила уништување на храмот и ископувања биле пронајдени три крста. Бидејќи не знаеле како да го препознаат Крстот Христов, тогаш поминала поворка со мртовец и преку допирање на еден од крстовите врз мртовецот се случило чудо и мртвиот воскреснал. Токму овај текст подоцна е внесен во преданието за Крстовден.

Токму поради ова Црквата го празнува почитувањето на Крстот Христов како орудие за победа над смртта, пеколот, сатаната и злите сили, па поради тоа Крстот е знак на Божјата љубов кон нас и кон целиот свет. Тој стана симбол и за нашата вера и за силата Божја. Нека Бог нѐ заштити со силата и дејството на Светиот крст и ни даде сила за победа на искушенијата низ целиот наш живот, па да Го прославиме Отецот, Синот и Светиот Дух, постојано, сега, секогаш и во вечни векови. Амин!

Честито и благословена слава на тие кои слават, вековити имињата на тие кои ги носат и за многу години!

Нашата кичевска Црква Св.Апостоли Петар и Павле за претстојниот празник ја истакна следната агенда на активности

14/27.09.2022 година (вторник)
ВОЗДВИЖЕНИЕ НА СВЕТИОТ И ЖИВОТВОРЕН КРСТ (Крстовден)

26.09.2022 година (понеделник)
Вечерна Богослужба – 18⁰⁰ часот.

27.09.2022 година (вторник)
Утрена Богослужба – 07³⁰ часот;
Света Божествена Литургија – 08³⁰ часот.

Прочитај повеќе...

Култура

(ФОТО) IQ UP! – Кичево официјално започна со работа, дечињата со нетрпение го очекуваат следниот час преку првата македонска едукативна франшиза

Објавено пред

на

IQ UP! (www.iqup.mk) е прва македонска едукативна франшиза за деца од 5 до 12 години. Компанијата IQ UP! е дел од групацијата на веќе докажаниот едукативен бренд за деца „Светот на Биби“. Првата македонска едукативна франшиза е создадена со многу љубов, посветеност и долгогодишна работа, во чиј развој беше вклучен голем тим од домашни и странски експерти од областа на едукацијата, педагогијата и методологијата.

Се работи за нов иновативен образовен концепт, во кој се употребуваат современи пристапи, техники и методи за воведување на децата во магичниот свет на науката, технологијата, математиката, инженерството и уметноста.

Целта на овој вид едукација е стекнување на функционално знаење и умствени вештини за целосен интелектуален развој на учениците.

Со IQ Up! ги воведуваме децата во магичниот свет на науката и технологијата. IQ UP! програмите ги опфаќаат сите области од #СТЕАМ едукацијата (наука, технологија, инженерство, уметност и математика).

СТЕАМ-едукацијата претставува иновативен мултидисциплинарен пристап на едукација на децата, многу актуелен и застапен во модерните образовни системи, истата ги опфаќа изучување на природните науки, технологијата, инженерството, уметноста и математиката, преку мултидисциплинарен систем, каде што секоја тема што се изучува и обработува од аспект на сите горенаведени науки, излегувајќи од рамките на училишните предмети во традиционалното образование.

И уште по интересно е што СТЕАМ едукација е искомбинирана со литература и програмирање за деца.

Како што објавивме претходно, IQ UP! е веќе достапно и во Кичево, официјално првите групи ги започнаа демо часовите на 21.09.2022 (среда) и оддблиску се запознаа со програмата и методот на работа, што значи уписите се сеуште во тек ☎️ 071/777-939

Од наредната седмица исто така започнува програмата за повозрасни дечиња од 9 до 13 години!

На кратко од нас: IQ Up! дефинитивно му требаше на нашиот град, бидејќи претставува иновативна едукација во модерен стил, а тоа децата го препознаваат, бевме гости и таа радост и среќа се чувствува. Нивната насмевка и топлина укажува нетрпение до следно гледање на идните часови што е за вистинска почит.

Упатуваме честитки до одговорните од IQ Up! – Кичево за прекрасната атмосфера и само успеси понатаму!

За повеќе информации заследете ја нивната официјална страница IQ Up! – Кичево ТУКА

Фотогалерија:

Прочитај повеќе...

Facebook

Последни објави

Спорт3 часа

Судиска анализа за натпреварите од првата македонска фудбалска лига, потврдени неправилности кон Брегалница, Шкендија и Воска

Судиска комисија ги разгледа спорните моменти и ги донесе следните заклучоци за 9-то коло од ПРВА МФЛ за сезона 2022/23:...

Магазин5 часа

Зошто графичкиот дизајн е идеална професија за креативци?

Во светот на современите технологии, се чини дека сите идеални занимања се резервирани за програмерите Меѓутоа, работите се малку поинакви:...

Свет5 часа

Истражување: Градовите стануваат се пожешки

Во последните 10 години градовите во просек стануваат потопли за 0,56 степени Целзиусови во текот на денот и 0,43 во...

Lifestyle5 часа

Во ноември доаѓа нова експанзија за World of Warcraft

Пред неколку месеци дознавме дека следната WoW експанзија ќе биде објавена во ноември, а сега го знаеме точниот датум. Blizzard...

Автомобили5 часа

Tesla произведе 365.923 електрични возила во третиот квартал

Компанијата постојано го зголемува производствениот капацитет По проблемите поради пандемијата во вториот квартал, Tesla повторно го зголеми производствениот капацитет. Ова...

Магазин5 часа

USB повторно ги менува етикетите

Досега ги раздвојувавме USB-стандардите по бројки: USB 2, USB 3, USB 4 и слично, но во одреден момент беше воведено...

Магазин5 часа

Twitter ги модернизира директните пораки на Android

Социјалната мрежа ги редизајнираше директните пораки на Android за да ја подобри нивната реакција и другите функции. Twitter започна да...

На денешен ден9 часа

3 октомври – На денешен ден

1226.- Починал италијанскиот монах Џовани Бернардоне, познат како Франческо д’Асизи, основач на Римокатоличкиот францискански ред. 1796.- Предводени од епископот Петар...

Хороскоп17 часа

Хороскоп за понеделник -( 3 октомври )-

ОВЕН Ќе имате многу среќа на деловно поле. Ве очекува можност да остварите позитивни промени. Можно е да имате ново...

Спорт21 час

Тиквеш славеше против Скопје, Победа изгуби на домашен терен од Шкендија

Шкендија успеа да ја совлада Победа во Прилеп со 1-3 и барем малку ја намали негативата во однос на лидерот...

НАЈЧИТАНИ