Топло-ладно (лава колач)

46 прегледи

Ако сте голем љубител на десерти тогаш токму овој колач е вистинскиот избор за вас. Навистина лесен за приготвување а резултатот е неверојатно вкусен. Рецептот потекнува од Франција и е сосема случаен, кога познатиот кувар Жак Торес додека печел пандишпан за торта, случајно го извадил пред време и приметил дека внатрешноста на пандишпанот била во течна форма. Благодарение на неговата грешка ние денеска можеме да уживаме во овој прекрасен десерт.

Доза

6 колачиња

Потребно време

30 минути

Состојки

  • 200 гр. путер
  • 200 гр. чоколадо за готвење
  • 100 гр. шеќер
  • 3 јајца
  • 1 ванила
  • 125 гр. бело брашно

Начин на приготвување

Вклучете ја рерната на 220 целзиусови степени да се загрее. Чоколадото, путерот, шеќерот и ванилата се топат на пареа. Смесата одкако ке се стопи се трга од шпоретот и се остава една минута да се излади. Потоа се додаваат јајцата, едно по едно и се матат со рачен миксер. На крај се додава брашното и убаво се меша да се изедначи целата смеса. Може да користите керамички модли или пак од фолија. Истите треба да бидат премачкани со путер или маргарин за да не се залепат. Наполнетите модли ги ставате во загреаната рерна и печете ги од 8 до 10 минути. Одкако ке ги испечете оставете да се оладат неколку минути и префлете ги во чинија. Пред да ги сервирате може да ставите по една топка сладолед по ваш избор.
Предност на овие колачиња е тоа што можете да ги смрзнете и во секое време да имате нешто вкусно со кое може да ги изненадите вашите гости.

Пријатен десерт.