Македонија
Внимавајте на здравјето: Изминатата недела регистрирани околу 2000 заболени од грип

Исто како и во претходните недели, во десеттата недела најголем број заболени – 1.209 се пријавени во најголемата возрасна група од 15-64 години, а највисока инциденца од 137,8 на 100.000 жители се регистрира кај школските деца на возраст од 5-14 години.
Во текот на изминатата недела (од 5 до 11 март), во Република Македонија се регистрирани 1.980 заболени од грип, што е намалување за 32 отсто споредено со неделата пред неа кога беа регистрирани 2.781 заболен, се наведува во извештајот што на својата веб страница го објави Институтот за јавно здравје.
Во однос на десеттата недела од минатата сезона која се карактеризираше со ран почеток и пик на активноста, оваа сезона бројот на заболени е зголемен за 13 пати. Регистрираната инциденца oваа недела е во рамки на неделната граница на ниска (сезонска) активност на вирусот на грип.
Исто како и во претходните недели, во десеттата недела најголем број заболени – 1.209 се пријавени во најголемата возрасна група од 15-64 години, а највисока инциденца од 137,8 на 100.000 жители се регистрира кај школските деца на возраст од 5-14 години.
Оваа недела најголем број заболени лица – 355 се пријавени од подрачјето на Центарот за јавно здравје Скопје, а највисока инциденца 550,9 на 100.000 жители е регистрирана на подрачјето на Подрачната единица Свети Николе.
Oд вкупно 31 извештајна единица во земјата, во две (ПЕ Свети Николе и ПЕ Кавадарци) се регистрира многу висока активност на вирусот. Во останатите центри за јавно здравје/подрачни единици се регистрира од многу ниско до средно ниво на активност на вирусот на грип, додека во три подрачни единици не се регистрирани заболени лица.
Досега во сезоната 2017/2018 вкупно се пријавени 21.100 случаи. Регистрираниот број случаи е помал за 39 отсто споредено со истиот период од минатата сезона (34.625).
Досега, најголем број заболени лица – 2.741 се регистрирани во ЦЈЗ Скопје, а поголем број е пријавен и во ПЕ Гостивар (2.169) и ЦЈЗ Струмица (1.914). Највисока инциденцата од 3.288,1 на 100.000 жители е регистрирана на подрачјето на ПЕ Кавадарци.
Во однос на дистрибуцијата на заболените по возрасни групи, кумулативно најголем број на заболени се пријавени во возрасната група од 15-64 години – 12.767 случаи (60,5 отсто), а највисока кумулативна инциденца од 1.888,1 на 100.000 се регистрира кај децата на возраст од 5-14 години.
Анализата на бројот на заболени од сезонски грип по месеци, укажува на постепен пораст на заболените во јануари (2.396 заболени или 11,4 отсто) и достигнување врв во февруари (12.951 или 61,4 отсто). Во март за две недели, регистрирани се 4.671 заболени или 22,1 отсто.
Се нотира заедничка циркулација на Influenza А и Influenza B вирусот во Републиката, со доминација на B вирусите. (МИА)
Македонија
Приведен криумчар на мигранти кај Неготино

Денеска (02.06.2023) во 12.30 часот кај клучка Демир Капија од страна на патролна служба од Полициската станица за граничен надзор Михајлово на даден знак за запирање на патничко возило „алфа ромео“, со скопски регистарски таблички, возилото не сопрело туку продолжило да се движи во правец на Неготино.
По преземени активности во 12.50 часот кај клучка Неготино, од страна на друга патролна служба на Полициска станица Михајлово возилото е сопрено и во него се пронајдени 2 лица мигранти од Сирија.
А.Н. од Скопје, кој го управувал возилото, е лишен од слобода, за случајот е известен Јавен обвинител и по негово целосно документирање ќе биде поднесен соодветен поднесок, а лицата мигранти ќе бидат пренесени во прифатно-транзитен центар, известуваат од МВР.
Македонија
Дно! Во Охрид со „поло“ удриле велосипедист и избегале

На 01.06.2023 во 07.45 часот на ул.„Питу Гули“ во Охрид, патничко возило „поло“ со прилепски регистарски ознаки удрило во малолетен велосипедист од Охрид, по што двајцата учесници го напуштиле местото.
Во несреќата, со тешки телесни повреди се здобил велосипедистот, кои му биле констатирани во Специјалната болница „Св.Еразмо“ во Охрид.
Извршен бил увид од увидна екипа од СВР Охрид и се преземаат мерки за расчистување на случајот, известуваат од МВР
Македонија
До 3 јуни по осум часа затворен сообраќај на регионален пат 1102, делница Велес-Градско поради изведување градежни активности

Од вчера 30.5.2023 до 03.6.2023 на регионалниот пат 1102, делница Велес – Градско, во периодот од 08:00 до 16:00 часот ќе се изведуваат градежни активности, односно асфалтирање.
Поради тоа во тој период патниот правец ќе биде целосно затворен за сообраќај, известуваат од АМСМ
-
Временска прогноза2 дена
Попоски повторно со вонредни метео вести за времето, се очекува дожд и грмежи – Ова се последните информации…
-
Кичево2 дена
(ФОТО) „ART Caffe“ – Кичево повеќе од 10 години ваш верен пријател со најубаво кафе и одличен амбиент
-
Хороскоп2 дена
Хороскоп за четврток (8 јуни)
-
Хороскоп15 часа
Хороскоп за петок (9 јуни)
-
Подкаст2 дена
(ВИДЕО) Игорче во „Какаротски муабети“ – „Што ако сум со Даунов синдром, вистина ја зборувам чесно со срце и душа“
-
Мобилни уреди8 часа
Новиот iOS 17 дополнително им го отежнува допишувањето на корисниците на Android
-
Мобилни уреди1 ден
Samsung Galaxy S23 Ultra во САД е сепак најскапиот паметен телефон
-
Спорт8 часа
„Сер Боби“ уште еднаш ги пофали своите момчиња, каде овој пат покажаа професионален пристап и голем ентузијазам