Делумното затемнување на Месечината, кое се очекува во петок, на 19 ноември, ќе трае три часа и 28 минути и ќе биде најдолго во 21 век, пишува CBS News.

Претходното најдолго затемнување се случи во 2018 година и траеше еден час, 42 минути и 57 секунди, пишува CBS.

Делумно затемнување на Месечината се случува кога Земјината сенка не ја покрива целосно Месечината. Во овој случај, 97 отсто од површината на Месечината ќе биде покриена.

Во 21 век, меѓу 2001 и 2100 година, ќе има 228 затемнувања на Месечината – во некои години ќе има две, а во некои години три или дури четири, пишува CBS.

Затемнувањето на 19 ноември ќе биде второ оваа година, по целосното затемнување во мај 2021 година. Повеќето затемнувања траат помалку од два часа.

НАСА објави дека во живо ќе го пренесува затемнувањето на Месечината. На овој линк можете да го следите затемнувањето кое се случува во петок во седум часот наутро по средноевропско време.

НАСА објави дека доколку временските услови го дозволат тоа, затемнувањето ќе биде видливо од Северна и Јужна Америка, Источна Азија, Австралија и Пацификот.

Атмосферата на Месечината не содржи доволно кислород за човечки живот, но сепак под нејзиниот карпест слој има доволно кислород за да обезбеди живот за осум милијарди луѓе.

Истакнати научници предводени од Џон Грант тврдат дека Месечината содржи многу минерали кои се тесно поврзани со кислородот и дека под површинскиот карпест слој наречен реголит, би можело да има доволно кислород за осум милијарди луѓе да преживеат во период од 100.000 години.

Научните пресметки се базираат на фактот дека на човек му требаат 800 грама кислород дневно за да преживее, а реголитот е длабок околу 10 метри. Месечевиот реголит е составен од 45% кислород, кој е цврсто врзан за минерали како што се силициум, алуминиум, како и железен оксид и магнезиум.

За да може кислородот да биде достапен, потребен е едноставен процес на екстракција. Тој систем троши многу енергија, а за да биде одржлив би морал да има поддршка од соларна енергија или други извори на енергија достапни на Месечината. Австралиската вселенска агенција и НАСА во октомври потпишаа договор за испраќање ровер на Месечината со цел да се соберат месечеви камења и да се обиде да извлече кислород од него.

По тој повод, научниците разговараа и за развој на експериментален реактор со белгиска компанија со цел да се подобри процесот на создавање кислород со електролиза.

Новата технологија би можела да биде испратена на Месечината до 2025 година како дел од мисијата на Европската вселенска агенција базирана на ресурси.

/b92

Вредноста на најголемата криптовалута во светот „Биткоин“ од вечерва надмина 67.000 долари, што е нов историски максимум.

Предмалку е забележан пораст од 2,3% и изнесува 67.662 долари според првите азиски проценки. Растот е последица на неодамнешното пошироко закрепнување на криптовалутите, што ја зголеми вкупната пазарна вредност на дигиталните валути на над 3 трилиони долари.

Биткоинот скокна повеќе од 100 отсто оваа година, а само во октомври порасна за повеќе од 30 отсто.