Култура
„21 издание во 21 век за ПОДОБАР ЖИВОТ“ – четиричасовно шоу „Златна бубамара“, ова се наградените..

Добро вечер љубители на добра музика, почист воздух и поубав живот. Ни ги затворија „Универзална сала“ и „Метрополис“, ни остана „Борис“. Како за прв пат тука, се потрудивме да изгледа сè величествено. Вечерва ќе ви понудиме илузија за подобар живот во четири часа“ – вака ги поздрави присутните организаторот на манифестацијата „Златна бубамара на популарноста“, Ранко Петровиќ.
По него, се појави и Кирил Поп Христов – Кили, кој не ја пропушти шансата да го изрази своето задоволство што повторно е дома
На сцената ги видовме и „Дубиоза колектив“ во друштво на Џамбо Агушев, а организаторите го наградија и списанието „Остен“ кое постои од 1945 година, и чиј основач помеѓу другите е Блаже Конески
Тијана Дапчевиќ која освои Златна бубамара за „Најдобар мултимудијален уметник” во регионот, што се доделува за прв пат. Дани Димитровска, пак, ја доби Златната бубамара за Најдобар албум на годината „Град за љубов“, а со громогласен аплауз и овации беше поздравена и Маја Оџаклиевска. Таа ја доби наградата за „Трајни вредности“, а повторната средба со публиката пробуди емоции.
Наградата пак, за „Животно дело“ им припадна на членовите од групата „Октет Македонија“, кои покажаа дека сè уште се во одлична форма.
Проблемите што ги имаме, прикажани на хумористичен начин, ги прекина Влатко Стефановски, кој на сцената се појави со Дадо Топиќ.
Влатко со себе го имаше и омотот од првиот албум на рокерот и маркер за Дадо да го потпише. Гитаристот додаде дека една од најубавите песни за Македонија е токму истоимената од Дадо.
Еве ја комплетната листа на наградени на ова издание од „Златна бубамара на популарноста“.
Албум на годината 2017 – Град за љубов, Дани
Најпопуларен плех оркестар 2017 – Агушеви
Најпопуларна балканска група – Дубиоза Колектив
Телевизиски проект на годината 2017 – Пат до успехот
70 години јубилеј Светска галерија на карикатури Остен
Награда за животно дело – Октет Македонија
Комерцијален видео спот – НЛБ Тутунска Банка
Мултимедијален уметник – Тијана Дапчевиќ
Награда за трајни музички вредности – Маја Оџаклиевска
Животно дело – Дадо Топиќ
Филм на годината 2017 – Исцелител
Актерско откритие на годината 2017 – Благој Веселинов
Актер на годината 2017 – Александар Микиќ
Најпопуларна ТВ серија 2017 – Фамилија Марковски
Актерка на годината 2017 – Нина Деан
Музички видео спот на годината 2017 – Терориста, Слаткаристика
Интернационален успех 2017 – Марко Маринковиќ Слаткар
40 години јубилеј Стоби флипс – Витаминка
Театарска претстава на годината 2017 – Вардарски пастуви
Спортски херои – Најпопуларен спортски клуб Р.К. Вардар
ТВ забавна сатирична емисија 2017 – Фчерашни новости
Трајни музички вредности – Нови фосили
Најпопуларна ТВ серија 2017 – Инсајдер
ТВ емисија на годината 2017 – Еден на еден
Концерт на годината 2017 – Меморијa
Мјузикл на годината 2017 – Мама Миа МНТ
Литература
Излезе книгата „Гласот на предците“, која претставува зборник на македонски народни преданија од Христијан Аџиоски

Секоја страница исплетува приказна со посебна македонска судбина, која како ехо нè наоѓа… и одѕвонува во нашата свест. Низ приказните во овој мал зборник, ќе ја пропатувате цела Македонија, барем накратко ќе бидете сведоци на различни настани одделени со стотици години, читајќи ги судбините на нашите предци, ќе можете за миг да се соживеете со нивното време!
Во преданијата кои ја раскажуваат Македонија, ќе сретнете непокор, јунаштво, предавства, љубов, мудрости, приказни во кои дефилираат цареви,
принцези, војсководци, бегови, паши, невести, ѓаволи, доаѓаат и светците како заштитници, а прелетува и по некој змеј.
Кратка содржина:
Како Свети Јован го спасил Бигорскиот манастир од уништување? Како од солзи можат да се создадат езера? Зошто е проколната грешната принцеза Струма?
Како Мариово добило царски ферман за навек да остане христијанско? За кого клетвата значи скаменување? Зошто мајмун не игра во Прилеп?
Зошто ѓаволот не успеал да го догради ѕидот во Овче Поле? Како копјето станува волшебно кога ќе ја чуе песната на соколот?
Дали под Плетвар има подземни пештери кои водат до Солун? Како настанал охридскиот чун? Колку долго Бела Ица го чекала царот Александар да дојде по неа?
На сите овие прашања, одговорите се кријат во овој зборник – овде се собрани само дел од приказните со кои можеме читајќи да пропатуваме низ времето на прастарата и никогаш недораскажана Македонија. Преданијата од нашите предци ги наследуваме со вековен аманет да ги раскажеме, запишеме и да им подариме вечност, а со тоа ги овековечуваме и оние кои нам ни ги раскажале.
Култура
Денеска е празник – св.Атанасиј Велики повеќе познат меѓу народот како „Танасовден“ – летен

На денешен ден се празнува преносот на неговите мошти и чудата произлезени од нив. Св. Атанасиј Велики е роден во Александрија во 296 година. Од детството наклонет кон духовниот призив. Беше ѓакон кај архиепископот Александар и го придружуваше својот архиепископ на Првиот Вселенски Собор во Никеја. На овој Собор многу се прослави со неговата ученост, благочестие и ревност за Православието. Многу придонесе за побивањето на Ариевата ерес и за утврдувањето на Православието. Го напиша Симболот на Верата кој на Соборот беше усвоен. По смртта на Александар, Св. Атанасиј беше избран за архиепископ Александриски.
Во архиепископскиот чин остана над четириесет години, иако не беше цело време на архиепископскиот престол. Речиси сиот живот беше гонет од еретиците. Од царевите најмногу го гонеа: Констанциј, Јулијан и Валент; од епископите Евсевиј Никомидиски со уште мнозина други; а од еретиците Ариј и неговите следбеници. Беше принуден да се крие од гонителите дури и во бунар, во гроб, по приватни куќи, по пустини. На двапати бегаше во Рим. Дури пред смртта едно време проживеа мирно како добар пастир сред своето стадо, коешто вистински го љубеше. Мал е бројот на светителите што се толку клеветени и толку злосторнички гонети како Св. Атанасиј. Но неговата голема душа најпосле излезе победоносна од сета таа долготрајна и страшна борба. За совет, утеха и морална потпора често одеше кај Свети Антониј, кого го почитуваше како свој духовен отец.
Човекот којшто ја формулираше најголемата вистина мораше и да пострада за таа вистина, додека Господ не го упокои во Своето Царство овој Свој верен раб, во 373 година. Едно време минал во пустина заедно со Св. Антониј Велики. По враќањето во Александрија станал архиѓакон во александриската црква. Учествувал на Првиот Вселенски собор и иако млад се истакнал со познавање на Светото писмо и со говорништвото.
Неговите дискусии имале главна заслуга за победата против Ариевската ерес и биле содржани во заклучоците од Собирот, на кој биле осудени Ариевците. Со тоа си го навлекол врз себе гневот на ариевците кои често го клеветеле кај царот. Но со својот углед и христијанскиот начин на живеење Св. Атанасиј секогаш успевал да се одбрани од овие клевети. Само една година по Никејскиот собир бил поставен за архиепископ во Александрија и тука на архиепископскиот стол останал 46 години.
По поразот на Никејскиот собир ариевците се обиделе да се вратат во црквите и често го клеветеле Св. Атанасиј кај царот поради што тој четири пати бил протеруван во прогонство и во прогонство минал цели дваесет години. Умрел на 15 мај 373 година.
Музика
Украина е победник на 66 издание на „Евровизија“, очекувано?

Вечерва во Торино се одржа големото финале на 66. Избор за песна на Евровизија. Финалето го отворија претставници на Чешка, а го затворија пејачка од Естонија. Констракта претставувајќи ја соседна Србија изведе песната „In corpore sano“ претпоследна, под реден број 24.
Во текот на вечерта видовме 25 настапи од исто толку земји, додека гласаа уште 15 земји. Тие 15 земји се оние кои не се пласираа во двете полуфиналиња на „Евровизија“, но, како што беше во претходните години, ќе можат да гласаат во финалето.
Предлозите се такви што 50 отсто од гласовите доаѓаат од стручното жири, од секоја земја поединечно, додека 50 отсто се гласовите на публиката.
Точниот редослед на финалистите на Евровизија е: Чешка, Романија, Португалија, Финска, Швајцарија, Франција, Норвешка, Ерменија, Италија, Шпанија, Холандија, Украина, Германија, Литванија, Азербејџан, Белгија, Грција, Исланд, Молдавија, Шведска , Австралија, Англија, Полска, Србија, Естонија.
Украина извојува убедлива победа на овогодинешната Евровизија. Оркестарот Калуш победи на Евровизија со песната „Стефанија“.
Честитки на одличната изведба!
ФОТО: Eurovision Song Contest
-
Кичево16 часа
Удрен пешак од кичевско село, истиот се здобил со повреди констатирани во Медицински центар
-
Хороскоп1 ден
Хороскоп за петок (20 мај)
-
Хороскоп6 часа
Хороскоп за сабота (21 мај)
-
Временска прогноза19 часа
Следуваат многу топли денови, но нестабилноста не е исклучена на овие места
-
Магазин2 дена
WhatsApp спреми големо ажурирање
-
Кичево2 дена
15 Години Conquering Lion во Република 96250
-
На денешен ден2 дена
19 мај – На денешен ден
-
Магазин17 часа
Употребата на мобилни телефони од страна на децата забележа најбрз раст во последните четири години