Денеска во манастирот на Светиот Великомаченик Георгиј во с. Кнежино – кичевско, се одржа културно-уметнички настан, со кој практично се заокружува светлата пасхална седмица со блесок на Велигденско-Ѓурѓовденски концерт на културно уметничките друштва на градот Кичево КУД „Бисер“, „Нико Пусоски“, „Младост“ и „Рацин“. Програмата ја водеше г-дин Цане Ѓорѓиоски, основач на КУД „Бисер“, кој му се заблагодари на нашиот возљубен старец, игумен на Бигорскиот манастир, г. Партениј и му посака добро здравје.

Гости се разбира беа нашите Сестри од манастирот Св.Пречиста, како и членови од Хорот Митрополит „Козма Пречистански“, додека овој преубав настан, со своето присуство го збогати и директорот на НЦУК „Кочо Рацин“ од Кичево, г-дин Мазлам Османи кој секогаш е присутен на сите настани на фолклорните ансамбли во Кичево, како голем поддржувач на истите.

Во видео запис од нешто помалце од еден час ќе уживате во убавите традиционални македонски ора

Стотици кичевчани и оваа господова 2024-та година од сите страни на градот вчера дојдоа во градскиот храм Св.Петар и Павле – Кичево каде присуствуваа на полноќните богослужби по повод христијанскиот празник „Воскресение Христово – Велигден“.

Дворот на храмот заштитник на град Кичево беше претесен за сите верници каде традиционално се собраа на соопштување на радосната вест „Христос Воскресна“, од страна на свештениците.

Радост и среќа будат најмладите кои чествуваат и ја негуваат верата, укажувајќи ни уште еднаш за важноста на овој ден и најголем празник!

Ви прилог официјална галерија преку нашиот објектив на Јован Ангелески

Вчера и официјално заврши традиционалниот турнир во мал фудбал по повод ,,7ми мај – Денот на Македонската полиција” организиран од страна на Претседателот на Совет на МПС Охрид Јетмир Реџепи, членот на Претседателство на МПС Ештреф Ахмети и Претседателот на ОО на МПС-Кичево Сејдин Сејдини. Учесници на турнирот беа екипи од подрачјето на ОВР Кичево составени од членови на Македонскиот Полициски Синдикат.

На завршниот турнир присуствуваа и свечено го затворија Претседателот на МПС д-р Марјан Кицев и началникот на ОВР Кичево Амдин Емини воедно доделувајќи го пехарот за прво место на екипата ПС за ОН Кичево.

Второ место беше екипата на ПО за БПС Кичево, трето место беше екипата на ПО Зајас.

За најдобар играч беше прогласен Дриљон Лика, најдобар голгетер беше прогласен Филип Филипоски и за најдобар голман беше прогласен Дарко Темелковски.

Истакна претседателот на Македонски полициски синдикат д-р Марјан Кицев.

Повеќе фотографии ТУКА