Македонија
Студенти од втора година на „ФИНКИ“ направија анкета дали во пандемијата со „Коронавирус“ луѓето масовно пазаруваат во маркетите и пазарите
Група студенти од втора година од Факултетот за информатички науки и компјутерско инженерство направија анкета за тоа дали луѓето масовно пазаруваат во маркетите и пазарите откако почна пандемијата со Коронавирусот.
Анкетата ги опфаќа и студентите на својот факултет.
Во оваа анкета учествуваа 60 испитаници и содржи 7 кратки прашања.
За себе велат дека идејата за оваа анкета настанала по секојдневната глетка, каде буквално насекаде низ светот луѓето купуваат огромни количини на производи и основни намирници, од кој како пример ќе ја земеме „тоалетна хартија“, без некое разумно размислување зошто баш тој продукт ни е најпотребен во оваа ситуација.
Во анкетата исто така 80% од испитаниците се на возраст од 19-23 години, а потоа следи старосната група од 13-18 години (10%) и 24-40 години (10%).
Согледавме дека повеќете што одговорија на нашата анкета се доволно информирани околку ситуацијата со Коронавирусот. Односно, 58.3% од нив знаат основни информации, 36.7% се информираат и преку странски медиуми, додека многу мал дел воопшто не се информирани.
На прашањето колку често одите да пазарувате, 65% одговорија дека одат еднаш или двапати неделно, додека мал процент од нив одат секојдневно (13%).
На прашањето дали досега сте купиле поголема количина на производи од тоа што ви е била потребна, 88% одговорија негативно. Ова претставува добар знак за разлика од тоа што слушавме како насекаде во светот се купуваат огромни количини на производи.
Тие што одгворија дека имаат купено повеќе производи од тоа што им било потребно, ги замоливме доколку сакаат да образложат ваквиот чекор. Ова се одговорите со кои се сретнавме:
– „Помалку одење во маркет, храна за подолог временски период”
– „Пандемијата е политика, треба да се функционира нормално”
– „Сум купувал поголема количина на работи, но не огромна за да нема за останатите граѓани. Против сум да се празнат маркетите без потреба, но сум за да се купува повеќе за да ти трае една недела за да се намали одењето во маркет и контакт со луѓе”
– „Моето семејство е големо, затоа сакаме да располагаме со намирници во секое време”
– „За да не се излегува секојдневно”
– „Страв дека би можел да се воведе целосен карантин”
– „Помалку излегување поради не стварање гужва”
Исто така, увидовме дека неверојатно голем процент (93.3%) од испитаниците сметаат дека масовното пазарување не е во ничија полза.
Може искрено да кажеме дека сме задоволни со одговорите од анкетата бидејќи гледаме дека колегите од факултет се совесни и знаат дека пандемијата ќе ја победиме само доколку сите ги имаме производите кои ни се потребни, а не само тие што може да си ги овозможат во најбрз временски период – на крај додаваат креаторите на анкетата.
Подготвиле: Симона Анчова, Теодора Ѓорѓиевска, Санер Вејсел и Христијан Аврамовски
Македонија
СВР Охрид: Презема мерки за наоѓање на сторители, кои по телефон вознемирувале граѓани за случени сообраќајки на нивни блиски
СВР Охрид презема мерки за пронаоѓање на лица кои деновиве, преку телефонски јавувања кај граѓани од Охрид, лажно претставувајќи се, вршат измами за случени сообраќајни незгоди во кои, наводно, жртви или тешко повредени биле членови на нивните семејствата или други нивни роднини.
Со тоа создаваат огромна вознемиреност кај граѓаните, а целта на овие измами е да изнудат пари за наводна помош при понатамошната постапка.
– Апелираме до граѓаните, да не наседнуваат на ваквите телефонски јавувања и веднаш да ги пријават на бесплатниот телефонски број 112 или лично во најблиската полициска станица, истакна портпаролот на СВР Охрид, Стефан Димоски.
Македонија
Денес е 1-ви мај, меѓународен ден на трудот, некои велат ден произлезен од традициите на работничкото движење
1-ви мај е меѓународен празник кој се слави ширум светот. Во многу земји се поистоветува со денот на трудот кој произлезе од традициите на работничкото движење, иако славењето на први мај има длабоки корени во древните пагански празници посветени на природата.
Празникот на трудот кој се празнува на првиот ден од мај и е посветен на борбата за зачувување и унапредување на работничките права, всушност е ден на кој се оддава почит кон жртвите на штрајкот што се одржал од 1 до 4 мај 1886 година во Чикаго.
Во Македонија Први мај е државен празник, како и во повеќе земји во светот. Се до 2006 година Први мај се празнуваше два дена, на 1 и 2 мај, а од 2007 година се празнува само еден ден. Вообичаено кај нас, овој ден се користи за излети во природа. Скоро секој град има свои традиционални излетнички места, а тоа се најчесто зелени прекрасни ливади покрај вода каде населението ја пали традиционалната скара и со песна и игра го поминува денот на трудот.
Слично како и кај нас така и во други европски држави овој ден се прославува во природа покрај логорски оган на кој се спрема скара или некое друго јадење. Во некои земји во Северна и Централна Европа, во природа се излегува ноќта спроти Први мај (Валпургина ноќ) и се прославува плодноста, при што се пие и пее долго во ноќта покрај запалените огнови.
За разлика од ваквото празнување, кое има корени во паганското чествување на природата, во некои држави работничките синдикати организираат масовни протести на кои се истакнуваат нови барања за подобрување на работничките права при што често пати има и судири со полицијата.
Кај нас тоа е само симболично, што е одраз на традициите и културата на славање на овој празник како и на нивото на зрелоста на синдикалната организација.
Македонија
Грк понудил поткуп на „Табановце“ па експресно бил лишен од слобода
На 29.04.2024 во 12.40 часот на Граничен премин Табановце, полициски службеници го лишиле од слобода Д.К.(49) од Република Грција, поради сомнение за сторено кривично дело „давање поткуп“. При пасошка и гранична контрола на возилото „форд“ со германски национални ознаки, кое го управувал, тој во својата патна исправа ставил пари како поткуп.
Парите биле одземени со потврда за одземени предмети, а лицето било предадено на полициски службеници од СВР Куманово за понатамошна постапка, известуваат од МВР.
-
Хороскоп1 ден
Хороскоп за четврток (2 мај)
-
Хороскоп11 часа
Хороскоп за петок (3 мај)
-
Кичево20 часа
Дечињата од ЈОУДГ „Олга Мицеска“ – Кичево, по повод „Велигден“ истакнаа празничен хепенинг
-
Кичево13 часа
(ФОТО) Игралиштето во населба „Девеана“ од денес повторно блесна со ново осветлување и клупи
-
Култура1 ден
Денеска е „Велики Четврток“, традиции и обичаи за овој голем ден
-
Македонија2 дена
СВР Охрид: Презема мерки за наоѓање на сторители, кои по телефон вознемирувале граѓани за случени сообраќајки на нивни блиски
-
Македонија2 дена
Денес е 1-ви мај, меѓународен ден на трудот, некои велат ден произлезен од традициите на работничкото движење
-
Магазин2 дена
На децата не треба да им се дозволуваат паметни телефони во рака пред да наполнат 13 години, се вели во експертски извештај на францускиот претседател Макрон