Следете не

Здравје и убавина

10 чекори со кои ќе го подобрите вашето здравје

Објавено пред

на

Се чини дека секојдневно нови студии сугерираат нови начини за намалување на ризикот од болести. Што јадете, што пиете, како се однесувате со другите, сето тоа влијае врз вашето здравје. Пробајте ги овие едноставни и ефективни совети на екпертите и подобрете го вашето здравје

Јадете моркови – се намалува ризикот од рак

Студија објавена во журналот на Националниот институт за рак во 2012 година покажува дека каротеноидите (пигментите во морковот што всушност се антиоксиданти) може да го намалат ризикот од рак на дојките кај жените. Истражувачите проучувале податоци од 3.000 случаи и увиделе врска меѓу високото ниво на каротеноиди во крвта и ризикот од рак на дојка. Лаура Кипуло, препорачува јадење портокалова храна, но вели дека кародтени може да се внесат во организмот и со јадење, жолчка и брокула, но и спанаќ.

Исправете се – да ја избегнете болката во вратот

Држете ги рамената назад, а главата исравено, со што нема само да придонесете за своето здравје, туку и ќе изгледате поубаво. Според д-р Дејвид Гиер, ако сте подведнати во горниот дел од телото, предизвикувате притисок во мускулите на рамената, што предизвикува болка. За да знаете дека држењето на телото ви е исправено и кога стоите, проверете го тоа во огледало. Свртете се на страна и погледнете дали замислената линија поминува точно низ средината на вашето уво, рамо, колк и глужд. Ако таа линија е права, тогаш знајте дека држењето ви е правилно.

Одете во кругови за да го намалите стресот

За намалување на стресот се препорачуваат медитации или јога, но активните луѓе не сакаат многу да седат на едно место. Затоа експертите препорачуваат прошетки, но не од оние во еден правец, или враќање по друга патека. Препорачуваат одење низ лавиринт, или бавно одење по кружна патека. Тоа доведува до психичко смирување, поради повторувањето на истите слики. Студија објавена во журналот за зависности, покажува дека ваквиот начин на пешачење помага во намалување на крвниот притисок, по само една до шест недели движење во лавиринт.

Избегнувајте ги тв каналите за храна

Ако сакате да намалите килажа не гледајте емисии во кои таа се приготвува, а особено треба да го избегнувате каналот во кој 24 часа се готви. Многумина кои гледаат храна го поттикнуваат организмот и сам да побара храна, иако штотуку станале од маса. Според студија објавена во весникот за прекумерна телесна тежина во јануари 2012 година, научниците покажале дека се зголемува хормонот грелин, кој го регулира чувството на глад, откако на учесниците во истражувањето им покажувале фотографии од храна. Кипуло вели дека треба да се исклучи телевизорот додека јадете, а, пак, доколку гледате омилено шоу за приготвување храна тогаш в рака имајте пенкало и хартија да запишете рецепт, а не грицки.

Пијте зелен чај и намалете го ризикот од рак на дигестивниот систем

Заменувајќи го кафето со шолја зелен чај може да го намали ризикот од рак на системот за варење , според истражувачите кои ја направиле студијата за женско здравје во Шангај. Според нив, пиењето чај најмалку трипати неделно во рок од шест месеци го намалува ризикот од рак за 17 отсто. Жените кои пијат зелен чај два-трипати дневно тој ризик го намалуваат за 21 отсто.

Станете, за помал обем на струкот

Седењето во подолги периоди во текот на денот без пауза доведува до таложење на мастите околу половината, со што се намалува и нивото на добриот холестерол во крвта. Студија објавена во Европскиот весник за срце во јануари 2011 година покажува дека ако станете од столицата барем на една минута неколкупати дневно го чува вашето срце и обемот на струкот. Дури и оние кои долго седат ќе имаат помал обем на струк и ниско ниво холестерол ако често прават куси паузи (колку повеќе паузи, толку подобро). Стоењето од една минута ги намалува негативните ефекти од седењето. Експертите препорачуваат ако имате можност набавете маса што се крева, па одреден дел од денот работете на компјутер станати. Или, сместете го лаптопот врз фајловите на полиците. Секако, место да пратите маил до колегите од другата канцеларија појдете до таму да ги информирате. Пијте вода, многу, за да мора да одите во тоалет почесто.

Чистете ги забите со забен конц за здраво срце

Чистењето заби со конец е поврзано со генералното здравје, но и спречува бактериите од вашата уста да навлезат во крвотокот и да предизвикаат инфекции, дури и ендокардитис (воспаление на кошулката на срцето), што е болест опасна по живот. „Чистењето на забите со конец ја отстранува и бактеријата од празнините, не само храната“, велу Санда Молдован, стоматолог. Таа препорачува еднаш дневно да се чистат забите со конец, не почесто, затоа што може да ја истенчите глеѓта од забите. „Неодамнешна студија покажа дека оние кои ги чистат забите со конец живеат пет до седум години подолго од оние кои не го прават тоа“, додава Молдован.

Сушете ги рацете по и миењето

Не е доволно само да ги измиете рацете откако сте биле во тоалет, треба и квалитетно да ги исушите, за да ги уништите сите бактерии, вели Мајкл Шмит, лекар. „Водата е одличен преносител на најразлични микроорганизми, особено од суви површини во јавните тоалети, на мокри раце“.
Ако ја фатите кваката од вратата од тоалетот со влажни раце, имате големи шанси повторно да ги контаминирате.
Студиите покажале и дека хартиените бришачи се многу подобри од електричните сушачи. Најдобро е да ги измиете рацете со сапун и вода и ако нема хартиени бришачи, сушете ги со електричен фен колку можете повеќе.

Правете вежби за ментален одмор

Според журналот на Психијатриска пракса, луѓето треба да земат ментален одмор, што доведува до смирување. Бројни извештаи покажуваат дека медитациски терапии, во комбинација со традиционални терапии имаат поголем ефект во ослободување од болката и други психијатриски симптоми. Според една студија објавена во весникот на Американската асоцијација за срце, покажала дека афро-американците имаат 48 отсто помали шанси за срцев удар ако практикувале трансцедентални медитации.

Еден терапевт препорачува да седнете на подот да ги затворите очите да вдишите додека броите до два, а да издишите броејќи до три. Повторете го тоа десет пати, потоа фокусирајте се на стапалата од нозете, на ѕидот спроти вас и на таванот и повторете по десет пати за секое. На крај уште една серија од десет направете фокусирани на стапалата. Потоа полека отворете ги очите.

Една шолја кафе за подолг живот

Вашето утринско кафе може да ви помогне да живеете подолго, споед истражувачите од Националниот институт за рак. Во истражување на 400.000 мажи и жени на возраст од 50 до 71 одина, се покажало дека оние кои пиеле кафе имале помали шанси да умрат од срцеви болести, удар, диабетес или инфекција, без разлика дали пиење кафе со или без кофеин. Споредено со ние кои не пијат кафе, оние кои пијат две до три шолји кафе имаат 10 отсто помали шанси за смрт.

Здравје и убавина

Светско, а сепак наше и кичевско, апи-центар „Грозданоски“ – „Нашата природна аптека за вдишување на здрав пчелин воздух“

Објавено пред

на

По теркот на малкумината европски и балкански пчелари г-дин Зоран Грозданоски, сакајќи да ги прикаже благодетите на пчелите и пчелните производи за да им станат подостапни на луѓето, се реши и официјално вчера го отвори апи-центарот Грозданоски.

Oвој апи центар се наоѓа во с.Осој – кичевско, на само неколку километри од градскиот метеж, во чиста и недопрена природна оаза, опколена со костен, багрем, липа… – сите убавини кои само пчелите умеат да ги ценат и почитуваат. Некои пчелари велат дека апи-центарот е природна аптека, некои велат дека тоа е вистинскиот воздух“, а Зоран вели дека ова е лек не само за телото, туку и за душата, бидејќи се вдишува воздух дирекно од пчелната кошница.

Вдишувањето аеросоли, матичен млеч, полен, прополис, пергата поволно делуваат и лечат:

✔️намален имунитет
✔️бронхитис
✔️астма (алергиска и неаргиска)
✔️ проблеми со синуси
✔️проблеми со дишните патишта
✔️алергии
✔️мигрена
✔️стрес
✔️ларингитис
✔️кардиоваскуларни заболувања
✔️нормализација на крвен притисок
✔️депресија
✔️пост-ковид закрепнување

Меѓутоа, ова не значи дека и здравите лиѓе и спортистите не треба да доаѓаат зашто девизата на апи центар „Грозданоски“ e

– „Здравите луѓе да стекнат посилен имунитет и никогаш да не се разболуваат, а тие што имаат проблеми со здравјето – да си заминат одовде здрави, живи, насмеани“

Додаваат: Повелете посетете не, уживајте со нас и нашите пчелни друштва за да и се радуваме на природата и здравјето заедно.

Контакт телефон: 077/915-750

Прочитај повеќе...

Здравје и убавина

Неправилно миење на заби, може да придонесе до нивно лесно оштетување

Објавено пред

на

Кога агресивно ги миете забите, забот лесно може да се оштети, поради што забите можат да станат чувствителни, а реакцијата на топло и студ е првиот показател.

Како резултат на грубо четкање, може да се појават следниве проблеми:

Непцата се повлекуваат
Секој заб е заштитен со забната глеѓ, најтенкиот и најтврдиот површински слој на забот, кој може сериозно да се оштети со прекумерно четкање. Оштетувањето на забната глеѓ може да доведе до повлекување на непцата, изложувајќи го коренот на забот на опасност.

Според стоматолозите, околу 10 до 20 проценти од светската популација ги оштетила непцата со прекумерно четкање, најчесто со употреба на тврди четки за заби и високо абразивни пасти за заби.

Забите стануваат преосетливи
Кога емајлот на забот е оштетен, забите можат да станат преосетливи, но исто така можат да ја променат бојата.

Ако чувствувате болка кога пиете ладни или топли пијалоци или грицкате потешка храна, тогаш е време да го посетите стоматолог.

Делот од забот во близина на непцата не е сјаен и нема светла боја
Причината зошто делот од забот долж непцата е малку потемен од остатокот на забот е тоа што тие не се заштитени со емајл на забите. Кога непцата ќе почнат да се повлекуваат, делот од забот што е видлив има потемна боја и е многу почувствителен.

Без забната глеѓ што ги штити, тие се изложени на сите видови бактерии. Значи, проблемот оди сè подлабоко, загрозувајќи го целокупното здравје на усната шуплина.

Истрошена четка
Абразијата со четка за заби е најчеста причина за абење на забите, што значи дека многу луѓе ги мијат забите на погрешен начин. Ова се случува затоа што се става премногу притисок врз забите, најчесто со четки со тврди влакна, пишува Bright Side.

Четката за заби треба да има меки влакна, сметаат стоматолозите, а притисокот врз забите мора да биде умерен.

ФОТО: pixabay/pexels

Прочитај повеќе...

Здравје и убавина

Анализи за консумирање алкохол од 2010 и зачестеноста на карцином во 2020 година

Објавено пред

на

Експертите ги анализирале податоците за консумирање алкохол од 2010 година и зачестеноста на карцином во 2020 година.
Десетгодишниот период на разлика е земен затоа што многу видови на рак, како што се рак на усната шуплина, ларинксот и дојката (кај жени), се развиваат бавно, а веќе е утврдено дека тие имаат последователна врска со потрошувачката на алкохол.

Од минатогодишните 741.300 нови случаи на рак кои можат да бидат поврзани со консумирање алкохол, мажите сочинуваат 568.700, а жените 172.600.

Повеќето карциноми биле рак на хранопроводот, црниот дроб и дојката. Речиси 47 проценти од случаите се поврзани со тежок алкохолизам, кој авторите го дефинираа како внес на 60 или повеќе грама етанол алкохол на ден, или 6 или повеќе пијалоци.

Конзумирање од 20 до 60 грама на ден – 2-6 пијалоци – што авторите на студијата ги сметаат за „ризични“, сочинуваат 39,4 проценти од случаите. Умерено пиење, до 20 грама етанол алкохол, придонесе за развој на рак кај 14% од луѓето.

– „Итно треба да ја подигнеме свеста за врската помеѓу алкохолот и ризикот од рак“, додава Хариет Рамгеј, докторанд на Меѓународната агенција за истражување на ракот при СЗО.

Според неа, мора да се смислат стратегии за заштита на јавното здравје, како што се намалување на достапноста на алкохол, означување на алкохолни производи со предупредување и забрана за рекламирање на алкохолни пијалоци.

/vesti-online.com
ФОТО: rebcenter-moscow / pixabay

Прочитај повеќе...

Facebook

Последни објави

ХороскопПред 13 часа

Хороскоп за денес (24 јули) сабота

ОВЕН Се чувствувате подготвени да прифатите дополнителна работа што може да биде отскочна даска за вас и која може многу...

СветПред 1 ден

Повеќе од 200 американски официјални лица добија мистериозна болест, ЦИА ја повикува Русија

Околу 100 вработени во ЦИА и членови на нивните семејства се меѓу 200-те американски службеници кои страдаат од мистериозниот синдром...

СветПред 1 ден

Автомобилот Тесла повторно ќе може да се купи со биткоин

На иницијатива на нејзиниот сопственик Илон Маск, компанијата Тесла, која произведува електрични автомобили, неколку пати го смени ставот кон криптовалутата...

СветПред 1 ден

На прагот на новата ера на откривање – НАСА ги објави плановите за Марс

Rover Perseverance се подготвува да го собере првиот примерок од карпи од Марс, објави во средата американската вселенска агенција. Собирањето...

Временска прогнозаПред 1 ден

Продолжува стабилното време со мала локална облачност, од недела многу топло, ова се деталите..

И понатаму продолжува периодот на стабилно, суво и сончево време со мала локална облачност. Повремено ќе има услови за изолирана...

На денешен денПред 1 ден

На денешен ден – 23 јули

1757 година – почина италијанскиот композитор Доменико Скарлати, виртуоз на чембало. Составил 555 сонати на чембало користејќи нова техника со...

ХороскопПред 2 дена

Редовен Хороскоп -( 23 јули )- петок

ОВЕН Денес Месечината кај Овенот ги истакнува деловните и личните односи што се сведуваат на одредени обврски и дискусии. Договорените...

ГејмингПред 2 дена

Конами: Популарната игра „PES“ го менува името во „eFootball“ и станува бесплатна за играње

Јапонската компанија „Конами“ објави дека популарната видео игра PES (Pro Evolution Soccer) се откажува и дека на нивната долгогодишна фудбалска...

Здравје и убавинаПред 2 дена

Светско, а сепак наше и кичевско, апи-центар „Грозданоски“ – „Нашата природна аптека за вдишување на здрав пчелин воздух“

По теркот на малкумината европски и балкански пчелари г-дин Зоран Грозданоски, сакајќи да ги прикаже благодетите на пчелите и пчелните...

СветПред 2 дена

Ливерпул е отстранет од списокот на светско културно наследство на УНЕСКО

Англискиот град Ливерпул вчера беше избришан од списокот на светско наследство на УНЕСКО, бидејќи новите згради ја нарушија убавината на...

НАЈЧИТАНИ